10 ფილმი, რომელიც ქარიან ამინდში განწყობას აგიმაღლებთ

nugo July 11, 2021

ბოლო დღეებში ისეთი ამინდებია, რომ სრულიად ბუნებრივია, გაღიზიანებული იყოთ, გეზარებოდეთ სამსახურში წასვლა და საერთოდ, საბნიდან გამოძრომა. გთავაზობთ 10 ფილმს, რომელიც ამ ქარიან დღეებში გუნებას გამოგიკეთებთ და განწყობას აგიმაღლებთ:

ბრიჯიტ ჯონსის დღიური (2001)

ბრიჯიტ ჯონსის დღიური

პირველ რიგში, ეს მაინც ბრიჯიტ ჯონსის დღიურია, რომელმაც გამორიცხულია, კარგ განწყობაზე არ დაგაყენოთ. შესანიშნავი იუმორის მქონე, სასაცილო და საყვარელი ბრიჯიტის ისტორია ნებისმიერ ამინდს უხდება, თუმცა ქარიან დღეებში ნამდვილი მისწრებაა.

ხელშეუხებელნი (2011)

ხელშეუხებელნი

ნამდვილ ამბავზე დაფუძნებული ფრანგული კომედია გულგრილს ვერავის დაგტოვებთ. შეზღუდული შესაძლებლობების მქონე მდიდარი არისტოკრატისა და მისი ახალგაზრდა მომვლელის ამბავი ერთდროულად ძალიან ბევრს გაცინებთ და გატირებთ.

არჩევნები (1999)

არჩევნები

ეს ერთი შეხედვით – მარტივი სიუჟეტის მქონე ფილმი, სადაც ქერათმიანი ადვოკატირიზ უიზერსპუნი ისეთი პატარა და სხვანაირია, რომ გული აგიჩუყდებათ, აუცილებლად დაგაფიქრებთ ცხოვრებაზე, საკუთარ მისწრაფებებსა და იმაზე, თუ რაშია ნამდვილი ბედნიერების არსი.

კაკუნი ზეცის კარზე (1997)

კაკუნი ზეცის კარზე

თუ თქვენ ამ ფილმმა ემოციები არ აღგიძრათ და ცრემლი არ მოგგვარათ, სჯობს, ექიმს ეწვიოთ იმაში დასარწმუნებლად, რომ არაფერი გაქვთ საერთო ანტონ ჩიგურისთან. ესაა ისტორია კიბოთი დაავადებულ ორ ახალგაზრდა კაცზე, რომლებიც დამეგობრდებიან და გადაწყვეტენ, დარჩენილი წუთები საკუთარი ოცნებების ასრულებას დაუთმონ.

ჯენტლმენური თამაშები (2004)

ჯენტლმენური თამაშები

ჩიგური ვახსენეთ და ბარემ ძმები კოენების ერთ შესანიშნავ ფილმს შემოგთავაზებთ, რომელიც სავსეა მათთვის დამახასიათებელი შავი იუმორით, აბსურდითა და სიუჟეტის მოულოდნელი განვითარებით. სიუჟეტის ცენტრში კი არიან სამხრეთელი პროფესორი, კაზინოს ძარცვის გეგმით, და შავკანიანი მოხუცი ქალბატონი, რომელსაც სჯერა, რომ ამქვეყნად ადამიანების ორი ტიპი არსებობს: ვისაც ბუასილი აქვს და ვისაც მალე ექნება…

შემთხვევით სექსუალური (2018)

შემთხვევით სექსუალური

კომედიური ჟანრის ერთ-ერთი გამორჩეული თანამედროვე სახე – ემი შამერი ამ ფილმში თამაშობს საკუთარი თავით უკმაყოფილო, დაბალი თვითშეფასების მქონე გოგოს, რომელშიც თავის დარტყმის შემდეგ ახალი პიროვნება იღვიძებს და შესაბამისად – ახალი ცხოვრებაც იწყება.

იმედის სხივთა კრებული (2012)

იმედის სხივთა კრებული

ეს ათეული წარმოუდგენელია ჯენიფერ ლოურენსის გარეშე. ამ შემთხვევისთვის კი საუკეთესო იმედის სხივთა კრებულია – მართლაც რომ იმედის სხივთა კრებული, სადაც ლოურენსი ბრედლი კუპერთან ერთად გვევლინება. მსახიობმა ამ როლისთვის ოსკარი დაიმსახურა.  

დაპირება არ ნიშნავს დაქორწინებას (2009)

დაპირებაამ მელოდრამაშიც ბრედლი კუპერია სიუჟეტის ცენტრში. როგორც ხედავთ, ფილმი ვარსკვლავებითაა დახუნძლული. ესაა ბევრი ადამიანის და ბევრი ურთიერთობის ისტორია, რომლებიც რაღაც გზებით ერთმანეთთან იკვეთება.

და ყველაფერი განათდა (2005)

და ყველაფერი განათდა

ლივ შრაიბერმა ჯონათან საფრან ფოერის ცნობილი რომანი საოცრად გააცოცხლა ეკრანზე და მასში ბევრი კომედიური ელემენტი შეიტანა. ელაიჯა ვუდის გმირი ახალგაზრდა ამერიკელი ებრაელია, რომელიც პოლონეთში მიემგზავრება, რათა იპოვოს ქალი, რომელმაც მეორე მსოფლიო ომის პერიოდში მისი ბაბუა სიკვდილს გადაარჩინა.

ეს მშვენიერი ცხოვრება (1946)

ეს მშვენიერი ცხოვრება

ბოლოს კი კვლავ კლასიკას მივუბრუნდებით და ამ ყველა დროის ერთ-ერთ საუკეთესო კინოსურათს შემოგთავაზებთ, მიუხედავად იმისა, რომ არც ზამთარია და არც შობა. ფრენკ კაპრას ფილმი, რომელშიც მთავარ როლს ლეგენდარული ჯეიმზ სტიუარტი თამაშობს, მოგვითხრობს პატიოსან და მგრძნობიარე ადამიანზე, რომელიც თვითმკვლელობას გადაწყვეტს, თუმცა მის დასახმარებლად ზეციდან მფარველი ანგელოზი ჩამოდის…