ახლა სკოლებში არდადეგებია და თუ არ გაქვთ დაგეგმილი მოგზაურობა და ფიქრობთ, როგორ გაატაროთ დრო, ჩვენ გირჩევთ ფილმებს, რომლებიც სახლში დარჩენას უფრო სასიამოვნოს გახდის. წარმოგიდგენთ ფილმებს მოზარდებზე, მათ პრობლემებზე, პირველ სიყვარულზე და დამოუკიდებლობის მოპოვებაზე:

ყოველი დღე (2018)

ეს ის ისშვიათი შემთხვევაა, როდესაც ფილმი არ გამოირჩევა თემით, სიუჟეტით, განსაკუთრებული იდეითა და მსახიობებით, მაგრამ საერთო ატმოსფეროთი და შთაბეჭდილებებით განსაკუთრებულ ადგილს იკავებს მაყურებელში. ის პირველივე წუთებიდან მოახერხებს თქვენი ყურადღება მიიპყროს და სასიამოვნო ემოციები დაგიტოვოთ.

სკოტ პილიგრიმი მსოფლიოს წინააღმდეგ (2010)

ბიჭს, რომელიც თავისი ოცნების გოგონას შეხვდა, ახლა უამრავი სირთულის დაძლევა უწევს. ეს სიუჟეტის მოკლე აღწერაა, რომელიც სავსეა უამრავი საიტნერესო პერსონაჟით, ფერადი და ლამაზი მომენტით, სიუჟეტის საინტერესო განვითარებით და სახალისო მომენტებით. ეს არ არის სტანდარტული სიყვარულის ისტორია შაბლონური ურთიერთობებით.

ტელეპორტი (2008)

ფილმი დუგ ლიმანის სამეცნიერო ფანტასტიკაა, რომელიც სტივენ ჩარლზ გულდის ამავე სახელწოდების რომანის მიხედვით არის გადაღებული. ეს არის საინტერესო, დინამიკური ფილმი ტელეპორტირებაზე. რა თქმა უნდა, ეს არ არის შედევრი, მაგრამ აუცილებლად იმსახურებს თქვენს ყურადღებას. გენეტიკური ანომალია, რომელზეც, ალბათ, ბევრმა ადამიანმა დაიწყო ოცნება ფილმის ყურების შემდეგ.

ზაფხულის მეფეები (2013)

მშობლების და შვილების პრობლემებზე აგებული საინტერესო ფილმი, რომელიც სამი მოზარდის ისტორიას მოგვითხრობს. ახალგაზრდები, რომლებმაც სახლიდან, ტყეში მშობლების კონტროლისგან გაქცევა და ახალი ცხოვრების დაწყება გადაწყვიტეს. ტრაგიკომედია იმაზე, თუ რა არის საჭირო იმისთვის, რომ მოზარდმა თავი საკუთარი ცხოვრების სრულუფლებიან პატრონად იგრძნოს…

ლემონი სნიკეტი – 33 უიღბლობა (2004)

ფილმი დენიელ ჰენდლერის წიგნების სერიის “33 უიღბლობა” მიხედვით არის გადაღებული. ფილმის შემქმნელებმა საკმაოდ გარისკეს, რადგან ერთ ფილმში ამ სერიის სამი წიგნის გაერთიანება სცადეს, რის გამოც პერსონაჟების განვითარება კარგად არ ესწრება, ისტორია კი საკმაოდ გამარტივებულია, თუმცა ჯიმ კერის ოსტატობის დამსახურებით ეს ყველაფერი შეუმჩნეველია.

სიყვარულით, საიმონი (2018)

უფროს კლასებში ყველა ოცნებობს დიდ სიყვარულზე, ბევრს ჰქონია პრობლემები მშობლებთან და საკუთარ თავს ჰპირდებოდნენ, რომ მათ შეცდომებს არ გაიმეორებდნენ. სიყვარულის გრძნობა ოჯახში ყველაზე ძვირფასია. მას შეუძლია ყველა სირთულე გადაალახინოს ნებისმიერ ადამიანს, განსაკუთრებით კი მოზარდს, რომელსაც საკუთარ თავში გარკვევა უჭირს.

პირველი მოთამაშე მოემზადე (2018)

ფილმის შემქმნელებმა მოახერხეს დეტალურად დაემუშავებინათ სამყარო, რომელშიც მოცემული ისტორიის პერსონაჟები ცხოვრობენ. უდიდესი შრომაა ჩადებული ვიზუალურ ეფექტებში, ფილმის ყურებისას თქვენ ამ კომპიუტერული თამაშის ატმოსფეროში ჩაეფლობით და ისტორიის თანამონაწილე გახდებით. წინ შეუდარებელი სტივენ სპილბერგის სანახაობრივი და თავბრუდამხვევი ფილმი გელოდებათ.

ბედის ვარსკვლავის ბრალია (2014)

ფილმის ასეთ წარმატებას არავინ ელოდა, რადგან ერთი შეხედვით სიუჟეტი საკმაოდ ბანალურია, მაგრამ მან უამრავი ადამიანის გულის მოგება მოახერხა, ნამდვილ ჰიტად იქცა და მსახიობებს და რეჟისორს უდიდესი პოპულარობა მოუტანა. ემოციებით სავსე სამაგალითო მელოდრამა, რომელიც ყველაზე გულგრილ ადამიანებსაც კი აუჩუყებს გულს.

გადაფურცვლა (2010)

ფილმი ბავშვურ და ყველაზე გულწრფელ სიყვარულზე, რომელიც ასევე ეხება სამყაროს შეცნობის, ცხოვრებისეული სირთულეების აღქმის და მოზარდის თვალით დანახული ოჯახური პრობლემების თემებსაც. ის ადამიანური სიღრმეების დემონსტრირებას კარგად ახდენს. ფილმს ყველაფერი აქვს: კარგი სამსახიობო შესრულება, სიუჟეტი, ოპერატორის საინტერესო გადაწყვეტები და თავად იდეა.

კულტურისა და დასვენების პარკი (2009)

ფილმი, რომლის სიუჟეტური განვითარება მარტივი გამოსაცნობია, თუმცა მაინც ახერხებს მაყურებლის მიზიდვას. იუმორით და საინტერესო ურთიერთობებით გაჯერებული სასიამოვნო საზაფხულო განწყობა. ახალი ურთიერთობების, მეგობრების შეძენის და სირთულეების გადალახვის გარდა ფილმი ასევე ეხება ადამიანის განვითარების თემასაც – კომფორტის ზონიდან გამოსვლას.