10 ფილმი, რომელიც კაცებს აგატირებთ

nugo July 11, 2021

ამბობენ, კაცები არ ტირიანო და ხშირად ეს გენდერული სტერეოტიპი მამაკაცებს ემოციების შეკავებას და საკუთარ თავში ჩახშობას აიძულებთ. სინემანია გთავაზობთ 10 ბრწყინვალე ფილმს, რომელიც ყველაზე თავშეკავებულ კაცებსაც კი ცრემლებს მოგგვრით:

მწვანე გზა (1999)

მწვანე გზა

სტივენ კინგის ტვისტებით სავსე რომანის ეკრანიზაციაში სიუჟეტი სიკვდილმისჯილთა ციხეში ვითარდება. ახალი, გოლიათი პატიმრის გამოჩენა ციხის დაცვის წევრთა ცხოვრებას ცვლის. სასტიკ დანაშაულში ბრალდებული შავკანიანი პატიმარი მისტიკური ნიჭითაა დაჯილდოებული.

მაღლა (2009)

მაღლა

ცოლის სიკვდილის შემდეგ, 80 წელს მიტანებული კარლი, რომელიც მთელი ცხოვრება მსოფლიოს გარშემო მოგზაურობაზე ოცნებობდა, 8 წლის ბიჭს გაიცნობს და მასთან ერთად დიდ თავგადასავალს წამოიწყებს. ამ სიკეთითა და თანაგრძნობით აღსასვე ისტორიამ, უბრალოდ, შეუძლებელია, ცრემლი არ მოგგვაროთ.

შინდლერის სია (1993)

შინდლერის სია

ბიოგრაფიული დრამა ოსკარ შინდლერის შესახებ, რომელმაც 1200 ებრაელის სიცოცხლე იხსნა. სტივენ სპილბერგის ჰოლოკოსტზე გადაღებულმა ფილმმა შვიდი ოსკარი მოიპოვა, მათ შორის – წლის საუკეთესო სურათისთვის.

რისხვა (2004)

რისხვა

კრიმინალური თრილერი გვიყვება დაზვერვის ყოფილ თანამშრომელზე, რომელსაც 10 წლის გოგონას დასაცავად დაიქირავებენ. უძილობით გატანჯულ მამაკაცსა და სიყვარულს მოკლებულ ბავშვს შორის საოცრად ადამიანური ურთიერთობა ყალიბდება. მერე კი სასტიკი არჩევანის დროც დგება.

ჰაჩიკო (1987)

ჰაჩიკო

დაუჯერებელი, მაგრამ ნამდვილი ისტორია ძაღლის გასაოცარ სიყვარულსა და ერთგულებაზე; ისტორია ჰაჩიკოზე, რომელიც პატრონის გარდაცვალების შემდეგ ცხრა წელი დადიოდა სადგურზე მის დასახვედრად…

რიგითი რაიანის გადასარჩენად (1998)

რიგითი რაიანი

სამი ძმა ბრძოლის ველზე იღუპება და კაპიტან მილერს მეოთხე ძმის პოვნას და ფრონტიდან გამოყვანას ავალებენ. ეს მეორე მსოფლიო ომის თემაზე შექმნილი ერთ-ერთი ყველაზე ჰუმანური ფილმია, რომლის მიზანიც ადამიანის სიცოცხლის უმაღლეს ღირებულებად წარმოჩენაა.

ბრაიანის სიმღერა (1971)

ბრაიანის სიმღერა

გეილ სეიერსი ფეხბურთის გუნდს უერთდება და მის მწვრთნელს, ბრაიან პიკოლოს უმეგობრდება. მისი ქცევებიდან გამომდინარე, ვერავინ იფიქრებს, რომ პიკოლო – ეს დიდსულოვანი ადამიანი – სიკვდილის პირასაა.

მე მქვია სემი (2001)

მე მქვია სემი

სემის გონებრივი განვითარება შვიდი წლის ასაკის შესაბამისია. როგორ უნდა გაზარდოს მამამ ქალიშვილი, რომელიც გონებრივი განვითარებით უკვე უსწრებს მას? სასამართლოც ამის დამტკიცებას და მამა-შვილის დაშორებას ცდილობს, მაგრამ სასწორის პინაზე უზარმაზარი სიყვარული დევს.

ბედნიერების კვალდაკვალ (2006)

ბედნიერების კვალდაკვალ

რეალურ ამბავზე დაფუძნებული ფილმი, რომელიც ბევრს გატირებთ. სიღარიბესთან, იმედგაცრუებასა და უმწეობასთან ბრძოლის ისტორია; ისტორია მუდმივ მარცხსა და არდანებებზე; ცხოვრებასთან ომზე, რომელსაც შვილის სიყვარული ასაზრდოებს.

რუდი (1993)

რუდი

მას ყოველთვის ეუბნებოდნენ, რომ ძალიან პატარა იყო ამერიკული ფეხბურთის სათამაშოდ. თუმცა, რუდის საკუთარი ოცნების სწამდა და არასდროს დანებებულა. ფილმიც მის ისტორიას მოგვითხრობს, თუ როგორ გახდა დენიელ რუტიგერი ფეხბურთის ვარსკვლავი.