10 ფილმი, რომელიც მძიმე დღის ბოლოს განწყობას გამოგიკეთებთ

nugo July 10, 2021

მძიმე დღის ბოლოს, დაღლილს და ცუდ გუნებაზე მყოფს სხვა ვერაფერი გიშველით უფრო კარგად, ვიდრე ფილმით მოყოლილი, სითბოთი, სიკეთით და სიყვარულით სავსე ამბები. სწორედ ამიტომ, ქვემოთ შემოგთავაზებთ თანამედროვე და შედარებით უცნობ, თუმცა მშვენიერ ფილმებს, რომლებიც ყველაზე ცუდი და უიღბლო დღის ბოლოსაც კი შეგახსენებთ, რომ სიცოცხლე სასიამოვნო რამეებითაა სავსე და მასზე ხელის ჩაქნევა არ ღირს.

მაშ, ცოტა ხნით გადადეთ საზრუნავი, იფიქრეთ მხოლოდ საკუთარ სიამოვნებაზე და თუნდაც ცოტა ხნით, მიენდეთ კინოს მაგიურ ძალას.

1. არამყუდრო ფერმა, 1995

1930-იანი წლების ინგლისი. ახალგაზრდა ფლორა პოსტს გარემოებები აიძულებს, სოფელში, შორეულ ნათესავებთან გადავიდეს საცხოვრებლად. პირქუშ ფერმაში ყველა თითქოს რაღაცას მალავს და გოგონას ძალიან უჭირს სიტუაციას მოერგოს, მაგრამ რწმენა, რომ ყველაფერი გამოუვა, მისი მამოძრავებელი ძალაა.

2. ლამაზი გოგონები, 1996

უილი კონვეის მუსიკალური კარიერა არ შედგა და იგი მშობლიურ ადგილს — ამერიკის პატარა ქალაქ ნაით რიჯს უბრუნდება. თოვლიან ქალაქში მყუდრო საუბრების და ისტორიების გაზიარების დრო დგება. ოჯახის წევრებს, მეგობრებს და მეზობლებს საკუთარი საინტერესო ამბავი აქვს მოსაყოლი და ბარში თუ სილამაზის სალონში ადამიანთა შორის ახლობლობის ძაფები იბმება.

3. პატარა გენიოსი, 2014

ნათან ელისი — ბიჭუნა, მათემატიკის ამომავალი ვარსკვლავია. მან დიდი ბრიტანეთის საერთაშორისო ოლიმპიადაში უნდა მიიღოს მონაწილეობა და იძულებულია, საკუთარი კომფორტის ზონიდან გამოვიდეს. მეორე მხრივ, სწორედ აქ უნდა იპოვოს საკუთარ თავში ახალი ძალები, ისწავლოს ადამიანების გაგება, შეიძინოს მეგობრები და პირველი სიყვარული.

4. კაცების სტრიპტიზი, 1997

სიუჟეტი ინგლისში ვითარდება. მთავარი გმირი უმუშევრად რჩება და შემოსავლის ახალ წყაროს პოულობს: მეგობრებს არწმუნებს, სტრიპტიზ-შოუ დადგან. განზრახვა მარცხისთვის ჩანს განწირული, რადგან ახალგამომცხვარი მოცეკვავეები შესახედაობითა და უნაკლო სხეულით არ გამოირჩევიან. სამაგიეროდ, რადიკალური ქცევით აპირებენ ყურადღების მიქცევას.

5. კი, არა, ალბათ, 2008

10 წლის ქალიშვილი უილიამს სთხოვს, თავის წარსულზე უამბოს. მამაც სიმართლეს უმხელს გოგონას თავისი ცხოვრების სამ მთავარ ქალზე, თუმცა მათ სახელებს ცვლის. ქალიშვილისთვის ამ ამბების მოყოლაში უილიამი ხვდება, რომ ჯერ კიდევ არაა გვიან, თავისი უმნიშნელოვანესი სიყვარული დაიბრუნოს. მაგრამ რომელია ამ სამს შორის მთავარი?

6. ჩემი შუადღეები მარგერიტთან, 2010

ფრანგული ფილმი ორ რადიკალურად განსხვავებულ ადამიანზე. პროვინციაში მცხოვრები ჟერმენი პარკში საყვარელ ქალბატონ მარგერიტს გაიცნობს და მათ შორის ნამდვილი მეგობრული სიმპათიები ჩნდება. განათლებული ქალბატონი ჟერმენს ლიტერატურის კარს გაუხსნის, რომლის გარეშეც ცხოვრება ვერ წარმოუდგენია.

7. ათდუიმიანი გმირი, 2006

ზღვის სანაპიროს მახლობლად, პატარა სასაუზმეში სამი ახალგაზრდა გოგონა და ერთი ბიჭი მუშაობს. ისინი ახლაღა იწყებენ ცხოვრებას და საკუთარი შიშებით და ოცნებებით არიან სავსენი. მზით სავსე, გულღა და რომანტიკული ფილმი ახალგაზრდობის სილამაზეზე.

8. ტ. ს. სპივეტი – ახალგაზრდა გენიოსი, 2013

მისტერ სპივეტი მხოლოდ 10 წლისაა, მაგრამ უკვე აღიარებული გენიოსია. მისი ნაშრომები შემთხვევით მოხვდება ერთ-ერთ ცნობილ ინსტიტუტში, სადაც სპეციალურ ჯილდოს გადასცემენ ბიჭუნას. სპივეტი სახლიდან გარბის, რომ პირადად აიღოს თავისი პრიზი. მაგრამ მანამდე მთელი ქვეყანა უნდა გაიაროს.

9. გრანდიოზული აფერა, 2013

მას შემდეგ, რაც კანადის ერთ სოფელში თევზის ჭერა ოფიციალურად აკრძალეს, იქაურებმა ერთადერთი საქმე დაკარგეს. დიდი ნაწილი წავიდა (მერიც კი) და მოსახლეობის მხოლოდ მცირე ნაწილი შემორჩა, რომელთაც გადაწყვეტილი აქცთ, მშობლიური ადგილი იხსნან და საამისოდ საჭირო ფინანსები მოიპოვონ.

10. ცისარტყელას ნათება, 2009

ო’დონელების ოჯახი ბიჭუნას, სახელად ტომასს იშვილებს. გულჩათხრობილ და ჩაკეტილ ბავშვზე მამობილს გული უცრუვდება, მაგრამ დედა, მარია გულთბილი და სიკეთით სავსე ქალი, ბიჭუნას გულისკენ მიმავალ გზას პოულობს.