10 ფილმი, სანამ ახალი წელი მოვა – ან მათთვის, ვინც გარეთ გასვლას არ აპირებს

nugo July 11, 2021

კარგი ფილმი – ყველაზე კარგი საშუალებაა განწყობის ასამაღლებლად და სწორ ატმოსფეროში აღმოსაჩენად. და საახალწლო ფილმების ყურება ყველაზე დიდ ღამემდე რამდენიმე საათით ადრე – საუკეთესო გადაწყვეტილებაა იმისთვის, რომ გაუშვათ ძველი წელი და განეწყოთ სიახლეებისთვის. წარმოგიდგენთ წლის ბოლო კოლექციას ყველაზე საახალწლო განწყობით.

რეალური სიყვარული (2003)

ალბათ, ყველაზე განსაკუთრებული რომანტიკული კომედია, რომელიც ყველამ უნდა ნახოს ახალი წლის პერიოდში. ეს არის ფილმი ჯადოსნურ შობაზე და მოულოდნელობებით სავსე ახალ წელზე. სასწაულების, სიყვარულისა და ერთმანეთის ფილმის გმირებს სჯერათ, ალბათ ამიტომაცაა, რომ ყველა მოლოდინი უმართლდებათ. მოდი, მეტს აღარ ვილაპარაკებთ, მოემზადეთ, წინ ძალიან, ძალიან სასიამოვნო ფილმის სეანსი გელით.

სანტა კლაუსის საიდუმლო სამსახური (2011)

მულტფილმი, რომელიც ოქროს გლობუსზე საუკეთესო სრულმეტრაჟიანი ანიმაციური ფილმისთვის იყო ნომინირებული, ნამდვილად იმსახურებს ამ კოლექციაში ყოფნას. ბავშვობა არის პერიოდი, როდესაც ყველაზე მეტად ველოდებოდით ახალ წელს და გვიხაროდა ყველაფერი, რაც მასთან ასოცირდებოდა: ნაძვის ხე, მანდარინი, ტკბილეული და მთელი ოჯახის შეკრება. ეს მულტფილმი სწორედ ამ შეგრძნებებს დაგიბრუნებთ, ამიტომ მის ყურებას ოჯახის წევრებთან ნაძვის ხესთან ახლოს გირჩევთ, სწორედ მაშინ, როდესაც მისი ნათურები ანათებს, შუქი კი ჩამქრალია.

მარტო სახლში (1990)

წარმოგედგინათ ჩვენი კოლექცია ამ ფილმის გარეშე? ეს ამერიკული კომედია, ალბათ, არასდროს მოგვბეზრდება, მიუხედავად იმისა, რომ უმეტესობამ ზეპირად იცის და ხვდება, რომ მაკალეი კალკინი უკვე დიდი ხნის წინ გაიზარდა. ეს არის ფილმი, რომელიც ყოველთვის მოახერხებს ჩვენს ბავშვობაში დაბრუნებას, განწყობის ამაღლებას, საახალწლო განწყობის შექმნას და გემრიელად გაცინებას.

ინტუიცია (2001)

ჯონ კიუსაკი ბოლო პერიოდში საკმაოდ დაბალბიუჯეტიან ფილმებში იღებს მონაწილეობას, მაგრამ 17 წლის წინ მან კეიტ ბეკინსელთან ერთად ითამაშა “ინტუიციაში”, რომელიც დღემდე ერთ-ერთ საუკეთესო საახალწლო მელოდრამად ითვლება. ფილმის ყურების შემდეგ მოგინდებათ იყოთ შეყვარებული და დაიჯერებთ, რომ სასწაულები არსებობს.

ცუდი სანტა 2 (2016)

“ცუდი სანტას” მეორე ნაწილში ბილი ბობ ტორნტონი კიდევ უფრო მთვრალი და საზიზღარია, სამაგიეროდ წინ სანტას ფორმაში გამოწყობილი თაღლითისა და მისი პატარა დამხმარეს მორიგი თავგადასავალი გელით, რომელიც ნამდვილად გაგამხიარულებთ.

ახალი წლის ღამე (2011)

ფილმის გმირები – ქალაქის მოქალაქეები არიან, ქალაქის, რომელსაც არასდროს სძინავს. ნიუ-იორკი ახალ წლამდე სულ ცოტა ხნით ადრე რამდენიმე ადამიანის ცხოვრებას გადაკვეთავს: საავადმყოფოში მომაკვდავი მოხუცი ადამიანის, მდივანის, რომელმაც გადაწყვიტა საკუთარი თავისთვის მიცემული პრიობის შესრულება, ტაიმზ-სკვერზე ცნობილი საახალწლო შოუს პროდიუსერისა და ადამიანის, რომელსაც საერთოდ, დასანახად სძულს ეს დღესასწაული. ეს არის გერი მარშალის ფილმი, რომელშიც მსახიობების საოცარი შემადგენლობაა.

ფულის მატარებელი (1995)

საახალწლო გართობა მაღალი სიჩქარით! თუ არ გიყვართ მელოდრამები ან კომედიები, მაშინ დინამიკური “ფულის მატარებელი”ფილმი ვუდი ჰარელსონის და უესლი სნაიპსის მონაწილეობით თქვენთვისაა. ფულით სავსე მატარებლსი გაძარცვა ახალ წელს, საინტერესო გეგმაა. ჩაუჯექით, მოწყენის დრო ნამდვილად არ გექნებათ.

ჰადსაკერის ხელქვეითი (1994)

ისეთი საინტერესო ფილმი, როგორიც ეთან და ჯოელ კოენებს შეეფერებათ. პროვინციიდან ნიუ-იორკში ჩამოსული ბიჭი, რომელსაც სამსახურში ძალიან უმართლებს. იმდენად, რომ ის ერთ-ერთ მთავარი ტოპ-მენეჯერი ხდება არა მარტო ამ ქალაქში, არამედ მთელ ამერიკაში. თუ ახალი წლისთვის დიდი გეგმები გაქვთ, უყურეთ, არ ინანებთ.

როდესაც ჰარი შეხვდა სალის (1989)

ჟურნალმა “Forbes”-მა რობ რეინერის ნამუშევარი ყველა დროის საუკეთესო საახალწლო ფილმად დაასახელა. თამამად შეგვიძლია ვთქვათ, რომ ეს ერთ-ერთი უდიდესი რომანტიკული კომედიაა, რაც კი ოდესმე გადაღებულა. მსახიობების ქარიზმა და ქიმია მათ შორის უმშვენიერესია, სცენარი კი უმაღლესი დონის. საუბარია სიყვარულზე და უბრალოდ იმ ადამიანის გვერდით ყოფნაზე, რომელიც თქვენთვის ყველაზე მნიშვნელოვანია.

200 სიგარეტი (1999)

თითქმის საკულტო ფილმი, რომელსაც საერთოდ არ აქვს საზეიმო სახელწოდება, ახალგაზრდული საახალწლო წვეულების შესახებ მოგვითხრობს, რომლის სტუმრებს შორისაც ისეთი მსახიობების პერსონაჟები არიან, როგორებიც არიან ქეით ჰადსონი, კორტნი ლავი, ბენ აფლეკი, კრისტინა რიჩი და სხვა.