10 ფილმი საშინელ მეზობლებზე

nugo July 11, 2021

ყველა ჩვენგანს ერთი მეზობელი მაინც ჰყავს, რომელიც აღიზიანებს და ნერვებს უშლის. ქვემოთ ჩამოთვლილი ფილმების მთავარ გმირებს კი ნამდვილი ბრძოლა აქვთ გაჩაღებული თავიანთ მეზობლებთან. მოკლედ, გთავაზობთ 10 ფილმს საშინელ მეზობლებზე:

პარანოია (2007)

პარანოია

თინეიჯერი ბიჭი, რომელსაც შინაპატიმრობა აქვს მისჯილი, დარწმუნებულია, რომ მისი მეზობელი სერიული მკვლელია. ის მის ინტენსიურ თვალთვალს იწყებს და მაყურებელიც დაძაბული ელის მოვლენათა განვითარებას.

სახლი ქუჩის ბოლოს (2012)

სახლი ქუჩის ბოლოს

პატარა ქალაქის ერთ მშვენიერ სახლში საცხოვრებლად ახალგაზრდა ქალი გადმოდის. ის შეიტყობს საზარელ ისტორიას იქაურ ოჯახზე და ამ ამბით ძალიან ინტერესდება. მერე კი აღმოაჩენს, რომ ოჯახის ერთ-ერთი წევრი ცოცხალია და მეზობლად მდებარე სახლში ცხოვრობს…

შიშის ღამე (1985)

შიშის ღამე

მოზარდი ბიჭი შეპყრობილი ხდება იმ აზრით, რომ მისი მეზობელი ვამპირია და ქალაქს ტანჯავს. ის შეყვარებულთან, მეგობართან და მსახიობთან ერთად ცდილობს სიმართლის დადგენას საშინელ მეზობელზე.

საშობაო არდადეგები (1989)

საშობაო არდადეგები

გრისვოლდების ოჯახი შობისთვის ემზადება. თუმცა, მოულოდნელი სტუმრობა ყველაფერს ცვლის და საყვარელი დღესასწაული ნამდვილ კოშმარად იქცევა…

მეზობლები (2014)

მეზობლები

ახალგაზრდა წყვილი ჩვილი ბავშვით ახალ სახლს ყიდულობს. მათ არ იციან, რომ მეზობლად გართობის მოყვარული სტუდენტი სახლობს, რომელიც ჩვეულ ცხოვრების წესზე უარის თქმას არ აპირებს.

სათამაშოების ისტორია (1995)

სათამაშოების ისტორია

ერთ-ერთი ყველაზე ცნობილი ანიმაცია მოგვითხრობს სათამაშოების ცხოვრებაზე და დიდ დაპირისპირებაზე, რომელიც იწყება მას შემდეგ, რაც მათ ახალი სათამაშო დაემატებათ.

სტრეპფორდელი ცოლები (2004)

სტრეპფორდელი ცოლები

მანჰეტენიდან პროვინციულ ქალაქ სტრეპფორდში გადასული წყვილი ხედავს, რომ მათ მეზობელ მამაკაცებს იდეალური ცოლები ჰყავთ. მერე კი აღმოაჩენენ, რომ სტრეპფორდელი ცოლები სულაც არ არიან ადამიანები…

ეზოში გამავალი ფანჯარა (1954)

ეზოში გამავალი ფანჯარა

მას შემდეგ, რაც ფეხს მოიტეხს და უსაქმურობისგან ლამისაა გაგიჟდეს, ფილმის მთავარი გმირი მეზობლების თვალთვალს იწყებს. ის თავს ირწმუნებს, რომ ერთ-ერთ სახლში მკვლელობა მოხდა და მეგობარ ქალთან ერთად იწყებს საქმის გამოძიებას.

როზმარის ჩვილი (1968)

როზმარის ჩვილი

წყვილი საცხოვრებლად ახალ სახლში გადადის. უცნაური მოვლენები ქალის უჩვეულო დაორსულებით იწყება. როზმარი ხვდება, რომ ჩვილი დაუცველია საშიში მეზობლების გარემოცვაში.

გარეუბანი (1989)

გარეუბანი

გარეუბანში მცხოვრებ შუახნის კაცს ეჭვი უჩნდება, რომ მის ქუჩაზე გადმოსული ახალი ოჯახის წევრები მკვლელები და სატანური კულტის მიმდევრები არიან. ის მეზობელთან ერთად ცდილობს სიმართლის დადგენას.