10 ფილმი, რომელიც მოგზაურობას მოგანდომებთ

nugo July 11, 2021

სტატიას წარმოგიდგენთ 

მნიშვნელობა არ აქვს კარგ ფილმს ვუყურებთ, თუ ცუდს. რასაც ეკრანს მიღმა ვხედავთ, უკვე გარანტია იმისა, რომ ვმოგზაურობთ საინტერესო, ხშირად სევდიან ან ძალიან სასაცილო და ხანდახან ამოუცნობ სამყაროში.

რაინდები, რობოტები, თუ კოსმონავტები — თითოეული ისტორია, თითოეული პერსონაჟი გვაძლევს საშუალებას, რომ დროებით მაინც შევძვრეთ მათ ტყავში, ვიქცეთ გმირებად, მშობლებად, შეყვარებულებად, თუნდაც ანტიგმირებად და ვნახოთ ის, რაც ჯერ არ გვინახავს, ვიგრძნოთ ის, რაც ჯერ არ განგვიცდია და მოვინახულოთ ის ადგილები, რომელთა ნახვაც დიდი ხანია გვინდა.

დიახ, ის, რასაც ეკრანს მიღმა ვხედავთ, უკვე ნიშნავს ყველაზე დიდ და საინტერესო მოგზაურობას მსოფლიოს ნებისმიერ წერტილში – თანაც უკვე ზაფხულია და სამოგზაურო სეზონი დაიწყო!

ამ ყველაფერთან ერთად კი, ბი ბოტმა გადაწყვიტა, იღბლიანი მოგზაურები დაასაჩუქროს. მას შემდეგ, რაც სამოგზაურო დაზღვევას პირდაპირ Messenger-ის ჩათში შეიძენთ, თუ ყოველ მეათე მომხმარებელს შორის აღმოჩნდნით, ბოტი კინოს ბილეთებით დაგასაჩუქრებთ.  – დეტალურ ინფორმაციას აქ დაწკაპებით გაეცნობით.

სწორედ ამიტომ, დღეს თქვენთვის ის ათი ფილმი შევარჩიეთ, რომლებიც აუცილებლად მოგანდომებთ ცოტახნით გამორთოთ ეკრანი და ნამდვილ მოგზაურობაზე დაფიქრდეთ.

1. Amélie

პარიზი რომ მხოლოდ ეიფელის კოშკი და ლუვრი არ არის ამაში ამელი ნამდვილად დაგარწმუნებთ და მეტიც, გაიძულებთ ადგეთ, ბარგი ჩაალაგოთ და სიყვარულის დედაქალაქის ვიწრო ქუჩები კეთილი ისტორიების ძებნაში გაატაროთ.

2. Eat Pray Love

იტალია, ინდოეთი და ინდონეზია – რაიან მერფის ფილმი ლეგენდარული ჯულია რობერტსის მონაწილეობით კიდევ ერთხელ დაგარწმუნებთ, რომ თუ კრიზისულ სიტუაციაში ხართ, ან უბრალოდ გსურთ ცხოვრება ახალი ფურცლიდან დაიწყოთ ამ მიზნის მიღწევაში ვერაფერი დაგეხმარებათ ისე კარგად, როგორც ჭამა რომში, ლოცვა ინდოეთში და ახალი ურთიერთობები ინდონეზიაში.

3. EuroTrip

გულზე ხელი დაიდეთ და ისე თქვით, რომელ თქვენგანს არ მონდომებია ევროპის შემოვლა ზუსტად ისე, როგორც ამას სკოტი, კუპერი, ჯენი და ჯეიმი აკეთებენ. ევროტური საუკეთესო მაგალითია იმისა, თუ როგორ შეგვიძლია მცირე ბიუჯეტითაც კი დიდებული არდადეგები მოვიწყოთ და სულ მცირე, მოგზაურობის ბოლოს ის მაინც დავიმახსოვროთ, როგორ უნდა წარმოვთქვათ სწორად – Fluggaenkoecchicebolsen.

4. Roman Holiday

თუ რომის ჭეშმარიტად შეცნობა გსურთ, მაშინ ზუსტად ის გზა უნდა გაიაროთ, რომელიც პრინცესა ანამ –  გადაეშვათ დიდ თავგადასავლებში, ისეირნოთ რომის ვიწრო ქუჩებში, ცნობილი ესპანური კიბეები ნაყინის ჭამით უნდა ჩამოირბინოთ და თუ საქმე საქმეზე მიდგა ,ანგელოზის ციხესიმაგრესთან არამკითხე მოამბეს გიტარაც გადაამტვრიოთ თავზე.

5. Call Me By Your Name

კიდევ ერთი ფილმი, რომელიც იტალიის, კერძოთ კი ჩრდილოეთ იტალიის აღმოჩენაში დაგეხმარებათ ეს ლუკა გუადანინოს ოსკარის ნომინანტი Call Me By Your Name არის. მწიფე ატმები, მუსიკალური წვეულებები გრილ საღამოს და მომხიბვლელი გოგო-ბიჭები. რა უნდა ინატროთ დასასვენებლად წასულმა ამაზე მეტი?!

6. Before Sunrise

შეუძლებელია რიჩრდ ლინკლეიტერის ეს ფილმი ნახო და არ მოგინდეს ვენაში ისეთივე უცნაური, მაგრამ ძალიან ვნებიანი თავგადასავალი გადაგხდეს, როგორც ჯესისა და სელინას. ვენა ფილმში ერთ-ერთი მთავარი მოქმედი გმირია და სულ რაღაც 101 წუთში ახერხებს მასზე თავდავიწყებით შეყვარებული გახდე და ინატრო, რომ ამ ულამაზეს ქალაქს ეწვიო.

7. Mamma Mia

გინდათ თუ არ გინდათ, მამა მია მოახერხებს და დაგაჯერებთ, რომ აუცილებლად, უპირობოდ უნდა ეწვიოთ საბერძნეთს, მიხვიდეთ კუნძულ სკოპელოსსზე და ირწმუნოთ, რომ აფროდიტას სიყვარულის შადრევანი თქვენს გულის ძგერას იგრძნობს და ამოხეთქავს! აი, ამის შემდეგ კი უკვე თავისუფლად შეგიძლიათ იცხოვროთ, დენსინგ ქუინზე იცეკვოთ და აღარაფრის შეგეშინდეთ.

8. Coco

მართალია, კოკო ანიმაციური ფილმია, თუმცა ეს სულაც არ ნიშნავს იმას, რომ მოგზაურობას არ მოგვანდომებს. მით უმეტეს, ისეთ განსაკუთრებულ ქვეყანაში, როგორიც მექსიკაა. მუსიკას, კულინარიასა და სხვა ყველაფერს რომ თავი დავანებოთ, აბა დაფიქრდით, როგორი სანტერესო სანახავი იქნებოდა გარდაცვლილთა დღის აღნიშვნა იქ, სადაც ეს ყველაფერი დღესასწაულის დონეზეა აყვანილი.

9. Wild

შეიძლება ითქვას, რომ Wild-ში რიზ უიზერსპუნმა თავისი კარიერის ერთ-ერთი საუკეთესო როლი შეასრულა და მაოხერხა კიდევ ერთხელ გაგვეცნობიერებინა, რომ არასდროს არის გვიან ადგე, ბარგი ჩაალაგო და საკუთარი თავის აღმოსაჩენად ათასობით კილომეტრი გაიარო.

10. Soy Cuba

ოჰ, კუბა! კუბაში მოგზაურობა ბევრის ოცნებაა და ამ ფილმის ნახვის შემდეგ ეს სურვილი კიდევ უფრო გამძაფრდება. შეუდარებელი მიხეილ კალატოზოვი ახერხებს და თავის ფილმში ჩაკეტილი ქვეყნის ინტიმურ მხარეებს გვაჩვენებს.