10 ფილმი ღამის ისტორიებზე

nugo July 11, 2021

ქვემოთ ჩამოთვლილი ფილმები სხვადასხვა ჟანრისაა – დრამა, კრიმინალური თრილერი, კომედია, სამეცნიერო ფანტასტიკა… თუმცა მათ ერთი საერთო აქვთ: ისტორიის ძირითადი ნაწილი ღამით ვითარდება. გთავაზობთ 10 ფილმს, რომელიც ღამის ყველა ასპექტს იკვლევს.

ღამე (1961)

ღამე

მიქელანჯელო ანტონიონის ბრწყინვალე სურათი აღწერს ერთ ღამეს შუახნის წყვილის ცხოვრებიდან, მათ ურთიერთობას და იმას, თუ როგორ აღიქვამენ ისინი თავიანთ გარემოცვას.

შიშვლები (1993)

შიშვლები

ეს არის ფილმი ადამიანებზე, რომლებსაც სამყაროსადმი ნიჰილისტური დამოკიდებულება აქვთ და თითქმის უუნარონი არიან, განიცადონ სიამოვნება. ხოლო როცა ეს ხდება, ხდება სხვა ადამიანების დაზიანების ხარჯზე.

დანის პირზე მორბენალი (1982)

დანის პირზე მორბენალი

მომავლის სამყარო, სადაც ნეონის განათებებით მოწყობილი ქუჩების თავზე მანქანები დაფრინავენ და სადაც მოქმედება ღამით ვითარდება. რეპლიკანტებზე ნადირობაც ღამით მიმდინარეობს. რიდლი სკოტის დანის პირზე მორბენალი დღემდე კინომოვლენად მიიჩნევა და მასზე ათასობით სამეცნიერო ნაშრომია შექმნილი.

დანის პირზე მორბენალი 2049 (2017)

დანის პირზე მორბენალი 2049

მოქმედების დრო ძირითადად ასევე ღამეა ახალ დანის პირზე მორბენალში, რომელიც დენი ვილნევმა გადაიღო. ფილმი კვლავ ადამიანებისა და რეპლიკანტების დაპირისპირებაზე მოგვითხრობს და მასში ახალ გმირებთან ერთად, ძველებიც ჩნდებიან.

კრუიზი (1980)

კრუიზი

პოლიციის ახალგაზრდა ოფიცერი თანხმდება, სახიფათო საქმეზე საიდუმლო აგენტად იმუშაოს, რათა დაიჭიროს სერიული მკვლელი, რომლის სამიზნეც გეები არიან.

გასაღები (1985)

გასაღები

ამ განსხვავებულ პერსონაჟებს შორის, რომლებიც ხაფანგში აღმოჩნდებიან, ერთ-ერთი მკვლელია. მაგრამ – რომელი? გასაღები მისტიკური თრილერია ბევრი კომედიური სცენით, სადაც მოქმედება ღამით ვითარდება.

თანამოაზრე (2004)

თანამოაზრე

მას ტაქსიში უჯდება მამაკაცი, რომელიც ეუბნება, რომ რამდენიმე ადგილზე უნდა წაიყვანოს. მგზავრი საინტერესო მოსაუბრე ჩანს. თუმცა, მძღოლი რაღაც დროის შემდეგ ხვდება, რომ უკანა სავარძელზე დაქირავებული მკვლელი უზის, დანიშნულების პუნქტები კი – მკვლელობის ადგილებია…

ვის ეშინია ვირჯინია ვულფის? (1966)

ვის ეშინია ვირჯინია ვულფის?

ჩვენ ვუყურებთ ერთ ღამეს შუახნის ასაკის წყვილის ცხოვრებიდან, რომელთაც ურთიერთობაში კრიზისი აქვთ. ემოციურად გაუწონასწორებელი მარტას როლმა ელიზაბეტ ტეილორს მეორე ოსკარი და კრიტიკოსების აღიარება მოუტანა.

ტაქსის მძღოლი (1976)

ტაქსის მძღოლი

მარტინ სკორსეზეს საკულტო ფილმის სიუჟეტი ძირითადად ღამით ვითარდება. ნიუ-იორკის ღამის ქუჩების ცხოვრება ინსომნიით დაავადებულ ომის ვეტერანს ადამიანის ყველაზე ბნელ მხარეებს უჩვენებს, რაც მისთვის საზარელი სისასტიკის ჩადენის ბიძგი ხდება.

სამუშაოს შემდეგ (1985)

სამუშაოს შემდეგ

კვლავ მარტინ სკორსეზეს ფილმი, რომელიც გვიჩვენებს, რომ ადამიანს ათასი უსიამოვნება, მოულოდნელი შემთხვევა და გაუგებრობა შეიძლება დაემართოს – სულ რაღაც ერთ ღამეში.

 

წყარო: www.movielistnow.com