ამ კოლექციაში თავი მოვუყარეთ 10 ფილმს ყველაზე კომპლექსური და ექსტრაორდინალური ქალებით. სოციუმის მიერ დაწესებული სტანდარტების რღვევა, სურვილების თავისუფლად გამოხატვა და ზოგადად, ქალის თავისუფლების მნიშვნელობა – ის თემებია, რომლებიც ქვემოთ ჩამოთვლილ ფილმებშია განხილული.
ქვრივი დიასახლისი ვაჟთან ერთად ცხოვრობს. მისი ყოველდღიური ცხოვრება ცარიელი, მშრალი და განმეორებადი მოქმედებებისგან შედგება. მერე კი რაღაც ხდება, რაც ამ რუტინას არღვევს… მთავარი გმირის ყოველი ჟესტი თუ ჩვევა მნიშვნელოვანია, ამიტომ მაყურებელს დიდი ყურადღების გამოჩენა მართებს, რათა ამ უნიკალური ფილმის სიმბოლოებს მიხვდეს.
ლუის ბუნუელის ხელოვნების ნიმუში… ახალგაზრდა, ერთგული ცოლი მაღალი ფენიდან უცნაურ გადაწყვეტილებას იღებს: მეძავად იწყებს მუშაობას, რათა საკუთარ ცხოვრებას სხვა თვალით შეხედოს და მას განსხვავებული მნიშვნელობა შესძინოს.
ამელი უდაოდ ერთ-ერთი ყველაზე ექსტრაორდინალური პერსონაჟია კინოში – ახალგაზრდა ქალი, რომელიც სრულიად უნიკალური გზებით ცდილობს, იპოვოს საკუთარი თავი და ადგილი სამყაროში.
ფრენსისმა იცის, რომ პროფესიონალი არაა, მაგრამ ცეკვავს. ფრენსისი ცდილობს, გამონახოს დრო ბედნიერებისა და გართობისთვის. ფრენსისი საკუთარ ნაკლოვანებებს აცნობიერებს და მათთან ერთად ცხოვრობს. ის, უბრალოდ, საყვარელი ფრენსისია!
ნადერი და სიმინი ირანის დატოვებას აპირებენ, თუმცა, მოგვიანებით ნადერი გადაიფიქრებს და ავადმყოფ მამასთან რჩება. სიმინი დათმობას არ აპირებს. ვისთან იქნება მათი 11 წლის ქალიშვილი? ამას სასამართლო გადაწყვეტს.
ბროდვეის ხანშიშესული ვარსკვლავი – მარგო ჩენინგი დამხმარედ იყვანს ერთ მორიდებულ გოგონას – ევას, რომელიც მისი თავგადაკლული თაყვანისმცემელია. რაღაც დროის შემდეგ კი ირკვევა, რომ ამ მშვიდი, დამჯერი ნიღბის მიღმა უზარმაზარი ამბიციები იმალება: ევას სურს, ახალი მარგო ჩენინგი გახდეს…
ფილმი, რომელიც მერილინ მონროსა და ლოურენს ოლივიეს ერთობლივ მუშაობას ეხება, აცოცხლებს ძალიან მნიშვნელოვან და ღირებულ ფრაგმენტებს იმ ადამიანის ცხოვრებიდან, რომელიც მე-20 საუკუნის ერთ-ერთი ყველაზე გამორჩეული და ექსტრაორდინალური ქალი იყო.
პირველი სცენიდან დაწყებული, ბოლო სცენის ჩათვლით, პერსეპოლისი აღწერს მეამბოხე ირანელი გოგონას ყოფას ევროპასა და ირანში – ისლამისტური რევოლუციის დროს. ეს არის მარჯან სატრაპის ცნობილი გრაფიკული რომანის ეკრანიზაცია, სადაც ტრაგიკული ამბები საოცარი იუმორითაა მოთხრობილი.
სამი დის ცხოვრება კონტროლიდან გამოდის მას შემდეგ, რაც მათი მშობლები მოულოდნელად დაშორდებიან. ვუდი ალენის კინოსურათი აღწერს დისფუნქციურ ოჯახს, რომლის წევრთა არაეთიკური ქცევებიც კათარზისისკენაა მიმართული.
ოდრი ჰეპბერნმა ჰოლი გოლაითლის სახით ერთ-ერთი საუკეთესო და ექსტრაორდინალური ქალი გმირი შექმნა კინოს ისტორიაში. არავინ იცის, როგორი იქნებოდა ტრუმენ კაპოტეს რომანის ეკრანიზაცია, მთავარი როლი ოდრის რომ არ ეთამაშა…
წყარო: www.movielistnow.com