10 ფილმი, რომელიც ყველა ქალმა 40 წლამდე უნდა ნახოთ

ქალის სულიერი მდგომარეობა განქორწინების შემდეგ, ქალის ყოფა 1950-იანი წლების სექსისტურ საზოგადოებაში, აკრძალული რომანები თუ ფსიქიკური აშლილობები – ეს და სხვა თემები ძალიან საინტერესოდაა ასახული ქვემოთ ჩამოთვლილ ფილმებში. ესაა 10 ფილმი, რომელიც ყველა ქალმა 40 წლამდე უნდა ნახოთ:

სექტემბერი (1987)

ვუდი ალენის ფილმში ვერმონტში მდებარე სახლში ექვს ადამიანს მოუყრია თავი. მათ ერთმანეთთან სხვადასხვა სახის კავშირები და ამ კავშირების შეუსაბამო გრძნობები აქვთ. ახლა კი სწორედ ამ გრძნობების გარკვევას ცდილობენ.

ქეროლი (2015)

1950-იანი წლები. დაქორწინებული ქალი საშინელ მიზიდულობას გრძნობს ახალგაზრდა ფოტოგრაფისადმი. ჩვენ ვხედავთ დესტრუქციულ ოჯახურ გარემოს, სოციუმის მარწუხებს და ზეწოლას ინდივიდზე. შესაბამისად, მთავარი გმირის შინაგან კონფლიქტს.

დედინაცვალი (1998)

ბავშვების ცხოვრებაში ახალი ადამიანი – დედინაცვალი ჩნდება, რომელიც ყველანაირად ცდილობს მათი ყურადღების და სიყვარულის დამსახურებას. თუმცა, ბავშვების დედა მისი წინააღმდეგია. მერე კი მოვლენები განსხვავებულ სახეს იღებს. ფილმი ძალიან ბევრ ცხოვრებისეულ, რეალისტურ მომენტს აცოცხლებს.

კრამერი კრამერის წინააღმდეგ (1979)

1970-იანი წლების ერთ-ერთი ყველაზე პოპულარული სურათი. კრამერი კრამერის წინააღმდეგ გვიყვება განქორწინებულ წყვილზე, რომელსაც სასამართლო დავა აქვს თავიანთი პატარა შვილის საკითხზე.

ქმრები და ცოლები (1992)

როდესაც უახლოესი მეგობრების განქორწინების შესახებ შეიტყობენ, გეიბი და ჯუდი, რომლებიც შესანიშნავ წყვილად ითვლებიან, თავიანთ ყოველდღიურ ცხოვრებაში პრობლემების ძიებას იწყებენ. ისინი ოდნავადაც ვერ წარმოიდგენენ, თუ სადამდე მიიყვანთ ეს.

კურდღლის სორო (2010)

ამ მელანქოლიური ატმოსფეროს მქონე ფილმში გმირები საკმაოდ უჩვეულო გზებით ცდილობენ შვილის სიკვდილით გამოწვეული ტრავმის დაძლევასა და ცხოვრების თავიდან დაწყებას.

აფრიკიდან (1985)

ეს ორი, ერთმანეთისგან ძალიან განსხვავებული ადამიანის სიყვარულის ისტორიაა, რომელიც რობერტ რედფორდისა და მერილ სტრიპის ტანდემმა სრულიად დაუვიწყარ ფილმად აქცია.

კარიერისტი ქალები (1997)

ორი ძველი მეგობარი – ორი კარიერისტი ქალი წლების შემდეგ კვლავ ხვდება ერთმანეთს და წარსულს იხსენებს. ფილმი მაყურებელში სევდიან განწყობას ტოვებს, რადგან ჩვენ ორი ძალიან მარტოსული ქალის ცხოვრებას ვუყურებთ.

მეც გაგიღიმებ (2015)

ფსიქოლოგიური პრობლემების მქონე ქალი გამოსაჯანმრთელებლად იბრძვის. მერე კი მედიკამენტების მიღებას წყევტს, რაც არამარტო მასზე, არამედ მის ოჯახზეც მძიმედ აისახება. ფილმის ფინალური სცენები მოულოდნელია და გაოცებას იწვევს.

სევდიანი ჟასმინი (2013)

ქეით ბლანშეტის გმირის, ჟასმინის ქმარს არალეგალური ბიზნესის გამო აპატიმრებენ და ის საცხოვრებლად თავისი დის ოჯახში გადადის. მდიდრულ ცხოვრებას შეჩვეული ქალი ვერაფრით ახერხებს რეალობას მორგებას, გამოსვლას ილუზიებიდან და საშინლად დესტრუქციული ხდება. მსახიობმა ამ როლისთვის არაერთი ჯილდო, მათ შორის ოსკარი და ოქროს გლობუსი დაიმსახურა.