10 ფილმი, რომელიც ზაფხულის ნოსტალგიისგან გიხსნით

nugo July 11, 2021

შემოდგომა ზაფხულსა და ზამთარს შორის შუამავალი თვეა. რადგან უკვე ზაფხულის ცხელ დღეებს, მზიან ამინდებს და ლივლივა ზღვას გამოვემშვიდობეთ, ახლა თოვლი, გრილი დღეები და გადათეთრებული მთები გვენატრება. ერთი სული გვაქვს, როდის დასრულდება ფერადი ფოთოლცვენა და მალე შევეგებებით ზამთარს.

ალბათ, ჩვენნაირ განწყობაზე ბევრია, ამიტომ, დღევანდელ კოლექციაში გთავაზობთ ფილმებს, რომლებიც შეგახსენებთ, რომ ადრე თუ გვიან, ისევ მოთოვს (ნუ, თბილისში თუ არა, ცოტა შორს მაინც)

გაყინული (2013)

მოდით, ამ ანიმაციით დავიწყოთ. მიუხედავათ იმისა, რომ ბევრს ყელში აქვს ამოსული, შეუძლებელია იმის უარყოფა, რომ ანიმაციური თოვლი ულამაზესია. ამ ანიმაციური ფილმის დიდ ეკრანზე ყურებისას შეუძლებელია თქვენც არ იგრძნოთ ელზას ყინულის სიგრილე.

გაყინული პლანეტა (2011)

ეს დოკუმენტური სერიები, რომლებიც “პლანეტა დედამიწის” შემქმნელებმა შემოგვთავაზეს, ცხოველების თავგადასავლების სანახავად ანტარქტიდაზე გამოგზაურებთ. თხრობა და ოპერატორის არაჩვეულებრივი ნამუშევარი, მარტივად მოგწყვიტავთ რეალობას და თავს გაყინული ველური პირობების ნაწილად გაგრძნობინებთ.

ნათება (1980)

ამ სიაში, ერთი საშინელებათა ფილმიც ხომ უნდა შეგვეყვანა? ფილმი ოჯახზე მოგვითხრობს, რომელსაც ზამთრის სიცივე იზოლირებულს ხდის გარე სამყაროსგან და აიძულებს, თავი ცარიელ სასტუმროს შეაფაროს. მიუხედავად იმისა, რომ სიუჟეტი ძირითადად ერთ დიდ სასტუმროში მიმდინარეობს, სხვა ყველაფერთან ერთად, მაინც მოაქვს სუსხიანი და ცოტა შემაშინებელი ზამთრის განწყობა.

დიდი გამყინვარება (2002)

რა თქმა უნდა, ამ ანიმაციურ ფილმს შედევრს ნამდვილად ვერ ვუწოდებთ, მაგრამ ის ბევრისთვის ბავშვობასთან ასოცირდება და ბევრი დასამახსოვრებელი მომენტიც გააჩნია. მოკლედ, ასეა თუ ისე, მასში ნამდვილად არის მომენტები, რომლის ხათრითაც ღირს მისი ყურება, განსაკუთრებით თუ მოწყენილი ხართ, ან პატარა ბავშვი გყავთ, ანდაც ზამთარი გენატრებათ.

კოშმარი შობის წინ (1993)

ამ ფილმის საყურებლად ნებისმიერი დრო შესაფერისია და ის მოიცავს ორივე ცივ სეზონს: შემოდგომასა და ზამთარს. მართალია, ვცდილობთ საშობაო თემას არ შევეხოთ ამ კოლექციაში, მაგრამ ამ ფილმის ცივი ატმოსფერო არაჩვეულებრივი არჩევანია იმისთვის, რომ შეგახსენოთ – სეზონები ჩვენი ხასიათივით იცვლება.

ბალტო (1995)

გულისამაჩუყებელი ისტორია ბალტოზე, სახანევროდ ძაღლზე და სანახევროდ მგელზე, რომელიც ალიასკაზე მძვინვარე ეპიდემისს შესაჩერებლად წამლების მიტანას დანიშნულების ადგილზე ცდილობს. უნდა აღინიშნოს, რომ გარემო და პერსონაჟები არაჩვეულებრივადაა ანიმირებული.

ღობის მიღმა (2014)

კიდევ ერთი პატარა გადახვევა… სერიების უმეტესობაში მოვლენები შემოდგომაზე ვითარდება, მაგრამ გამუდმებით იგრძნობა მოახლოებული ზამთარი. თანაც, კარგი იქნება თუ მეტი ადამიანი გაიგებს ამ სერიალის შესახებ. თუ “გრავითი ფოლსის” თაყვანისმცემელი ხართ, არ გამოტოვოთ, ეს სერიალიც აუცილებლად მოგეწონებათ.

ნარნიას ქრონიკები (2005)

მართალია, აქ ზამთარი ბოროტებაა, მაგრამ დათოვლილი გარემო იმდენად ზღაპრულად გამოიყურება, რომ შეუძლებელია არ გაიზიაროთ ლუსის აღფრთოვანება, როდესაც ის პირველად ხედავს მას. ბუნება არაჩვეულებრივად არის ნაჩვენები და რაღაცით “ბეჭდების მბრძანებელსაც” მოგაგონებთ.

პოლარული ექსპრესი (2004)

რა თქმა უნდა, ვცდილობთ საშობაო ფილმებს თავი ავარიდოთ, მაგრამ ამავე დროს გვინდა შევარჩიოთ ფილმები საუკეთესო ზამთრის ატმოსფეროთი. “პოლარული ექსპრესი” ნამდვილად აკმაყოფილებს ამ მოთხოვნას. გადაღების სტილი თამაშების ვიდეორგოლებს გაგახსენებთ, მაგრამ გარემო და მუსიკები ნებისმიერ შემთხვევაში მიიქცევენ თქვენს ყურადღებას.

ბედნიერი თათები (2006)

ეს ანიმაციური ფილმი ატმოსფეროთი არ გამოირჩევა, მაგრამ არის მხიარული და უდარდელი, რომლის მოქმედებაც უმეტესად არქტიკაში ვითარდება. არ არის გამორიცხული, ფილმის ყურებისას შენიშნოთ, როგორ აყოლებთ ფეხებს პერსონაჟებთან ერთად…