10 ფილმი ყველაზე დამღუპველი ქალებით

nugo July 11, 2021

ქვემოთ ჩამოთვლილი ყველა ფილმი ნამდვილად დიდებულია და კინოს ისტორიაში თავისი ადგილი უჭირავს. ესაა ფილმები 1940-იანი წლებიდან – დღემდე, რომლებშიც ყველაზე დამღუპველი ქალები გვევლინებიან:

ჯილდა (1946)

ჯილდა

კაზინოს მფლობელი თაღლითს სიცოცხლეს შეუნარჩუნებს და უფრო მეტიც, შესაძლებლობას აძლევს, კაზინოს მენეჯერად იმუშავოს. ეს მათი მეგობრობის დასაწყისია, თუმცა ყველაფერი ირევა, როდესაც მათ ცხოვრებაში საოცრად მომხიბვლელი, ქერათმიანი ქალბატონი გამოჩნდება და სასიყვარულო სამკუთხედი იკვრება.

ძირითადი ინსტინქტი (1992)

ძირითადი ინსტინქტი

ყველას გვახსოვს ცნობილი სცენა შერონ სთოუნის მონაწილეობით, რომელიც მსახიობის კარიერაში ყველაზე პოპულარული მომენტია. ფილმში ის თამაშობს მიმზიდველ, მანიპულატორ მწერალ ქალს, რომელიც პოლიციელის ყურადღებას იქცევს. პოლიციელი ბრუტალური მკვლელობის საქმეზე მუშაობს. ეს საქმეც და მათი ურთიერთობაც მოულოდნელობებითაა სავსე. ყველაზე მთავარი კი ისაა, რომ შესაძლოა ქალი კიდევ უფრო სახიფათო იყოს, ვიდრე მხოლოდ მანიპულატორი…

სიკვდილის შემდეგ ანგარიშის გასწორება (1947)

ანგარიშის გასწორება

არმიის კაპიტანი პირად გამოძიებას იწყებს იმის გასაგებად, თუ რატომ და სად გაუჩინარდა მისი თანამებრძოლი მედლის მიღების შემდეგ. გამოძიების პროცესში ის ხვდება, რომ გაუჩინარებული მეგობრის ცხოვრება გაცილებით იდუმალი და საიდუმლოებით მოცული იყო, ვიდრე ერთი შეხედვით ჩანდა, მისი ყოფილი საყვარელი კი ძალიან უჩვეულო ქალია.

საბედისწერო ლტოლვა (1987)

საბედისწერო ლტოლვა

ფილმის მთავარი გმირი მიმზიდველ ქალთან რომანტიკულ უიქენდს ატარებს. მას ოჯახი აქვს და ჩათვლის, რომ ყველაფერი ამავე უიქენდზე დასრულდება. თუმცა, ძალიან ცდება. ქალი სრულიად შეპყრობილი ხდება მისით, იწყებს მის დევნას და კაცს ცხოვრებას ნამდვილ ჯოჯოხეთად უქცევს.

სიკვდილის მიზეზი (1995)

სიკვდილის მიზეზი

ამ შემთხვევაშიც ობსესია, აკვიატება, ავადმყოფური დამოკიდებულება, ოღონდ ამჯერად არა მამაკაცის, არამედ კარიერისადმი. მთავარი გმირი ყველაფერს აკეთებს, რათა ტელევარსკვლავი გახდეს. ტრაგედიაა ისაა, რომ ფილმი ნამდვილ ამბავს ეფუძნება.

მონსტრი (2003)

მონსტრი

7 მამაკაცის სიკვდილზე პასუხისმგებელი სერიული მკვლელის, ეილინ უორნოსის ისტორია ნამდვილ ამბავს ეფუძნება და გამორჩეულია არამარტო მთავარი გმირით, არამედ შარლიზ თერონის დაუვიწყარი შესრულებითაც. ცნობილი კრიტიკოსის, როჯერ ებერტის თქმით: ის, რაც მსახიობმა მონსტრში გააკეთა, არის ერთ-ერთი საუკეთესო შესრულება კინოს ისტორიაში. ეს არა თამაში, არამედ გარდაქმნაა. 

ველური გოგონები (1998)

ველური გოგონები

უნივერსიტეტის თანამშრომელს ორი გოგონას გაუპატიურებაში სდებენ ბრალს. სინამდვილეში კი გასარკვევია, ვინაა ნამდვილი მსხვერპლი. იქნებ ყველაფერი ველური გოგონების გეგმის ნაწილია?

სახით კედლისკენ (2004)

სახით კედლისკენ

ფილმი მოგვითხრობს ორი თვითდესტრუქციული ადამიანის ისტორიას, რომლებიც კონკრეტული მიზეზების გამო ქორწინდებიან. თუმცა, თანამედროვე სამყაროში მათი ურთიერთობა, ფაქტობრივად, შეუძლებელია.

ექს რობოტი (2015)

ექს რობოტი

ნიჭიერ ახალგაზრდას შეარჩევენ ხელოვნური ინტელექტის პროგრამაში მონაწილეობის მისაღებად. ის იზოლირებულ ადგილზე აღმოჩნდება, სადაც ხელოვნური ინტელექტის მქონე ქალი-რობოტის ტესტირება უწევს. მთავარი გმირი თანდათან აცნობიერებს, რომ იქ ძალიან ბევრი რამაა უცნაური…

მოკალი ბილი (2003)

მოკალი ბილი

ერთდროულად სასაცილო, ბრაზიანი, შურისმაძიებელი, მიზანსწრაფული, სევდიანი, სექსუალური – ბეატრიქს კიდო მოკალი ბილიდან არამარტო უმა თურმანის კარიერაში, არამედ ზოგადად კინოს ისტორიაშია ერთ-ერთი ყველაზე დასამახსოვრებელი და უნიკალური ქალი გმირი. საინტერესოა, რომ კიდოს პერსონაჟი თავად მსახიობმა შექმნა კვენტინ ტარანტინოსთან ერთად.