10 ფილმი, რომელიც სამეფო კარის თამაშების სერიიდან სერიამდე დროის გაყვანაში დაგვეხმარება

nugo July 11, 2021

15 აპრილიდან არამარტო საქართველო, არამედ მთელი სამყარო მოლოდინის რეჟიმშია. ჩვენ ვითვლით დღეებს, წუთებს და წამებს – ორშაბათამდე და ეს ერთი ამერიკელი კაცის, ჯორჯ მარტინის ბრალია. ამ კოლექციაში თავმოყრილია 10 საინტერესო ფილმი, რომელიც სამეფო კარის თამაშების სერიიდან სერიამდე, უსასრულოდ გაწელილ დროს, სწრაფად და უმტკივნეულოდ გაგაყვანინენბთ.

სამმაგი საზღვარი (2019)

სამმაგი საზღვარი

ნარკოსის ხავიერ პენია და ანარქიის შვილების ჯექსი. კიდევ ბენ აფლეკი, ოსკარ აიზეკი და გარეტ ჰედლუნდი. ეს ყოფილი სპეცრაზმელების ხუთეული, რომელიც დიდი ხნის განმავლობაში ებრძოდა კრიმინალს და ბევრი უაზრო მსხვერპლის მოწმე გახდა, პირდაპირ შეტევას გადაწყვეტს – მათ ადგილობრივი ნარკობარონები უნდა გაძარცვონ.

მეუღლე (2018)

მეუღლე

მოულოდნელი სატელეფონო ზარი, რომელიც მათ ცხოვრებას სამუდამოდ შეცვლის. კაცი ნობელის პრემიას იღებს ლიტერატურის დარგში და ცოლთან ერთად სტოკჰოლმში მიემგზავრება. გამოსვლები, სამადლობელი სიტყვები, პატივი და აღიარება… მაგრამ ვის ეკუთვნის სინამდვილეში ეს დიდება?

გამქრალი ბიჭი (2018)

გამქრალი ბიჭი

რა ხდება მაშინ, როცა მღვდლის ოჯახი იგებს, რომ მათი 19 წლის ვაჟი ჰომოსექსუალია? მას ულტიმატუმს უყენებენ: ან პროგრამის გავლა ან სამუდამო განკვეთა. ეს არის ძალიან დამთრგუნველი და სევდიანი ისტორია, რომლისგან მიღებული შთაბეჭდილებაც დიდხანს გაგყვებათ.

ბენის დაბრუნება (2018)

ბენის დაბრუნება

ასევე 19 წლის მთავარი გმირი – ბენი, რომლის ნარკოდამოკიდებულებამ ოჯახს ნამდვილი ჯოჯოხეთი გამოატარა და ახლა სპეციალურ კლინიკაში მკურნალობს. შობას კი მოულოდნელად ბენი ბრუნდება და ჯოჯოხეთის წრე თავიდან იწყება…

განა ეს რომანტიკული არ არის? (2019)

განა ეს რომანტიკული არ არის?

ძალიან რომ არ დაგგრუზოთ, 2019 წლის რომანტიკულ კომედიასაც შემოგთავაზებთ, სასაცილო მთავარი გმირით, რომელიც სიყვარულს და რომანტიკულ ურთიერთობებს ირონიულად უყურებს, სანამ მეტროში თავს მძარცველი არ დაესხმება და მოულოდნელად ზღაპრულ სამყაროში აღმოჩნდება.

არასწორი მშობლები (2018)

არასწორი მშობლები

კიდევ ერთი გამორჩეული კომედია – არასწორი მშობლები მოგვითხრობს უცნაურ წყვილზე, რომელიც გადაწყვეტს, საკუთარი თავი მშობლების როლში გამოსცადოს და ბავშვი იშვილოს. თუმცა, მოვლენები ისე განვითარდება, რომ მათ ერთის ნაცვლად სამი ბავშვის აყვანა მოუწევთ.

ჭექა-ქუხილის დროს (2018)

ჭექა-ქუხილის დროს

ტვისტების ესპანელი დიდოსტატის – ორიოლ პაულოს გასული წლის ფილმი დაწყებისთანავე ჩაგითრევთ თავისი ჩახლართული სიუჟეტით და დაუჯერებელი ისტორიით. პეპლის ეფექტი, დროში მოგზაურობა, სიყვარული და განწირული ბრძოლა წარსულის დასაბრუნებლად – ეს ყველაფერი კი ჭექა-ქუხილის დროს ხდება.

შეგიძლიათ ოდესმე მაპატიოთ? (2018)

შეგიძლიათ ოდესმე მაპატიოთ?

ფილმი, რომელმაც წლევანდელ ოსკარებზე სამი ნომინაცია მიიღო, ამერიკელი მწერლის – ლი იზრაელის ავტობიოგრაფიული რომანის ეკრანიზაციაა. თუმცა, იზრაელი ცნობილი თავისი რომანებით არ გამხდარა. გახდა როგორც – ერთ-ერთი საუკეთესო გამყალბებელი ისტორიაში. მან ცნობილი გარდაცვლილი ადამიანების 400-ზე მეტი წერილი გააყალბა.

შუშა (2019)

შუშა

მ. ნაით შიამალანის ფილმი, სადაც სხვა ფილმების პერსონაჟები გადმოვიდნენ. დევიდ დანი გადაწყვეტს, თავისი სუპერძალები გამოიყენოს, რათა მოძებნოს კევინი – ადამიანი მრავლობითი პიროვნების აშლილობით, რომელიც საკუთარ თავში 24 პიროვნებას ატარებს.

ნარკოკურიერი (2018)

ნარკოკურიერი

90 წლის ერლ სთოუნს მძღოლად მუშაობას შესთავაზებენ. გაკოტრებულ მოხუცს წარმოდგენაც არ აქვს, რომ სინამდვილეში არა უბრალოდ მძღოლი, არამედ მექსიკური კარტელის ნარკოკურიერი ხდება.

 

ათივე ფილმის ნახვა აჭარანეტზე ქართულად შეგიძლიათ!