10 ფილმი უცნაურ ოჯახებზე

nugo July 11, 2021

ქვემოთ ჩამოთვლილი 10 ფილმი შეუთავსებელ და უცნაურ ოჯახებზეა. ძირითადი ფოკუსი იმის ახსნისკენაა მიმართული, თუ რა არის ამ არეულობის მიზეზი და რა დადებითი და უარყოფითი მხარეები გააჩნიათ ასეთ ოჯახებს.

აგვისტო: ოსეიჯის საგრაფო (2013)

ოსეიჯის საგრაფო

ამ ოჯახის წევრები ერთმანეთისგან სრულიად განსხვავდებიან. მას შემდეგ, რაც გაიზარდნენ, შვილები ბავშვობის სახლს აღარ სტუმრობენ. თუმცა, დაბრუნების დრო დგება. კონფლიქტური სცენებით სავსე ფილმში ჩვენ ვხედავთ, რომ დისფუნქციური ოჯახი მაინც ახერხებს გარკვეულ კომპრომისებზე წასვლას.

მემკვიდრეები (2011)

მემკვიდრეები

პრობლემები ცოლ-ქმარს შორის. პრობლემები დედასა და უფროს ქალიშვილს შორის. მერე კი, საზღვაო ინციდენტის შედეგად დედა კომაში ვარდება და ოჯახის დანარჩენი წევრები ხელახლა ცდილობენ ცხოვრების მიზნის პოვნას.

ეროვნული არდადეგები (1983)

ეროვნული არდადეგები

ენთუზიაზმით აღსავსე მამის სურვილით, ოჯახი არდადეგების ბედნიერად გატარებას გეგმავს გასართობ პარკში. თუმცა, ყველაფერი გეგმის მიხედვით არ მიდის და ეს უჩვეულო ოჯახი უამრავი პრობლემის წინაშე აღმოჩნდება.

ამერიკული ისტორია X (1998)

ამერიკული ისტორია X

ძველი სკინჰედი, რომელიც მკვლელობისთვის ციხეში ხვდება, აანალიზებს წარსული ქმედებების გავლენას მისი ოჯახის წევრთა ცხოვრებაზე. ციხიდან გამოსვლის შემდეგ ის კავშირს წყვეტს ბანდასთან და ცდილობს, საკუთარი ძმა ძალადობისგან დაიცვას.

ტენენბაუმების ოჯახი (2001)

ტენენბაუმების ოჯახი

უეს ანდერსონის უდაოდ ერთ-ერთი საუკეთესო სურათი. ტენენბაუმების ოჯახი – ნიჭიერი, უცნაური და ტრაგიკული ბავშვებით, რომლებსაც წლების შემდეგ მამის ავადმყოფობა კვლავ დააკავშირებს ერთმანეთთან.

პატარა მის ბედნიერება (2001)

პატარა მის ბედნიერება

გადარეული ოჯახი, რომლის ყველა წევრიც სულიერ კრიზისს განიცდის, მანქანით გზას გაუდგება, რათა ოჯახის ყველაზე პატარა წევრმა სილამაზის კონკურსში მიიღოს მონაწილეობა. ეს მოგზაურობა კი ყველა წევრისთვის ცვლილებების მომტანი აღმოჩნდება.

წყნარი ოჯახი (1998)

წყნარი ოჯახი

სიუჟეტი ვითარდება ოჯახის გარშემო, რომელიც მთებში პატარა სასტუმროს ყიდულობს, მაგრამ მათი პირველივე სტუმარი თავს იკლავს და იმისთვის, რომ საქმე არ ჩაუვარდეთ, ოჯახი მას ჩუმად დამარხავს. ეს არის ისტორია ოჯახზე, რომლის წევრებიც ყოველთვის ყველაზე უცნაურ არჩევანს აკეთებენ.

ამერიკული სილამაზე (1999)

ამერიკული სილამაზე

ოჯახი, რომლის ყველა წევრიც კრიზისს განიცდის, თუმცა, გარეგნულად არაფერს იმჩნევს, სანამ სამსახურის რუტინითა და ოჯახური პრობლემებით დაღლილი მამისთვის მოზარდი შვილის დაქალი ინპირაციის წყარო გახდება და სრულიად მოულოდნელი ქმედებების ჩადენას დაიწყებს. ესაა სემ მენდესის ბრწყინვალე სურათი, რომელმაც ამერიკული საშუალო კლასის ოჯახების ყალბი ცხოვრება აჩვენა.

სევიჯები (2007)

სევიჯები

როდესაც მათი ასაკოვანი მამა უცნაურად იწყებს მოქცევას, და და ძმა მის დასახმარებლად ერთიანდებიან, რასაც მოსდევს მთელი მათი განვლილი ცხოვრების პრობლემების ზედაპირზე ამოტანა და შემდეგ – დაახლოება.

დღეობა (1998)

დღეობა

ელიტარული ოჯახის უფროსის დაბადების დღეზე მთელი სანათესაო იკრიბება. წვეულებას არ ესწრება მხოლოდ იუბილარის ქალიშვილი, რომელმაც რამდენიმე ხნით ადრე თავი მოიკლა. იქნებ სწორედ ამ დღეობაზე უნდა გამჟღავნდეს ოჯახის საიდუმლოებები, რომლებიც მათი სოციალური ნიღბის მიღმა იმალება?