10 ფილმი, რომელსაც ქალმა მარტომ უნდა უყუროს

nugo July 10, 2021

ფილმის ჟანრსაც გააჩნია. არსებობს ფილმები, რომლებსაც მეგობრების გარემოცვაში უნდა ვუყუროთ, ან ოჯახის წევრებთან, ან თუნცად – მარტოებმა. დიახ, არსებობს გარკვეული ფილმების კატეგორია, რომელიც უმჯობესია მარტოებმა ვნახოთ, მერე რა, რომ ეს შეიძლება კომედია იყოს, მარტოებმაც ხომ შეიძლება დაუსრულებლად ვიცინოთ, ან პირიქით, ჩავრთოთ დრამა და გაუჩერებლად ვიტიროთ?

ამ შემთხვევაში ეს ათი ფილმი ქალბატონებისთვის ამოვარჩიეთ. ისინი აუცილებლად დაგეხმარებიან, რომ ცოტა ხნით ყველა პრობლემას მოწყდეთ, თითოეულ მათგანს განსაკუთრებული ატმოსფერო გააჩნია, რომლითაც მარტოც მიიღებთ სიამოვნებას, ზედმეტი ადამიანების გარეშე და ვინ იცის, იქნებ მთავარ კითხვასაც ვუპასუხოთ – რა სურთ ქალებს?

განქორწინება ამერიკულად

ორწლიანი თანაცხოვრების შემდეგ ჯენიფერ ენისტონის და ვინს ვოს გმირები ხვდებიან, რომ ერთმანეთს ვერ ეწყობიან. მათი ურთიერთობის დასრულება თავიდანვე ლოგიკური და გასაგებია, მაგრამ შემდეგ ისინი განქორწინების პროცესის გაჭიანურებას იწყებენ.

სიყვარული და მეგობრობა

ლამაზი და ახალგაზრდა ქვრივი სუსანი, რომელსაც კეიტ ბეკინსელი ასრულებს გარდაცვლილი მეუღლის ოჯახის მამულებში მიემგზავრება, რათა თავი დააღწიოს მაღალ საზოგადოებაში არსებულ ჭორებს და მოიფიქროს გამოსავალი, თუ როგორ გაუმკლავდეს ფინანსურ პრობლემებს. დროის დაკარგვის გარეშე, მან მდიდარი მამაკაცის მოძებნა გადაწყვიტა თავისთვის და თავისი ქალიშვილისთვის. როგორც აღმოჩნდა, მას სილამაზის და ელეგანტურობის გარდა ჭკუა, ინტელექტი და ინტრიგების ხლართვის ნიჭი სჭირდება.

ახალი დასაწყისი

გრეტა და დენი, ორივე მათგანი არის “ყოფილი”: დენი – შოუ-ბიზნესის ყოფილი ლეგენდა, გრეტა კი ყოფილი როკ-ვარსკვლავი. ისინი ერთმანეთს ნიუ-იორკის ცენტრში იმ მომენტში ხვდებიან, როდესაც ორივეს სწორი ადამიანის პოვნა სჭირდება. მათ უჩნდებათ მეორე შანსი შეცვალონ ყველაფერი და როგორც ჩანს, გრეტა და დენი მზად არიან ახალი მიმართულებისთვის არა მარტო მუსიკის განხრით, არამედ პირად ურთიერთობებშიც. ფილმი ოსკარზე საუკეთესო ორიგინალური სიმღერისთვის იყო წარდგენილი.

სევდიანი ვალენტინი

დინს და სინდის ერთმანეთისადმი აქვთ ვნება, რომელიც მხოლოდ იმ ადამიანებს შეუძლიათ გამოცადონ, ვისაც ნამდვილად უყვარს, თუმცა მათი გრნობები წყენებით, იმედგრაცრუებებით და გაურკვევლობებით ბინძურდება, რაც მათი ურთიერთობის ნგრევას იწვევს. ახლა მათ მნიშვნელოვანი გადაწყვეტილება უნდა მიიღონ: დანებდნენ, ან ეცადონ განაახლონ თავიანთი ურთიერთობა. მიშელ უილიამსი ამ როლისთვის ოსკარზე საუკეთესო მსახიობი ქალისთვის იყო წარდგენილი.

ფრთხილად! კარები იკეტება

მომენტი, როდესაც ელენმა, ახალგაზრდა ქალმა ინგლისიდან, მიუსწრო თავის მატარებელს, საბედისწერო აღმოჩნდა. უფრო სწორად, რეალობის ერთ-ერთ ვერსიაში მან ეს დროულად გააკეთა; პარალელურში – მან დაიგვიანა. როგორ მიდიოდა ცხოვრება, კარგი იყო თუ ცუდი ის, რომ ელენი ასე ისწრაფვოდა დანიშნულების ადგილამდე მისაღწევად, ფილმის სიუჟეტში ნელ-ნელა ვლინდება.

უკვე მენატრები

მილი და ჯესი საუკეთესო მეგობრები არიან, რომლებიც ერთმანეთს მთელი თავიანთი შეგნებული ცხოვრების მანძილზე იცნობენ. ახლა, როდესაც ისინი 40 წელს გადაცილებულები არიან, მათი მეგობრობის ძალა ეჭქვეშ დადგება, როდესაც მილი სერიოზულად გახდება ავად.

შეყვარებულის გარეშე

ელისი, რომელიც დაიღალა მის შეყვარებულთან ურთიერთობით, სურს იყოს მარტო, ამიტომ ის თავის უფროს დასთან გადადის საცხოვრებლად. ის პოულობს ახალ სამსახურს და მეგობარს, რობინს, რომელსაც ღამით გართობა უყვარს. ელისი ეშვება ამ ახალ, თავისუფალ, გიჟურ თავგადასავალში და ამავე დროს ცდილობს გაარკვიოს, თუ რა სურს ამ ცხოვრებაში.

ცვლილებების გზა

ლეონარდო დიკაპრიოს და ქეით უინსლეტის გმირები, ფრენკი და ეპრილი, ფიქრობენ, რომ მათი ოჯახი განსხვავდება სხვებისგან. დალაგებული საშუალო დონის ცხოვრება არ არის მათთვის. ფიქრი, რომელიც წლების მანძილზე არ ასვენებს წყვილს, ერთხელაც აიძულებს მათ და თამამ გადაწყვეტილებას აღებინებს: მიატოვონ ყველაფერი და გადავიდნენ საცხოვრებლად პარიზში შვილებთან ერთად. მაგრამ ნამდვილად არიან თუ არა მზად გაცვალონ ამერიკული საშუალო დონის სტაბილურობა და კომფორტი უცხო ქვეყნის გაურკვეველ მომავალში? ფილმი ოსკარზე 3 კატეგორიაში იყო ნომინირებული.

თინეიჯერი გოგოს დღიური

ფილმი თინეიჯერ გოგონაზეა, რომელიც სან-ფრანცისკოში 1970-იან წლებში ცხოვრობს და დედამისის ბოიფრენდთან აქვს ურთიერთობა. ფილმი, რომელმაც 15-ზე მეტი ჯილდო მოიგო, ნამდვილად დაგიტოვებთ საფიქრალს.

შენგან შორს

ფილმის მთავარ გმირს, მეგის, ძალიან უყვარს თავისი უფროსი დის, როუზის ფეხსაცმელები. ერთ დღესაც, მეგი დის ფეხსაცმლიდან მის საქმროებზე გადაერთვება და როუზის ბოიფრენდს საწოლში შეიტყუებს. ამის შემდეგ მეგი საცხოვრებლად სხვაგან გადადის და განცალკევების შემდეგ მათი ცხოვრება საინტერესოდ იცვლება.