10 ფილმი სიყვარულის ყველა ასპექტზე

nugo July 11, 2021

ქვემოთ ჩამოთვლილი ფილმები სიყვარულის სხვადასხვა ფორმებს ასახავს, დაწყებული ტრადიციული მდგომარეობიდან, ქორწინებისა და სექსუალობისადმი განსხვავებული მიდგომებით დამთავრებული. ესაა 10 ფილმი სიყვარულის ყველა ასპექტზე:

მთვარის გავლენის ქვეშ (1987)

მთვარის გავლენის ქვეშ

სასაცილო სცენებით სავსე ფილმის მთავარ გმირს სულ მალე ქორწილი აქვს, თუმცა მას გაგიჟებით უყვარდება საქმროს უმცროსი ძმა და მისი ცხოვრება თავდაყირა დგება.

ოჯახის ჭერი (1970)

ოჯახის ჭერი

ფილმი ახალგაზრდა წყვილის ყოველდღიურ ოჯახურ ცხოვრებას ასახავს, იმ მთავარ ელემენტებს, რომლებიც ქორწინებას ახასიათებს, თავისი სასიამოვნო და უარყოფითი მომენტებით.

გამაოგნებელი სიყვარული (2002)

გამაოგნებელი სიყვარული

მარტოსული კაცისა და თავგადასავლების მოყვარული ქალის უჩვეულო რომანი ორივე მათგანის ცხოვრებას უკეთესს ხდის. ისინი სოციუმში დამკვიდრებულ წესებს უარყოფენ და საკუთარ ისტორიას ქმნიან.

ქარიშხლიანი უღელტეხილი (1992)

ქარიშხლიანი უღელტეხილი

ემილი ბრონტეს ბრწყინვალე რომანის ბრწყინვალე ეკრანიზაცია უდიდეს სიყვარულზე გვიყვება, სიყვარულზე, რომელიც მთავარ გმირებს აიძულებს, მის გამო მთელ სამყაროს დაუპირისპირდნენ.

მხოლოდ საყვარლები გადარჩებიან (2013)

მხოლოდ საყვარლები გადარჩებიან

ჯიმ ჯარმუშის უჩვეულო, გიჟური, სრულიად დაუვიწყარი და ვამპირული სიყვარულის ისტორია, მთავარ როლებში – ტილდა სუინტონითა და ტომ ჰიდლსტონით.

ხომალდის სიახლეები (2001)

ხომალდის სიახლეები

შუახნის მამაკაცი თავის ძველ ქალაქში ბრუნდება მძიმე წარსულისგან გათავისუფლებისა და ცხოვრების თავიდან დაწყების იმედით, და როცა ერთ-ერთ იქაურ მაცხოვრებელს შეხვდება, ეს იმედი კიდევ უფრო უნმტკიცდება.

სასიყვარულო განწყობა (2000)

სასიყვარულო განწყობა

ორი დაოჯახებული, მაგრამ მარტოსული ადამიანი მეზობლად ცხოვრობს. ისინი ხვდებიან, რომ მეუღლეები ღალატობენ და მათ შორის უცნაური ურთიერთობა ყალიბდება, რაც სამუდამოდ ცვლის ორივეს ცხოვრებას.

სიახლოვე (2004)

სიახლოვე

სიყვარული, ვნება, ღალატი – ოთხი ადამიანის ყოველდღიურ რუტინას არღვევს. ფილმი თანამედროვე საზოგადოებისთვის კარგად ნაცნობ პრობლემებსა და ურთიერთობებს ასახავს.

ჩანგკინგ ექსპრესი (1994)

ჩანგკინგ ექსპრესი

ორ პოლიციელს უჩვეულო, ქარიზმატული ქალი უყვარდებათ. ამ მელანქოლიურ ფილმში ორი ისტორია ვითარდება და შესანიშნავადაა გადმოცემული ადამიანის მარტოობა.

სექსი, ტყუილი და ვიდეოკასეტა (1989)

სექსი, ტყუილი

სექსუალურად ფრუსტრირებულ ქალს ქმარი მის უცმროს დასთან ღალატობს. თუმცა, ქალის ცხოვრება და მთლიანად სიტუაციაც რადიკალურად იცვლება, როცა მათ უჩვეულო სექსუალური მისწრაფებების მქონე კაცი ესტუმრება.