10 ფილმი, სადაც სიუჟეტი მოულოდნელად რადიკალურად იცვლება
თუ ეძებთ ფილმს, რომელიც არამარტო ჩაგითრევთ, არამედ მასზე ფიქრი კიდევ დიდხანს გაგყვებათ, მაშინ ჩვენი ათეული ზუსტად ისაა, რაც გჭირდებათ. სინემანია გთავაზობთ საინტერესო ფილმების ჩამონათვალს, სადაც სიუჟეტი მოულოდნელად რადიკალურად იცვლება:
მაგდალინელი დები (2002)
ფილმი ეფუძნება ნამდვილ ამბავს, რომელიც 60-იან წლებში მოხდა. მაგდალინის თავშესაფარში გოგონებს სცემდნენ, ამცირებდნენ და მძიმე შრომას აიძულებდნენ. ამ თავშესაფარში მოხვედრის მიზეზი კი სხვადასხვაგვარი იყო – მაგალითად, “ზედმეტი” სილამაზე ან ქორწინების გარეშე ორსულობა…
სიცოცხლის შემდეგ (2009)
ფილმი მთავარი გმირის სიკვდილით იწყება. ავარიის შემდეგ გოგონა საკუთარ თავს დამკრძალავ ბიუროში პოულობს. ის ხვდება ლიამ ნისონის გმირს – ელიოტს, რომელიც მედიუმია და სურს, მას სხვა სამყაროში გადასვლაში დაეხმაროს. თუმცა გოგონას გარკვეული ეჭვები სტანჯავს…
ყველაფერი საუკეთესო (2010)
მულტიმილიონერის ვაჟიშვილი ჩვეულებრივ გოგოზე დაქორწინებას გადაწყვეტს. ოჯახს მისი გადაწყვეტილება არ მოსწონს და ეს დაძაბულობა ახალგაზრდა ცოლისთვის მალე ტრაგედიად იქცევა. მისი გაუჩინარების შემდეგ დიდი დრო გახდება საჭირო იმისთვის, რომ სიმართლე გამოაშკარავდეს.
სისხლი (2012)
გოგონას მკვლელობას ორი გამომძიებელი იძიებს. გამოძიების პროცესში ჩნდება ახალი ფაქტები და ჩნდებიან ახალი ეჭვმიტანილები, რაც სიტუაციას რადიკალურად ცვლის… ბრწყინვალე ოპერატორული ნამუშევარი და პოლ ბეთანის გასაოცარი შესრულება სისხლს ერთ-ერთ საუკეთესო ბრიტანულ ფილმად აქცევს.
პარანოია (2013)
პარანოია ჯოზეფ ფინდერის ამავე სახელწოდების რომანის ეკრანიზაციაა. სიუჟეტი ვითარდება 26 წლის ადამ კესიდის გარშემო, რომელიც მაღალტექნოლოგიურ კორპორაციაში მუშაობს და სამსახური სძულს… როდესაც მთავარი გმირი დიდ შეცდომას დაუშვებს, მის ცხოვრებაში ყველაფერი თავდაყირა დგება.
უკანასკნელი ბრილიანტი (2014)
პროფესიონალი მძარცველი იღებს დავალებას, მოიპაროს ლეგენდარული ბრილიანტი, რომლის ღირებულებაც 40 მილიონი დოლარია. მიზნის მისაღწევად მას სჭირდება, მოატყუოს ქალი, რომელმაც ბრილიანტის ფასი უნდა განსაზღვროს. საქმე ძალიან სახიფათო ხდება მას შემდეგ, რაც ქალი ბრილიანტს მიიღებს…
ბნელი ხეობა (2014)
პატარა ქალაქი ბევრ საშიშ საიდუმლოს მალავს. ამ ქალაქში კი მოდის უცნობი ახალგაზრდა კაცი, რომელიც ადგილობრივებს უცნაურად ეჩვენებათ და მისი წასვლა სურთ. მაგრამ ყველაფერი ისე მარტივად არაა, როგორც ერთი შეხედვით ჩანს…
დაბნელება (2015)
1990-იანი წლები. მინესოტა. დეტექტივი ბრიუს კენერი სექსუალური ძალადობის შემთხვევას იძიებს. სავარაუდო დამნაშავე მსხვერპლის მამაა, რომელიც ამტკიცებს, რომ არაფერი ახსოვს. სიმართლის გასარკვევად საქმეში ერთვება პროფესორი კენეტი, რომელიც მეხსიერების აღსადგენ თერაპიულ მეთოდს მიმართავს. ოკულტიზმი, შეთქმულება და მისტიციზმი – ამ ფილმში ყველაფერია, რაც თრილერის მოყვარულებს იზიდავთ.
ლაიმჰაუზის გოლემი (2016)
ეს არის პიტერ აკროიდის რომანის ეკრანიზაცია, სადაც მოქმედება ვიქტორიანულ ლონდონში ვითარდება. ლაიმჰაუზში მკვლელობები ხდება, რომელშიც გოგონას სდებენ ბრალს. მაგრამ არის კი ის რეალურად დამნაშავე? ინსპექტორს ამ კითხვაზე პასუხის მისაღებად და საქმის გასახსნელად ბევრი დაბრკოლების გადალახვა მოუწევს.
მისს სლოუნი (2016)
პოლიტიკური ფილმი, მთავარ როლში – ჯესიკა ჩესტეინით. ელიზაბეტ სლოუნი ნიჭიერი და წარმატებული ლობისტია, რომელსაც უკანონო მეთოდების გამოყენებაში სდებენ ბრალს. თუმცა, ფილმის დასასრულს სასამართლოზე სულ სხვა ადამიანებს ვხედავთ. მისს სლოუნი საოცრად დახვეწილი ფილმია, სადაც ყველა დეტალი მნიშვნელოვანია.
წყარო: www.brightside.com