10 ფილმი, რომელიც ქორწინების სირთულეებზე გვიყვება

nugo July 11, 2021

ქორწინება სიყვარულსა და ურთიერთგაგებასთან ერთად, დიდ პასუხისმგებლობას და ბევრ პრობლემასაც გულისხმობს. ქვემოთ ჩამოთვლილ სურათებში მისი ორივე – პოზიტიური და ნეგატიური მხარეა ნაჩვენები. გთავაზობთ 10 ბრწყინვალე ფილმს ქორწინების სირთულეების შესახებ:

სცენები ქორწინებიდან (1973)

სცენები ქორწინებიდან

ინგმარ ბერგმანის მინი-სერიალი, ფაქტობრივად, სრულყოფილად აღწერს წყვილის ყოველდღიურობას, ცოლ-ქმრულ ურთიერთობას, თავისი სიამოვნებებითა და პრობლემებით. გასაოცარია ის ნათელი და უპრეტენზიო გზა, რომლითაც ეს ურთულესი კავშირია გადმოცემული.

ქალი გავლენის ქვეშ (1974)

ქალი გავლენის ქვეშ

შუახნის კაცი ყველაფერს აკეთებს იმისთვის, რომ ფსიქიკურად გაუწონასწორებელ ცოლს დაეხმაროს, მაგრამ როდესაც ქალის არასტაბილურობა მათ შვილებს ვნებს, კაცს მტკივნეული გადაწყვეტილების მიღება უხდება.

სიყვარული (2012)

სიყვარული

მიხაელ ჰანეკე ტრადიციულად რეალისტურად აღწერს ცხოვრების მტკივნეულ და სასტიკ მხარეს. ხანგრძლივი თანაცხოვრების მიუხედავად, ცოლის მოულოდნელი ავადმყოფობა კაცს აიძულებს, ახალ რეალობას შეეგუოს, რაც 80 წელს მიტანებული მოხუცისთვის ძალიან რთულია და ის მძიმე გადაწყვეტილებამდე მიდის.

სევდიანი ვალენტინი (2010)

სევდიანი ვალენტინი

სევდიანი ვალენტინი, ალბათ, ერთ-ერთი ყველაზე სევდიანი ფილმია, ფილმი საოცარი ვნებითა და სიყვარულით დაწყებულ ურთიერთობაზე, რომელიც ყოველდღიურმა ცხოვრებისეულმა პრობლემებმა დამთრგუნველ, კონფლიქტით სავსე კავშირად აქცია.

კრამერი კრამერის წინააღმდეგ (1979)

კრამერი კრამერის წინააღმდეგ

ისტორია განქორწინებულ წყვილზე, რომელიც შვილის საკითხზე სასამართლო დავას იწყებს, 1970-იანი წლების ერთ-ერთი ყველაზე პოპულარული ფილმია, რომელშიც მთავარ როლებს დასტინ ჰოფმანი და მერილ სტრიპი ასრულებენ.

პრაღა (2006)

პრაღა

კრისტოფერი ცოლთან ერთად პრაღაში მიემგზავრება, რათა მამის ცხედარი ჩამოასვენოს. მოგზაურობისას კი აღმოაჩენს, რომ ცოლს სხვა ურთიერთობაც აქვს, რაც ორივე მათგანს ძალიან ბევრ კითხვას უჩენს.

სექსი, ტყუილი და ვიდეოკასეტა (1989)

სექსი, ტყუილი

ერთი მხრივ, სექსუალურად ფრუსტრირებული ცოლი. მეორე მხრივ კი, ქმარი, რომელიც მას უმცროს დასთან ღალატობს. ეს სიტუაცია რადიკალურად იცვლება, როცა ოჯახს უჩვეულო სექსუალური მისწრაფებების მქონე კაცი ესტუმრება.

ოჯახის ჭერი (1970)

ოჯახის ჭერი

ფილმი ძალიან რეალისტურად აღწერს იმ სიტუაციებსა და დეტალებს, რომელიც ქორწინებას ახლავს თან. სიუჟეტი ვითარდება ახალგაზრდა წყვილის გარშემო, რომელიც მზადაა განქორწინებისთვის.

როუზების ომი (1989)

როუზების ომი

ფილმი წყვილის ურთიერთობის ყველა ნაბიჯს ასახავს, პირველი შეხვედრიდან დაწყებული, იქამდე, სანამ მათ ერთმანეთი შესძულდებათ. მათი საშინელი ურთიერთობა ხშირად კომიკურადაა გადმოცემული, რაც შინაარსის მიუხედავად, მსუბუქ ატმოსფეროს ქმნის და გულიანად გაცინებთ.

ვის ეშინია ვირჯინია ვულფის? (1966)

ვის ეშინია ვირჯინია ვულფის?

ერთი ღამე იმ წყვილის ცხოვრებიდან, რომელთაც ურთიერთობაში კრიზისი აქვთ. ფსიქიკურად გაუწონასწორებელი მარტას როლმა ელიზაბეტ ტეილორს მეორე ოსკარი მოუტანა.