10 ფილმი სევდაზე

nugo July 11, 2021

დღეს სევდიანი ამინდები დაიწყო. ასეთ ამინდში კი განსაკუთრებით გვაწვება ხოლმე ფიქრები, რომლებმაც თითქმის წარმოუდგენელია ზაფხულის ცხელ, მზიან დღეებში შემოგვიტიოს. გთავაზობთ 10 ფილმს სევდაზე, რთული და სევდიანი პერსონაჟებით:

გლორია (2013)

გლორია

შუახნის ასაკის, განქორწინებული ქალი – გლორია მისი ასაკისთვის საკმაოდ უჩვეულო ცხოვრების სტილს ირჩევს: მუდმივი წვეულებები, სასიყვარულო თავგადასავლები და სხვადასხვა სახის ფიზიკური აქტივობები. თუმცა, ეს ყველაფერი სინამდვილეში მარტოობისგან გაქცევისა და მისი დაძლევისკენაა მიმართული.

შინაგანი ცეცხლი (1963)

შინაგანი ცეცხლი

ჩვენ ნაბიჯ-ნაბიჯ მივყვებით იმ ალკოჰოლიკი ადამიანის ყოველდღიურ ცხოვრებას, რომელმაც კლინიკა ახლახანს დატოვა. ვუყურებთ, როგორი მელანქოლიითა და სევდით შეიმეცნებს ის სამყაროს და როგორ ცხოვრობს თავის დეპრესიასთან ერთად.

გიყვარდეს ლიზა (2002)

გიყვარდეს ლიზა

მას შემდეგ, რაც მისმა ცოლმა – ლიზამ თავი მოიკლა, ნიჭიერი ვებ-დიზაინერი შინაგანი ძალის მოპოვებას ცდილობს და ამისთვის მრავალფეროვან და ხშირად – უცნაურ გზებს მიმართავს. პირველიდან ბოლო წუთამდე მთელ ფილმს სევდიანი განწყობა გასდევს და მაყურებელს გასაქცევს არ უტოვებს.

მერი და მაქსი (2009)

მერი და მაქსი

ანიმაციური ფილმი 8 წლის მერისა და 44 წლის მაქსის უცნაური მეგობრობის შესახებ. ამ ორი მარტოსული ადამიანის ისტორია გულგრილს ვერავის დაგტოვებთ.

კურდღლის სორო (2010)

კურდღლის სორო

სევდიანის გარდა, ეს უცნაური ფილმიცაა, რომლის პერსონაჟებიც საკმაოდ უჩვეულო გზებით ცდილობენ შვილის სიკვდილით გამოწვეული ტრავმის დაძლევასა და ცხოვრების თავიდან დაწყებას.

პატარა ბავშვები (2006)

პატარა ბავშვები

ეს ისტორია საბავშვო მოედანზე იწყება, სადაც ორი გამორჩეული ადამიანი ერთმანეთს ხვდება. ისტორიის გაგრძელება დაუფიქრებელი, უმადურიც კია. სევდას კი სწორედ მისი რეალისტურობა გვიტოვებს.

ჩანაცვლება (2011)

ჩანაცვლება

მისი ცხოვრება მუდმივი ჩანაცვლების პროცესია. ახლა კი, ახალ სკოლაში გადასულს, უწევს, ახალ გავლენებსა და მოულოდნელ პასუხისმგებლობებს გაართვას თავი. სირთულეების და მელანქოლიის მიუხედავად, ფილმი გვიჩვენებს ცხოვრების პოზიტიურ ასპექტებსა და ჰუმანურობის ნათელ მხარეებსაც.

ნოსტალგია (1983)

ნოსტალგია

რუსი მწერალი იტალიაში მიემგზავრება, კომპოზიტორზე ინფორმაციის მოსაძიებლად, სინამდვილეში კი იმისთვის, რომ საკუთარ არსებობაზე პასუხები მიიღოს. ანდრეი ტარკოვსკის ეს ენიგმატური ისტორია ნამდვილი ხელოვნების ნიმუშია.

ყველაფერი კარგადაა (2010)

ყველაფერი კარგადაა

სიუჟეტის ცენტრში შუახნის უმუშევარი მამაკაცია, რომელსაც ცოლი სახლიდან გამოაგდებს და ეზოში ცხოვრობს. ის ცდილობს, სწორი მიმართულება იპოვოს ცხოვრებაში. მიუხედავად კომედიური ჟანრისა, ფილმის მელანქოლიური ატმოსფერო გვასევდიანებს და მთავარი გმირისადმი ემპათიას აღგვიძრავს.

მანჩესტერი ზღვასთან (2016)

მანჩესტერი ზღვასთან

ძმის სიკვდილის შემდეგ, დეპრესიულ ახალგაზრდა კაცს უხდება, მშობლიურ ქალაქში დაბრუნდეს და ძმისშვილზე იზრუნოს. მისი მივიწყებული წარსულის ფრაგმენტები ზედაპირზე ამოდის და ვხვდებით, თუ რამ მიიყვანა ის ამ მდგომარეობამდე.

 

წყარო: www.movielistnow.com