10 ფილმი ქალური მეგობრობის სირთულეებზე

nugo July 10, 2021

არსებობს ფილმები, რომლებიც გვახსენებენ საუკეთესო მეგობრებს – ადამიანებს, რომლებთანაც ვმეგობრობდით ან ახლა ვმეგობრობთ. საუკეთესო მეგობრები ჩვენთან არიან ყველაზე რთულ სიტუაციებში, გვაცინებენ, გვიცავენ, გვამხიარულებენ, მაგრამ ხანდახან გულსაც გვტკენენ. ეს დინამიკა, რომელიც სიმძაფრით სასიყვარულო თავგადასავლებსაც არ ჩამოუვარდება, მრავალმა რეჟისორმა შეამჩნია.

ქვემოთ ნახავთ 10 ფილმს, რომლებიც ქალებს შორის მეგობრობას მთელი დიდებულებით წარმოაჩენენ. განსხვავებული ჟანრები, გამოშვების წლები, ნარატივი თუ პერსონაჟები ნუ დაგაბნევთ. ეს ფილმები ნამდვილად ღირს საყურებლად.

#1 Frances Ha (2012)

შავ-თეთრი ფილმი მოგვითხრობს ნიუ-იორკელ ფრენსისზე, რომელიც ცეკვავს, მაგრამ თვლის, რომ არაა პროფესიონალი მოცეკვავე. გოგონა საუკეთესო მეგობართან ერთად ცხოვრობს, თუმცა ამჩნევს, რომ ნელ-ნელა შორდება მას. მტკივნეული და სასაცილო ამბავი იმაზე, თუ როგორ იყოფა ადამიანების ცხოვრების გზა, როცა ისინი სხვადასხვა ტალღაზე არიან.

#2. Heavenly Creatures (1994)

თინეიჯერი გოგონები, პოლინი და ჯულიეტი ხშირად წუწუნებენ საკუთარ მშობლებზე და ეს სავსებით ნორმალურია, სანამ მათი აკვიატება ავადმყოფურ ხასიათს არ მიიღებს და მეგობრებს საშინელი საქციელისკენ არ უბიძგებს.

#3. Heathers (1989)

ეს არის ფილმი, რომელიც უფროსი კლასების შავბნელ სიტუაციებშიც პოულობს იუმორს. გოგოების კლანები, ურთიერთობა ბიჭებთან, დაძაბულობა სკოლის სხვადასხვა კასტებს შორის – ამ ფილმში ყველაფერს იპოვით.

#4. Mean Girls (2004)

საკულტო ფილმი, რომლის თითოეული ფრაზაც შედევრია. ლინდსი ლოჰანის გმირი პირდაპირ აფრიკიდან ამოყოფს თავს სკოლაში და აღმოაჩენს, რომ კოლეჯში ჯუნგლებზე უფრო მკაცრი წესები მოქმედებს, განსაკუთრებით მაშინ, თუ ყველაზე პოპულარული გოგოს ყოფილ შეყვარებულს დაადგამ თვალს.

#5. Persona (1967) 

ინგმარ ბერგმანის ამ შედევრში ახალგაზრდა მედდისა და უცნაური პაციენტის გზები ერთმანეთს კვეთს და იხლართება. არავინ იცის, რატომ დამუნჯდა ელისაბეტი, თუმცა ალმას მისთვის საკუთარი ისტორია აქვს მოსათხრობი.

#6. Ghost World (2001)

სკოლის დამთავრების შემდეგ ენიდი და რებეკა წყვეტენ, რომ საკუთარ ცხოვრებას მიხედონ და მიზნები განახორციელონ, თუმცა ეს ადვილი სულაც არაა. ენიდი დაბნეული და მორცხვია, მისი მეგობარი რებეკა კი შედარებით უფრო წარმატებულია ბიჭებთან, თუმცა ზუსტად არც მან იცის, როგორ უნდა იცხოვროს.

#7. Girl, Interrupted (1999)

18 წლის სუზანა კაისენი ნერვული შეტევის შემდეგ ფსიქიატრიულ საავადმყოფოში ხვდება, სადაც რთულ და უცნაურ გოგოს გაიცნობს, რომელსაც ანჯელინა ჯოლი განასახიერებს.

#8. The Sweetest Thing (2002)

კრისტინა უოლტერსი, სექსუალური ქერა ქალი, მეგობრებთან დროის გატარების ოსტატი და ღამის კლუბების მუდმივი კლიენტია. ერთ მშვენიერ დღეს იგი გადაწყვეტს, რომ კარგი მანერების შეისწავლოს დახვეწილი მამაკაცის შესაბმელად. ამ მისიაში მას საუკეთესო მეგობრები ეხმარებიან.

#9. Fried Green Tomatoes (1991)

ეს არის ფილმი ოთხი ქალის ამაღელვებელ მეგობრობაზე, რომლებიც ცხოვრებაში ბევრ რამეს კარგავენ, მაგრამ იძენენ ერთმანეთს.

#10. 4 Months, 3 Weeks, 2 Days (2008)

ეს არის ისტორია ორ მეგობარზე, რომლებიც ძალიან საშიშ საქმეს არიან შეჭიდებულები – გაბიტამ უნდა გაიკეთოს აბორტი ქვეყანაში, სადაც აბორტი სასტიკად აკრძალულია.