10 ფილმი, რომლებსაც დაქალებთან ერთად უნდა უყუროთ

nugo July 10, 2021

ჩვენდა საბედნიეროდ, არსებობს ფილმები, რომლებსაც შეგვიძლია შესაბამისი სიტუაცია შევურჩიოთ. აი მაგალითად, არსებობს ფილმები, რომელთაც კარგი იქნება, თუ შეყვარებულთან ერთად ვუყურებთ, ან სულაც, არსებობს ფილმები, რომლებიც უკეთესია, მარტომ ვნახოთ.

ასეთი ჩამონათვალი საკმაოდ დიდია, თუმცა ამ შემთხვევაში ჩვენ ასეთ სიტუაციას გთავაზობთ: მსუბუქი ვახშამი, სასიამოვნო სასმელი და საყვარელი ადამიანების არაჩვეულებრივი კომპანია. ამის უკეთესი გაგრძელება კი რა შეიძლება იყოს, თუ არა ფილმი მნიშვნელოვან თემებზე, რომლის ყურების შემდეგაც შეძლებთ მის განხილვას, ან სულაც მხოლოდ გაღიმებას? თქვენ ხომ ერთ ტალღაზე ხართ და ერთმანეთის იდეალურად გესმით?

მაშ ასე, ფილმები, რომლებიც სადაქალომ ერთად უნდა ნახოთ:

მონა ლიზას ღიმილი (2003)

მიკე ნიუველის ფილმში მოქმედება 1953 წელს ვითარდება. ჯულია რობერტსის პერსონაჟი კეტრინ უოთსონი ქალთა კოლეჯში ხელოვნების ისტორიის მასწავლებლად აიყვანეს. ამერიკაში ქალთა უფლებებისთვის იბრძვიან, კოლეჯში კი ხელმძღვანელობასა და მასწავლებელთა შორის პატრიარქალური შეხედულებები ჭარბობს. კეტრინი ენთუზიაზმით იწყებს ბრძოლას სქესთა თანასწორობისთვის და დიდ გავლენას ახდენს სტუდენტებზე. ეს ფილმი მოგვითხრობს ღირსებაზე, სიმამაცესა და მიზანდასახულობაზე. მაგრამ აქ უფრო მნიშვნელოვანი სხვა რამ არის – ფილმი ღიად გვიჩვენებს, თუ რამდენად მნიშვნელოვანი არის, რომ ჩვენი თავით ვიფიქროთ, ყურადღება არ მივაქციოთ სხვების აზრს. ფილმი ოქროსგლობუსზე საუკეთესო ორიგინალური სიმღერისთვის იყო ნომინირებული.

თავი ღრუბლებში (2004)

ირლანდიელმა გაიმ უნივერსიტეტში სწავლის დროს უდარდელი ჯილდა ბესი გაიცნო. ცხოვრება ახალგაზრდა ადამიანებს ერთმანეთს ხშირად ახვედრებდა და აშორებდა. მდიდარმა და გათამამებულმა ჯილდამ გაი თავის სამეგობრო წრეში შეიყვანა და ერთხელაც, მეორე მსოფლიო ომის დაწყებამდე მან ჯილდას გვერდით ესპანელი მია დაინახა… ფილმში მთავარ როლებს შარლიზ თერონი, პენელოპე კრუსი და სტიუარტ ტაუნსენდი ასრულებენ.

მონანიება (2007)

ეს ისტორია 1935 წელს იწყება, როდესაც ცამეტი წლის ბრიონი ტალისი უფროსი დის შეყვარებულს ადანაშაულებს იმაში, რაც მას არ გაუკეთებია და ამით რამდენიმე ადამიანის ცხოვრებას რადიკალურად ცვლის. მთავარ როლებს კირა ნაითლი და ჯეიმს მაკევოი ასრულებენ. ფილმმა ოსკარი საუკეთესო ორიგინალური მუსიკისთვის მიიღო.

გაბედე და შემიყვარე (2003)

გიომ კანე და მარიონ კოტიარი ყველაზე დიდი გამომგონებლები და ხულიგნები არიან, რომლებმაც ჯერ კიდევ ღრმა ბავშვობაშო საკუთარი თამაში მოიგონეს სისუსტეზე. ეს თამაში მათთან ერთად იზრდებოდა და ისინი ძალიან ღრმად ჩაითრია. ორი შეყვარებული ადამიანი სიყვარულის ლამაზ და სათავგადასავლო კარუსელში ებმევიან და ეს ფილმი იდეალურად ახერხებს იმას, რომ ეკრანებს ვერ მოწყდეთ და მათ დაუჯერებელ ამბებში თავიდან ბოლომდე ჩაერთოთ. ხელსახოცებსაც თუ მოიმარაგებთ, რომ ერთმანეთს ცრემლი შეუშროთ, კარგი იქნება.

ბრიჯიტ ჯონსის დღიური (2001)

ბრიჯიტ ჯონსის დღიურის ფილმების წარმატების მთავარი მიზეზი ის არის, რომ ისინი თითოეულ ჩვენგანზეა. როგორ ცხოვრებისეულ სიტუაციაშიც არ უნდა იყოთ, იპოვით რაზე გაიცინოთ და, მინიმუმ, სამ პარალელს გაავლებთ საკუთარ ცხოვრებასთან. ეს თერაპიული ფილმი ნაყინის დიდ ყუთთან ერთად განსაკუთრებით სასიამოვნო საყურებელია. რენე ზელვეგერი ამ როლისთვის ოსკარზე საუკეთესო მსახიობი ქალისთვის იყო ნომინირებული.

ნამსხვრევები (2009)

ნამსხვრევები – ეს პატარა წვრილმანებია, რომლებიც ჩვენს ცხოვრებას თან სდევს. ზოგიერთი ნამსხვრევი მთელი ცხოვრება თან დაგვყვება, ზოგიერთი კი ჩვენს გულს, სულს და ცხოვრებას ანადგურებს. სწორედ ასეთ საბედისწერო ნამსხვრევებზეა საუბარი ამ ფილმში, სადაც შემქმნელებმა თვალით უხილავი ქალური პრობლემები აჩვენეს ელიტარულ სკოლა-ინტერნატში, რომელიც ზრდასრული ცხოვრების მოლოდინით, საიდუმლოებებითა და შეყვარებული ადამიანებით არის სავსე.

ელეგია (2008)

არსებობს სულისშემძვრელი ფილმები, რომლებიც მაყურებელზე უდიდეს გავლენას ახდენს, “ელეგია” – ერთ-ერთი მათგანია. იზაბელ კოიშეტის ფილმი, კოლეჯის მასწავლებლის დევიდ კეპეშის, რომელმაც ცოლი და შვილები სექსუალური თავისუფლებისთვის მიატოვა, და ახალგაზრდა კუბინელი კონსუელო კოსტილოს, რომელიც კათოლიკური ტრადიციებთ არის აღზრდილი, ურთიერთობის ისტორიას მოგვითხრობს.

ჩემი იასამნისფერი ღამეები (2007)

ელისაბეთმა ბევრი იმედგაცრუება გამოიარა, საკუთარ თავს ეძებს და გატეხილი გულის მორჩენას ცდილობს. ის სხვადასხვანაირ ადამიანებს ხვდება, რომლებიც მისი ცხოვრების ახალ ფურცელს შლიან. რეჟისორმა ვონ კარ-ვაიმ მაოხერხა ფილმის თითოეულ კადრში რაღაც “იასამნისფერი” გადაეღო. მსახიობების კარგი შესრულება და ოპერატორის არჩვეულებრივი ნამუშევარი მოქმედების არარეალურობის ეფექტს ქმნის. ასევე უნდა აღინიშნოს მუსიკა, რომლის გარეშეც ფილმი თავის მომხიბვლელოაბს დაკარგავდა.

ცვლილებების გზა (2008)

საინტერესოა, რამ უნდა აიძულოს მაყურებელი შეიგრძნოს ფილმი ოჯახურ წყვილზე ორი შვილით, რომელიც კრიზისს განიცდის? მაგრამ ფილმის დასასრულისკენ ნელ-ნელა მოახერხებთ იმის გააზრებას, რომ ეს ყველაფერი თქვენს შესახებაც არის. შეიძლება, როგორც მთავარი გმირები, ჩავალაგოთ ჩემოდანი და პარიზში გავემგზავროთ, მაგრამ ყველაფერი ასე მარტივად სულაც არ არის – შეიძლება შევიცვალოთ საცხოვრებელი ადგილი, მაგრამ საკუთარ თავს ვერ გავექცევით. და თუ შინაგან სიცარიელეს გრძნობთ, სადაც არ უნდა ცხოვრობდეთ, ვისთან ერთადაც არ უნდა ცხოვრობდეთ, მოწყენილობას ვერ გაექცევით. სემ მენდესის ფილმი, რომელშიც მთავარ როლებს ლეონარდო დიკაპრიო და ქეით უინსლეტი ასრულებენ, ოსკარის სამ კატეგორიაში იყო ნომინირებული.

იქ, სადაც გულია (2000)

არაჩვეულებრივი ფილმი სიყვარულზე, მიტევებასა და მეგობრობაზე. ერთი შეხედვით ბანალური ისტორიაა: ორსული გოგონა შეყვარებულმა, რომლის იმედიც ჰქონდა, მიატოვა. მაგრამ სამყარო არ არის ისეთი ცუდი, როგორიც ჩანს, უბრალოდ არ უნდა დანებდეთ, არ უნდა შეიძულოთ ბედისწერა და არ უნდა ჩაიქნიოთ ხელი. დაივიწყეთ წყენა, იარეთ წინ, დაეხმარეთ ადამიანებს და ეცადეთ, ცხოვრებისგან მაქსიმუმი მიიღოთ…