10 ფილმი სიყვარულზე, უქმეების სასიამოვნოდ გასატარებლად

nugo July 11, 2021

თუ შაბათ-კვირისთვის ჯერ გეგმები არ გაქვთ, გარეთ გასვლა კი ამ სიცივეში სულ არ გეხალისებათ, მაშინ გემრიელად მოკალათდით, მოიმარჯვეთ ცხელი სასმელი და მოიწყვეთ სასიამოვნო საღამო და დაიმუხტეთ დადებითი ემოციებით ამ სიყვარულის ისტორიების დახმარებით:

ელეონორ რიგბის გაუჩინარება: ისინი (2014)

საინტერესო პროექტი ორ შეხედულებაზე ურთიერთობასთან დაკავშირებით. ფილმი თავიდან ორ ნაწილად იყო დაყოფილი, რომელიც მოგვითხრობდა რომანზე, მის განვითარებაზე, განშორებაზე და იმაზე, თუ რა ხდება შემდეგ. ფილმის ერთი ნაწილი მოვლენების განვითარების მამაკაცის ვერსიას მოგვითხრობს, მეორე კი – ქალის. პროდიუსერების გადაწყვეტილებით ბერლინის ფესტივალისთვის ფილმს მესამე ნაწილიც მოჰყვა, რომელიც მოგვითხრობს იმაზე, თუ როგორ შეიძლება იცვალოს ფერი მოგონებებმა სიყვარულზე შეხედულების, განვლილი დროის და უკეთესის რწმენის მიხედვით.

სამი გული (2014)

ფრანგული მელოდრამა არაჩვეულებრივი მსახიობების მონაწილეობით. დასაწყისი ფილმს “მზის ამოსვლამდე” მოგაგონებთ – მამაკაცს მატარებელზე აგვიანდება და ხვდება ქალს, ისინი სეირნობენ ქალაქში და საუბრობენ, თუმცა ისტორია განსხვავებულად ვითარდება. მართალია, ფილმში საკმაოდ ბევრი კლიშე გვხვდება, მაგრამ ფრანგული შარმი და სამსახიობო ანსამბლი ნამდვილად არ მოგაწყენთ.

რა იცის მეისიმ (2013)

სიყვარულის ისტორია, ოჯახური კრიზისი და ასაკის მატების დრამა. დიდი ამერიკელი მწერლის, ჰენრი ჯეიმზის 1897 წლის რომანის ეკრანიზაცია იმის შესახებ, თუ როგორ აშანტაჟებენ უპასუხისმგებლო მშობლები ერთმანეთს პატარა ქალიშვილით განქორწინების დროს, მაგრამ რეჟისორებმა მოქმედება თანამედროვე სამყაროში გადმოიტანეს. როკ-ვარსკვლავი დედა და არტ-დილერი მამა – ორივეს ახალგაზრდა საყავრელი ჰყავს, პატარა გოგონას კი დროზე ადრე უწევს შეეგუოს დამოუკიდებლობას.

სასახლე იტალიაში (2013)

კანის კინოფესტივალის ნომინანტი. ფილმი ფრანგმა მსახიობმა და რეჟისორმა ვალერია ბრუნი ტედესკიმ გადაიღო, რომელმაც თავადვე შეასრულა მთავარი როლი – 40 წელს გადაცილებული მარტოხელა არისტოკრატი, რომელმაც მიატოვა ყველაფერი იმისთვის, რომ, როგორც იქნა, იცხოვროს ისე, როგორც უნდა, მაგრამ ამავე დროს ბოლომდე ვერ იღებს თავის რომანს ახალგაზრდა საყვარელთან, რომელსაც ლუი გარელი ასრულებს. იმის გათვალისწინებით, რომ ბრუნი ტედესკი რეალურად იყო გარელთან და მათ საერთო შვილის აყვანაც კი მოასწრეს, შეიძლება ითქვას, რომ ეს ფილმი მსახიობის ურთიერთობების ანარეკლია.

დამცირება (2014)

მოხუცები, რომლებიც თანამედროვე ცვალებად სამყაროში გარკვევას. ბარი ლევინსონის ფილმში ალ პაჩინო მოხუცი მსახიობის როლს ასრულებს, რომელიც წარუმატებელი თვითმკვლელობის შემდეგ იცნობს მეგობრების ქალიშვილს, რომელსაც ის უკვე დიდი ხანია უყვარს. ლოგიკურად განვითარებულ მოვლენებს და ახალ რომანს გარკვეული პრობლემები მოჰყვება, რომლებიც გამოწვეულია იმითი, რომ ალ პაჩინოს გმირის ახალ შეყვარებულს ადრე გოგონები მოსწონდა, რომლებსაც გარკვეული პრეტენზიები აქვთ.

გრანდ ცენტრალი (2013)

ახალგაზრდა ფრანგი რეჟისორი რებეკა ზლოტოვსკიმ მოახერხა გადაეღო ფილმი სიყვარულზე ბანალურობის გარეშე. მან გაავლო პარალელი სიყვარულს და ეფექტს შორის, რომელსაც ადამიანზე მაღალი რადიაციული დოზა ახდენს: ერთნაირად აჩქარებული გულისცემა, სისუსტე და შიში. მოვლენები ახალგაზრდა მამაკაცის ირგვლივ ვითარდება, რომელიც ატომურ ელექტროსადგურზე იწყებს მუშაობას და კოლეგის საცოლე უყვარდება, რომელსაც ლეა სეიდუ ასრულებს.

საყვარლები (2017)

ფილმი, რომელიც მოგვითხრობს ოჯახურ ურთიერთობებზე და პარალელურ სასიყვარულო კავშირებზე. აზაზელ ჯეიკობსის ფილმში არ შეგხვდებათ პათოსით სავსე ემოციურ გადატრიალება, რეჟისორს არ უცდია ურთიერთობები დამატებითი პერსონაჟებით გაემრავალფეროვნებინა და ჩაეხლართა. პრინციპში, ფილმი არ ატყუებს მაყურებელს – მასში ყველაფერი შეესაბამება თავის სახელს.

5დან 7მდე (2014)

ფრანგული კონცეპციის “ღია ურთიერთობების” ამერიკული ვერსია. ახალგაზრდა ნიუ-იორკელი მწერალი, რომელიც გამომცემლებისგან პირველ დადებით პასუხს ელოდება იცნობს ფრანგ ქალს, რომელიც სხვებს არ ჰგავს. ახალგაზრდა საყვარლისთვის ქალს ყოველ დღე ორი საათი აქვს გამოყოფილი – 5დან 7მდე – დანარჩენი დრო სამსახურისთვის, ყოველდღიური საზრუნავისთვის და ქმარი დიპლომატისთვის აქვს გამოყოფილი, რომელიც, პრინციპში, არ არის ამ ყველაფრის წინააღმდეგი.

ჩემი ანგელოზი (2016)

ამ ფილმის უჩვეულო ანონსმა თავიდანვე მიიპყრო მაყურებლის ყურადღება. ეს ფილმი მათაც კი არ დატოვებს გულგრილს, ვისაც არ უყვარს ფილმები სიყვარულზე, ან არ არის ფრანგული კინოს თაყვანისმცემელი. ფილმის სტილი “მისტერ არავინს” მოგაგონებთ, მაგრამ თუ იქ ბევრი ფილოსოფიური განხილვაა, აქ ახალგაზრდას ფრაზებია. საერთო ჯამში, ჰარი კლევენის ფილმი სულიერი, თბილი და კეთილი გამოვიდა. მოკლედ, თავის ჟანრში იშვიათი ფილმია, რომელიც აუცილებლად იმსახურებს თქვენს ყურადღებას.

მისტერ მორგანის უკანასკნელი სიყვარული (2013)

გულისამაჩუყებელი მელოდრამა მოხუც ქვრივ პროფესორზე, რომელსაც მაიკლ კეინი ასრულებს. მისი გმირი ვერ უმკლავდებოდა მეუღლის გარდაცვალებას, სანამ არ გაიცნო ახალგაზრდა გოგონა, რომელმაც ცხოვრების ხალისი დაუბრუნა. ფილმის გმირებს შორის მხოლოდ პლატონური გრძნობები ჩნდება, მაგრამ მათი ზუსტი ურთიერთგაგების ყველაზე ვნებიან წყვილსაც კი შეშურდებოდა.