10 ფილმი, რომელიც ზაფხულს შეგაძულებთ

nugo July 11, 2021

თუკი ზაფხული ისედაც გეზიზღებოდათ, მაშინ სწორი გადაწყვეტილება მიგიღიათ, როცა ამ სტატიას დააკლიკეთ. საინტერესოა, ზამთარს უფრო მეტი მოძულე ჰყავს თუ ზაფხულს? მოდით, ამ კითხვაზე პასუხი ამ ფილმებმა გასცენ… მოკლედ, დღევანდელი კოლექციის კინოფირები ზაფხულს კიდევ უფრო მეტად შეგაზიზღებენ.

იმოქმედე სწორად (1989)

ნიუ-იორკში აუტანელი სიცხეა. ასფალტი დნება, ავტომანქანების ტემპერატურა კი, სახლის ღუმელის ტემპერატურას უტოლდება. დასიცხული ადამიანები ცივ შხაპზე ოცნებობენ. თერმომეტრის ნიშნული დაუნდობლად მიიწევს მაღლა. ადამიანები თანდათან მოთმინებას კარგავენ. დღის ბოლოს, მყუდრო იტალიური პიცერეა – ”სელასთან”, ნამდვილ ბრძოლის ველად გადაიქცევა.

პარასკევს 13-ში (2009)

ახალგაზრდების ჯგუფი „კემპ კრისტალ ლეიკზე“, ტბასთან ახლოს ფიცრულ სახლს ნახულობს, ცოტა ხანში ისინი ჯეისონ ვურის და მის საზარელ განზრახვებს გადააწყდებიან. მოქმედება ფილმში 1980 წლის ზაფხულში ხდება.

ეზოში გამავალი ფანჯარა (1954)

ჯეფერისს ფეხი თაბაშირში აქვს, კვირების განმავლობაში უსაქმოდაა და თავს ფანჯრიდან მეზობლების ცქერით იქცევს. ამ თვალთვალისას მას ეჩვენება, რომ მკვლელობის მოწმე გახდა. თავის მეგობარ გოგონა ლიზასთან და მომვლელთან ერთად ისინი ცდილობენ საიდუმლოს და შესაძლო მკვლელობის გახსნას.

ძაღლების შუადღე (1975)

რეჟისორ სიდნი ლუმეტის მიერ გადაღებული ფილმი ძაღლების შუადღე ეფუძნება რეალურ ისტორიებს. ალ პაჩინო თამაშობს მძარცველს, რომელიც ბრუკლინში, ნიუ-იორკში, ბანკის ძარცვისას მძევლებს აიყვანს. შეგახსენებთ, რომ ამ როლისთვის მსახიობი ოსკარზე იყო ნომინირებული.

დაცემა (1993)

უმუშევარი თავდაცვის თანამშრომელი, შეწუხებულია საზოგადოებაში არსებული სხვადასხვა მანკიერებებით და ცდილობს მათ თავისი მეთოდებით შეებრძოლოს. მაიკლ დუგლასის გმირი თავის განზრახვას კი ლოს ანჯელესის ერთ ცხელ დღეს მოიყვანს სისრულეში.

მოულოდნელად, შარშან ზაფხულში (1959)

შეძლებული ქვრივი ვიოლეტ ვენაბლეს ერთადერთი ვაჟი იღუპება არდადეგებზე, როდესაც ის ძმისშვილ ქეთრინთან ერთად ისვენებს. ის რაც გოგონამ საკუთარი თვალით ნახა, იმდენად შოკის მომგვრელი იყო, რომ ის სიგიჟის ზღვარზეა. ვიოლეტას სურს ქეთრინს ლობოტომია გაუკეთონ, რათა მან გაიხსენოს მომხდარი და ფარდა ახადოს უბედურ შემთხვევას.

მე ვიცი რა ჩაიდინეთ წინა ზაფხულში (1997)

სკოლის დამთავრების აღნიშვნის დროს, ოთხმა მეგობარმა შემთხვევით ადამიანი გაიტანა და მიიმალნენ. ისინი გვამს მოიშორებენ და ფიცს დადებენ, რომ ყველაფერს საიდუმლოდ შეინახავენ. ერთი წლის შემდეგ მათ ანონიმური წერილი მოსდით, სადაც გამომგზავნი აფრთხილებთ: “მე ვიცი რა ჩაიდინეთ წინა ზაფხულს”…

სამერის 500 დღე (2009)

ჯოზეფ გორდონ-ლევიტი და ზოი დეშანელი რეჟისორ მარკ უების უცნაურ რომანტიულ კომედიაში, სადაც მამაკაცს შეუყვარდება ქალი რომელსაც სიყვარულის არ სჯერა. ტომი არქიტექტორია რომელიც ცხოვრებისთვის სამყოფ ფულს მისალოცი ბარათების წერით გამოიმუშავებს. იგი მისი უფროსის ახალ ასისტენტს, ულამაზეს სამერს შეხვდება და მალე აღმოაჩენს, რომ მათ, მიუხედავად იმისა, რომ ერთი შეხედვით ეს არ ჩანს, ძალიან ბევრი აქვთ საერთო.

განთავისუფლება (1972)

მეგობრები აპალაჩის მთებში მიემგზავრებიან. ისინი ორი ნავით ეშვებიან მდინარეზე. მათ გეგმაში აქვთ დასვენება, განტვირთვა და ლამაზი ადგილების დათვალიერება, მაგრამ ისინი ადგილობრივი თავზეხელაღებული სადისტების მახეში აღმოჩნდებიან.

სემის სისხლიანი ზაფხული (1999)

ნიუ-იორკის 1977 წლის ზაფხული შევიდა ისტორიაში როგორც ამ ქალაქის ყველაზე ცხელი ზაფხული. ამავე ზაფხულმა წარმოშვა ნიუ-იორკის პირველი სერიული მკვლელი. იწევდა ტემპერტურა, იწევდა მსხვერპლთა რიცხვიც…