10 ფილმი, რომელში აღწერილი მოვლენებიც ვეგეტარიანელობას მოგანდომებთ

nugo July 10, 2021

უამრავი შოუ და ფილმი არსებობს, რომლებიც ცხოველთა სამყაროს მიმართ ემპათიას გვიჩენს და ამაში დისნეის სამყაროს განსაკუთრებული წვლილი მიუძღვის. მაგრამ არის ფილმები, რომელთა ნახვის შემდეგ ხორცისმჭამელ ადამიანებს დიდხანს მიჰყვებათ დანაშაულის გრძნობა და სევდა იმის გამო, რომ მტაცებლებივით ხორცს მიირთმევენ. ხანდახან ეკრანზე ნანახ ერთ მომენტსაც კი შეუძლია ადამიანის მსოფლმხედველობის შეცვლა, ასე რომ, გაფრთხილებთ: ქვემოთ ჩამოთვლილმა ფილმებმა ან მასში გამკრთალმა მომენტებმა შეიძლება ვეგეტარიანელობაზე სერიოზულად დაგაფიქროთ.

1. ქათმების გაქცევა

დამფრთხალი ქათმების თავგანწირული მცდელობა, ტყვეობას თავი დააღწიონ, მტკივნეულად გვახსენებს, საიდან მოდიან გემრიელი ნაგეტები.

2. პატარა გოჭი ბეიბი

გიყვართ ეს ფილმი და მისი მთავარი გმირი? მაშინ სცადეთ და ბეკონის სენდვიჩზე იფიქრეთ.

3. ვეგეტარიანელი ლიზა (სიმფსონები)

სიმფსონების მე-7 სეზონის მე-5 ეპიზოდში, სახელად “ვეგეტარიანელი ლიზა” შემდეგი მომენტი გვხვდება: ლიზას სადილი, რომელიც თეფშზე უდევს, საყვარელ ბატკანს აგონებს. ვაღიაროთ, რომ ასე უმეტესობას დამართნია.

4. ორი დუჟინი და ერთი გრეიჰაუნდი (სიმფსონები)

ამავე სერიალის მე-6 სეზონის მე-20 ეპიზოდში, სახელად “ორი დუჟინი და ერთი გრეიჰაუნდი”, მისტერ ბერნსს უსაყვარლესი ლეკვების ტყავისგან ქურქის შეკერვა სურს : (

5. ბემბი

დაობლებული შვლის ნუკრის ამბავზე თუ გიტირიათ (და დარწმუნებული ვართ, ასეთი მილიონობითაა), ხორცს დამშვიდებული სინდისით დიდხანს ვერ მიირთმევთ.

6. სასტიკი მოპყრობა ცირკის სპილოების მიმართ

ამ დოკუმენტურ ფილმში ტაიკის ცირკის სპილოების მიმართ უსულგულო მოქცევაა ნაჩვენები. მართალია, ეს ვეგეტარიანელობას პირდაპირ არ უკავშირდება, მაგრამ ცირკის საწყალი ცხოველების მიმართ დამოკიდებულების ნახვისას ცხოველთა დაცვის ფონდში გაწევრიანება ნამდვილად მოგინდებათ.

7. რა არის ჯანმრთელობა

ნეტფლიქსის შოუ, რომელიც ამერიკული ფარმაცევტული ინდუსტრიის შესახებ წარმოუდგენელ სიმართლეს და ფაქტებს ააშკარავებს, მოგვითხრობს იმ მეთოდებსა და მედიკამენტებზე, რომლებითაც ცხოველებს კვებავენ, რათა ჩვენი საკვები სასარგებლო იყოს.

8. ოკჯა

ამ სამხრეთკორეულ დრამაში, რომელიც უდიდესი ჯიშის გოჭისა და გოგონას მეგობრობაზე მოგვითხრობს, ცხოველების მიმართ სისასტიკე და ულმობელი ინდუსტრიაა აღწერილი.

9. Carnage

შეიძლება ძალიან გიყვართ ბეკონი და ჩიზბურგერი, მაგრამ BBC-ის mockumentary-ს, საიმონ ამსტელის Carnage-ს, რომელიც ცხოველების განსაკუთრებული სიყვარულითა და თანაგრძნობითაა გამსჭვალული, გულგრილად ნამდვილად ვერ უყურებთ.

10. ჯეიმი ოლივერის საკვები რევოლუცია

ჯეიმი ოლივერის შოუ, რომელსაც ბრიტანეთში ამერიკული საკვების რევოლუცია უწოდეს, აშშ-ის კვებითი ინდუსტრიის საგულისხმო და შემაშფოთებელ ფაქტებს გვიმხელს და ჯანსაღი კვების პროპაგანდას ეწევა.