10 ფილმი, რომელიც ცხოვრების სიყვარულს გასწავლით

სამყარო ყოველთვის გვაძლევს ნიშნებს, თუ როგორ ვიყოთ ბედნიერები და მივიღოთ სიამოვნება ჩვენს ყოველდღიურ ცხოვრებაში. გთავაზობთ 10 ფილმს, რომელიც ცხოვრების სიყვარულს გასწავლით:

სევიჯები (2007)

როდესაც მათი მოხუცი მამა უცნაურად იწყებს მოქცევას, და-ძმას მისი მოვლა უწევს. ხანგრძლივი განშორების შემდეგ ეს არც ისე მარტივია. წარსულის აჩრდილები კვლავ ბრუნდებიან. თუმცა, სევიჯები მათგან გათავისუფლებასა და ბედნიერების პოვნას ახერხებენ.

ოჯახის ჭერი (1970)

ფილმი ახალგაზრდა წყვილის ყოველდღიურ ცხოვრებას აღწერს, უბრალოდ და სასიამოვნოდ გადმოსცემს იმ მთავარ ელემენტებს, რომელიც ქორწინების შემადგენელი ნაწილია.

ჰექტორი ბედნიერების ძიებაში (2014)

ფსიქიატრი, რომელიც პაციენტებს ასწავლის, როგორ იყვნენ ბედნიერები, აცნობიერებს, რომ თავად უბედურია. ის გადაწყვეტს, ყველაფერი მიატოვოს და ბედნიერების საიდუმლო იპოვოს.

მერი და მაქსი (2009)

ორი მარტოსული მთავარი გმირი, ერთი პატარა გოგონა, მეორე – ასაკოვანი ჯენტლმენი. მათი მარტოსულობა სულიერი სიახლოვის, დიდი მეგობრობის დასაწყისად იქცევა, რაც პერსონაჟებს ცხოვრების თანმდევ სევდასთან გამკლავებაში ეხმარება.

ერთად და ბედნიერად (1997)

არგენტინაში მოგზაურობა წყვილს ურთიერთობის ბნელ მხარეებს უჩვენებს. დესტრუქციული ურთიერთობისა და ნოსტალგიური ატმოსფეროს მიუხედავად, ფილმში დიდი გულწრფელობითაა ნაჩვენები რეალობა.

სტრეიტის ამბავი (1999)

მოხუცი სტრეიტი შეიტყობს, რომ მისი ძმა, რომელთანაც დიდი ხანია კონტაქტი არ ჰქონია, სიკვდილის პირასაა. ის მის მონახულებას გადაწყვეტს, მაგრამ ცუდი მხედველობის გამო მართვის მოწმობა არ აქვს. კაცი გზას გაზონის საკრეჭი მანქანით გაუდგება…

წვიმის ქვეშ მომღერალი (1952)

ეს დაუვიწყარი სცენებით სავსე ერთ-ერთი საუკეთესო ფილმია კინოს ისტორიაში, ფილმი, რომელიც ცხოვრების დადებით ასპექტებს გიჩვენებთ და ბედნიერს გაგხდით.

ველურ პირობებში (2007)

ადამიანების უმეტესობას სჯერა, რომ ბედნიერება ძვირადღირებულ ნივთებში, კარიერულ წარმატებებში, თუ სიმდიდრეშია. ფილმის მთავარი გმირი კი ქონებაზე უარს ამბობს, მთელ დანაზოგს ქველმოქმედებაში ხარჯავს და დიდ მოგზაურობას იწყებს ნამდვილი ბედნიერების საპოვნელად.

ბოლო საჩუქარი (2006)

მილიონერი ბაბუა თავნება შვილიშვილს ანდერძად დავალებებს უტოვებს. ბიჭი ქონებას მხოლოდ იმ შემთხვევაში მიიღებს, თუ ამ დავალებებს თავს გაართმევს. თუმცა, მათი გადალახვის შემდეგ ბუნებრივად ჩნდება კითხვა: არის კი ბედნიერება ფულში?

ხელშეუხებელნი (2011)

შეზღუდული შესაძლებლობების მქონე მდიდარი არისტოკრატისა და მისი ახალგაზრდა მომვლელის ისტორია, ნამდვილ ამბავზე დაფუძნებული ისტორია, რომელიც ნამდვილ ბედნიერებაზე და ცხოვრებით ტკბობაზე გვიყვება.