10 ფილმი, რომელშიც დღე დაუსრულებლად მეორდება

nugo July 11, 2021

გქონიათ ოდესმე დეჟა ვუ? რა იქნებოდა, დროში რომ გაჭედილიყავით და თქვენთვის ერთი და იგივე დღე განმეორებულიყო? დიახ, ეს ალბათ შეუძლებელია, მაგრამ ამ ფილმებში სწორედ ასე ხდება. თხრობა დღის განმეორების საშუალებით, თანამედროვე ეპოქის კინემატოგრაფიის ერთ-ერთი ძირითადი ხერხი იყო.

ამ ტიპის ისტორიების პოპულარობა მის სტრუქტურასთან შეიძლება იყოს დაკავშირებული, ან, ჩვენ ხომ უბრალოდ ძალიან მოგვწონს იმაზე ფიქრი, რომ შესაძლოა, ერთ დღეს მოგვეცეს შანსი შეცდომები დროის დაბრუნებით, ან ასეთი წარმოუდგენელი შესაძლებლობებით გამოვასწოროთ?

ჩვენ დღეს წარმოგიდგენთ 10 საუკეთესო ფილმს, რომელშიც დღე მეორდება

ზაზუნას დღე (1993)

რა თქმა უნდა, ეს სია ამ ფილმით უნდა დაიწყოს. ითვლება, რომ სწორედ მან ჩამოაყალიბა “დღის განმეორებით” თხრობის მანერა. ფილმი პესიმისტ და ეგოცენტრულ მეტეოროლოგზე მოგვითხრობს, რომელსაც ბილ მიურეი ასრულებს. თავიდან, მთავარი გმირი, რა თქმა უნდა, დაბნეულია, ვერ ხვდება რა ხდება მის თავს, შემდეგ ბრაზდება და თვითმკვლელობასაც კი სცდის. თუმცა საკუთარ თავთან უამრავი ბრძოლის შემდეგ, ის გახდება არაჩვეულებრივი პიანისტი, ადგილობრივი გმირი, პოეზიის მცოდნე, ყინულის ქანდაკების ექსპერტი და ფრანგულად თავისუფლად საუბარსაც კი დაიწყებს. მოკლედ, მიურეის გმირის მიღწევებიდან ყველაზე მნიშვნელოვანი მაინც იმის სწავლა აღმოჩნდა, თუ როგორ გახდეს კარგ ადამიანი და, რაც მთავარია ჰქონდეს სიყვარულის უნარი… ფილმმა BAFTA-ს საუკეთესო ორიგინალური სცენარის კატეგორიაში გაიმარჯვა.

სამკუთხედი (2009)

ეს არის ბრიტანულ-ავსტრალიური ნამუშევარი, რომელიც მეგობრების ჯგუფზე მოგვითხრობს. ისინი ოკეანის გავლით იახტით მგზავრობენ, მაგრამ იდუმალი ლაინერის ბორტზე მოჯადოებულ წრეში ხვდებიან. როგორც ამ ტიპის ფილმებს ხშირად ახასიათებთ, კრისტოფერ სმიტის “სამკუთხედიც” ციკლის შუიდან იწყება. როგორც წესი, ფილმებში მოვლენები ისე ვითარდება, რომ მაყურებელს თავგზა აებნეს და მოვლენების განვითარების წინასწარ გამოცნობა გაუჭირდეს. ის, რაც ამ ფილმს სხვებისგან გამოარჩევს ის არის, თუ როგორ ნელა იხსნება მისი სიუჟეტი და აღვივებს დაძაბულობას.

ბედნიერ სიკვდილის დღეს გისურვებ (2017)

კრისტოფერ ლენდონის ფილმი დროის მახეში მოხვედრილ კოლეჯის მოსწავლე გოგონას ისტორიას მოგვითხრობს, რომელშიც მას ნიღბიანი მკვლელი კლავს. ფილმი თხრობის იმავე მანერას მიმართავს, რასაც “ზაზუნას დღე”, მთავარი გმირით, რომელიც ჯერ ცდილობს გააანალიზოს რა ხდება, შემდეგ სხვები დაარწმუნოს, სანამ გამოასწორებს შეცდომებს და მიზანს მიაღწევს. საშინელებათა ჟანრის სხვა ფილმებისგან “ბედნიერ სიკვდილის დღეს გისურვებ” უფრო მეტად ჩახლართული სიუჟეტით და დროის განმეორებადი თხრობის მანერით გამოირჩევა. ეს მეთოდი, გარკვეულწილად, უინტერესო ისტორიაშიც კი მეტ ინტრიგას ბადებს და მაყურებელსაც მეტ ინტერესს უჩენს.

ეიარქიუ (2016)

სამეცნიერო ფანტასტიკა ისევ და ისევ ამ არაჩვეულებრივი თხრობის ტექნიკის გამოყენებით. ფილმი მისტიკურად ვითარდება, თითოეული ახალი ციკლი ახალ მინიშნებებს გვაძლევს, თუ რა ხდება სინამდვილეში. რობი ამელი არაჩვეულებრივი ინჟინერის როლს ასრულებს პოსტ-აპოკალიპსურ მომავალში, რომელშიც ენერგიის რესურსი მალე ამოიწურება. ფილმი ინჟინერის და მისი ყოფილი მეგობარი გოგონას სცენით იწყება, როდესაც მათ სახლში შეიჭრნენ, ამელის გმირს გაქცევის მცდელობისას კლავენ, და მას  ზუსტად იმ მომენტში ეღვიძება, როდესაც თავს უნდა დაესხან.

საწყისი კოდი (2011)

“საწყისი კოდი” დუნკან ჯონსის სადებიუტო ნამუშევრის “მთვარის” ამბიციური გაგრძელებაა. ფილმი ჩიკაგოს მატარებლის და მისი მგზავრების გარშემო ვითარდება, რომლებიც ტერორისტული თავდასხმის მსხვერპლები ხდებიან. ჯეიკ ჯილენჰოლი დამსახურებული ჯარისკაცის როლს ასრულებს, რომელმაც უნდა გაარკვიოს, თუ ვინ ჩაიდინა დანაშაული. ამისთვის მისი გონება სკოლის მასწავლებლის სხეულში გადაიტანეს, რომელიც აფეთქების დროს გარდაიცვალა. ამ გარდასახვის შემდეგ ჯილენჰოლის პერსონაჟი ისევ და ისევ იხსენებს მასწავლებლის ცხოვრების ბოლო წუთებს. “საწყისი კოდი” სხვა ფილმებისგან, რომლებშიც დღე მეორდება, ტერორისტული თავდასხმითა და თხრობის მანერით განსხვავდება, რომელშიც მოვლენები გარდაცვლილი ადამიანის მეხსიერებაში ხდება.

დროის მარყუჟი (2007)

ეს 2007 წლის ესპანური საშინელებათა ფილმია, რომლის სათაურიც ნებისმიერ მაყურებელს მიახვედრებს, რომ დრო აქაც მეორდება. ფილმის მთავარი გმირი ქალის გადარჩენას ცდილობს და ხვდება ადამიანს, რომელსაც სახე ბინტებით აქვს შეხვეული. მთავარი გმირის სახეახვეულთან შეხვედრა მას მეცნიერთან და დროის მანქანასთან მიიყვანს, რომელიც მამაკაცს საშუალებას მისცემს წარსულში დაბრუნდეს. ეს უდაოდ არის ფილმი, რომელიც მაყურებელს ეთამაშება და გთავაზობთ ახალ შეხედულებას საშინელებათა ფილმების ჟანრის მიმართულებით.

მომავლის ზღვარი (2014)

დუგ ლიმანის ფილმი ბევრისთვის სიურპრიზი აღმოჩნდა. ფილმი პოპულარულ იაპონურ ნოველას ეფუძნება და ასევე მიმართავს “ზაზუნას დღის” კონცეფციას, უბრალოდ ეს ფილმი უცხოპლანეტელების შემოჭრაზეა მორგებული. ტომ კრუზი მაიორ უილიამ ქეიჯის, პრივილეგირებული ადამიანის როლს ასრულებს, რომელიც ბრძოლებს ნებისმიერ ფასად გაურბის. ამიტომ, რომდესაც მას უცხოპლანეტელებთან შერკინება უწევს, რა თქმა უნდა, თავს ისე კომფორტულად ვეღარ გრძნობს. ის უცხოპლანეტელების განსაკუთრებული სახის სისხლის დახმარებით იმეორებს ერთი და იმავე დღეს, რაც, სამწუხაროდ, მისივე გარდაცვალებთ არის გამოწვეული. ფილმი ნამდვილად იმეორებს “ზაზუნას დღის” კონცეფციას, უბრალოდ ის უფრო მასშტაბური ბიუჯეტით და სამეცნიერო ფანტასტიკის ჟანრით გამოირჩევა.

დეტონატორი (2004)

შეინ კარუტის სამეცნიერო ფანტასტიკა ძალიან საინტერესოდ არის აწყობილი და აი, როგორ მოქმედებს აქ დროში მოგზაურობა: ადამიანის ზომის ყუთი გააქტიურებულია, ადამიანი, რომელიც მას გაააქტიურებს, მას 6 საათის განმავლობაში უნდა დაემალოს, რის შემდეგაც ყუთში უნდა შევიდეს და კიდევ 6 საათი გაჩერდეს. 6 საათის შემდეგ, როდესაც ის დატოვებს ყუთს, აღმოჩნდება ზუსტად იმ მომენტში, როდესაც მას ააქტიურებდა, მაგრამ ეცოდინება ყველაფერი, რაც მომდევნო 6 საათის მანძილზე მოხდება. ორი მთავარი გმირი, ინჟინერები, რომლებმაც ეს დროში მოგზაურობის ყუთი გამოიგონეს, მას საფონდო ბაზარზე მანიპულირებისთვის და ერთ-ერთის მეგობრის სიცოცხლის გადასარჩენად იყენებენ. ხომ არ დაიბენით? სჯობს ფილმი ნახოთ

სანამ დავეცემი (2017)

ზოა დოიჩის პერსონაჟი გათამამებული მოზარდია, რომელსაც, ერთი შეხედვით, იდეალური ცხოვრება აქვს, რომელსაც მეგობარ ბიჭთან და მეგობრებთან ერთად ატარებს. მას ასეთივე იდეალური დღე აქვს დაგეგმილი, სანამ საბედისწერო შემთხვევა არ მოამწყვდევს მას უსასრულო დროის მარყუჟში. საბოლოო ჯამში, მას თავისი ცხოვრების გადაფასება უწევს. მიუხედავად იმისა, რომ ეს ფილმი მოზრდილებზეა გათვლილი, ფილმი საკმაოდ ამოუცნობია, იმისთვის, რომ მოზრდილების ინტერესიც შეინარჩუნოს.

გაიქეცი, ლოლა, გაიქეცი (1999)

თანამედროვე კლასიკად ქცეული გერმანული ფილმი, რომლის რეჟისორიც ტომ ტიკვერია, ამ თხრობის მანერისადმი დინამიური და ფერადი მიდგომით გამოირჩევა. ფილმი ბერლინში მცხოვრები ახალგაზრდა ქალის, ლოლას (ფრანკა პოტენტე) და მისი მეგობარი მამაკაცის, მანის (მორიც ბლიაიტბროი) ისტორიას მოგვითხრობს. როდესაც მანი კრიმინალი უფროსისთვის მისატან დიდ თანხას კარგავს, ლოლამ როგორმე უნდა იშოვოს ფული, სანამ მანის ან მოკლავენ, ან ის გაძარცვავს მარკეტს და დიდი ალბათობით დაიჭერენ. სწორედ ამ მომენტიდან ფილმი სამ ნაწილად იყოფა და ლოლა იმ დღის 20 წუთს იმეორებს. თითოეულ თანმიმდევრობაში ლოლა განსხვავებული ხერხებით ცდილობს გადაარჩინოს მანი. ფილმი BAFTA-ს დაჯილდოებაზე საუკეთესო არაინგლისურენოვანი ფილმის კატეგორიაში იყო ნომინირებული.