10 ფილმი, რომელსაც პაემანის შემდეგ, საყვარელ ადამიანთან ერთად უნდა უყუროთ

nugo July 11, 2021

ამ ფილმებიდან ზოგიერთი თქვენთვის კარგად ნაცნობია, ზოგის შესახებ შესაძლოა არც გაგიგიათ, ზოგი ბევრს გაცინებთ, ზოგი კი პირიქით – გატირებთ. თუმცა, ყველა მათგანი ემოციურია და შესანიშნავი საყურებელი საყვარელ ადამიანთან ერთად, პაემანის შემდეგ:

ძირითადი ინსტინქტი (1992)

ძირითადი ინსტინქტი

მიმზიდველი და მანიპულატორი მწერალი ქალი პოლიციელის ყურადღებას იქცევს. პოლიციელი ბრუტალური მკვლელობის საქმეზე მუშაობს. ორივე – მკვლელობის საქმეც და მათი ურთიერთობაც სირთულეებითა და ტვისტებითაა სავსე. შესაძლოა, ქალი კიდევ უფრო საშიში და სახიფათო იყოს, ვიდრე მხოლოდ მანიპულატორი…

უძინარები სიეტლში (1993)

ცოლის გარდაცვალების შემდეგ, სემ ბოლდვინი საცხოვრებლად სიეტლში გადადის. ის ძალიან მარტოდ გრძნობს თავს და ამიტომ მისი შვილი გადაწყვეტს, მამას პარტნიორის პოვნაში დაეხმაროს, რისთვისაც რადიოში დარეკავს. ეს ზარი კი მათ ცხოვრებას ძირფესვიანად შეცვლის…

ჩემი საუკეთესო მეგობრის ქორწილი (1997)

საუკეთესო მეგობრის ქორწილი

ჯულიანი და მაიკლი ბავშვობის მეგობრები არიან. როდესაც ჯულიანი იგებს, რომ მაიკლი დაქორწინებას აპირებს, მოულოდნელად აღმოაჩენს, რომ კაცისადმი მისი გრძნობები უფრო ღრმაა, ვიდრე უბრალოდ მეგობრობა. ამბავიც სწორედ აქედან იწყება…

უბის წიგნაკი (2004)

უბის წიგნაკი

გოგონა მდიდარი ოჯახიდან და ღარიბი ბიჭი მუშათა კლასიდან… ნიკოლას სპარკსის ცნობილი რომანის ეკრანიზაცია დიდი სიყვარულის ისტორიას მოგვითხრობს. რაიან გოსლინგისა და რეიჩელ მაკადამსის ბრწყინვალე შესრულება კი მას ერთ-ერთ საუკეთესო რომანტიკულ ფილმად აქცევს.

დაწკაპუნება (2006)

დაწუკაპუნება

სამუშაოთი გადაღლილი არქიტექტორი პოულობს მაკონტროლებელ პულტს, რომლითაც თავისი ცხოვრების სხვადასხვა მომენტზე გადახვევა შეუძლია. ბავშვების ყვირილი, ცოლის გამაღიზიანებელი საუბარი, მძიმე სამუშაო დღე – ის, უბრალოდ, პულტს იღებს და ამ ყველაფერს ტოვებს. თუმცა, ეს, ერთი შეხედვით – სასიამოვნო სიტუაცია მას შემდეგ იცვლება, რაც პულტი მისი ცხოვრების გაკონტროლებას დაიწყებს…

სევდიანი ვალენტინი (2010)

სევდიანი ვალენტინი

ამ წყვილის ცხოვრება გარედან მშვიდი და მოკრძალებული ჩანს, თუმცა რეალურად ყველაფერი ასე მარტივად სულაც არაა. ველური ვნებით დაწყებული ურთიერთობა შესაძლოა სრულიად მოულოდნელად შემოტრიალდეს. მაგრამ იქნებ ეს მათი სიყვარულის გამოცდაა?

ერთი დღე (2011)

ერთი დღე

ბანკეტის ღამეს ემა და დექსტერი ერთად ატარებენ. ემა იდეალისტია, რომელსაც სურს, სამყარო უკეთესი გახადოს. მომხიბვლელ დექსტერს კი თავი სამყაროს ცენტრად მიაჩნია. ისინი გადაწყვეტენ, ყოველ წელიწადს, ამ დღეს ერთმანეთს შეხვდნენ და თავიანთი გამოცდილება გაუზიარონ. ოცი წელი გახდება საჭირო იმისთვის, რომ მიხვდნენ, სინამდვილეში რას ეძებენ…

ლურჯი ყველაზე თბილი ფერია (2013)

ლურჯი ყველაზე თბილი ფერია

სასიყვარულო ისტორია. თინეიჯერი გოგო ღრმა კავშირს გრძნობს უფროსი ლესბოსელი სტუდენტისადმი. აბდელატიფ კეშიშის ეს ემოციური, რეალისტური და ინტიმური ფილმი გვიჩვენებს ძიების პროცესს – როგორ ცდილობს ახალგაზრდა იმაში გარკვევას, თუ ვინ არის სინამდვილეში.

ის (2013)

ის

მარტოხელა მწერალი ყიდულობს ახალ ტექნოლოგიურ გამოგონებას, რომელსაც ესაუბრება. რაღაც დროის შემდეგ კი აღმოაჩენს, რომ ოპერაციული სისტემისადმი რომანტიკული გრძნობები აქვს.

შორს გაავებული ბრბოსგან (2015)

შორს გაავებული ბრბოსგან

ისტორია ვიქტორიანულ ინგლისში ვითარდება. მემკვიდრეობის წყალობით, მშვენიერი ახალგაზრდა ქალი სასურველი საპატარძლო ხდება და მისი გულის მოგებას სამი მამაკაცი ცდილობს, მათ შორის უბრალო ფერმერი, რომელსაც ერთი დიდი უპირატესობა აქვს: ნამდვილი სიყვარული.

 

წყარო: www.brightside.com