10 ფრანგული ფილმი მათთვის, ვინც ამერიკული ბანალური მელოდრამებით დაიღალა

nugo ივლისი 11, 2021

არავის შეუძლია გრძნობებზე ფილმების გადაღება ისე, როგორც ფრანგებს. მათ ფილმებში არ ერიდებათ სენტიმენტალურობის, ძალდაუტანებლად გვასწავლიან როგორ გადავლახოთ ცხოვრებისეული პრობლემები და მოგვითხრობენ საინტერესო ისტორიებს, რომელთაც გულწრფელად განვიცდით. ბევრ ცხოვრებისეულ გაკვეთილს გვაძლევს ფრანგული ფილმები და ამასთან ერთად, ფილმის ნახვის შემდეგ, სულაც არ გვაქვს შეგრძნება, რომ რამდენიმე საათი ფუჭად დავხარჯეთ.

ასე რომ, თუ დაიღალეთ ამერიკული მელოდრამებით, დღევანდელ კოლექციაში წარმოგიდგენთ თბილ და კეთილ ფრანგულ ფილმებს:

ბებიაქალი (2017)

ფრანგულ-ბელგიური დრამა, რომელშიც მთავარ როლებს კეტრინ ფროტი და კატრინ დენევი ასრულებენ. ფროტის გმირი კლერი, ზრდასრული ქალია, რომელიც ბებიაქალად მუშაობს. მას ჰყავს ვაჟი, რომელიც მალე ექიმი გახდება, აქვს მყუდრო ეზო ულამაზესი ყვავილებით, რომელსაც თავად უვლის და საერთოდ, მშვიდი ცხოვრება, რომელიც მისი დედინაცვალის გამოჩენასთან ერთად ირევა, რომელიც 30 წლის წინ გაექცა კლერის მამას. ორი ადამიანი, რომელსაც საერთო უკვე დიდი ხანია აღარაფერი აქვს, მაინც ახერხებენ შეცვალონ ერთმანეთის ცხოვრება.

ბატონი და ქალბატონი ადელმანები (2017)

ფრანგული კინოპრემიის “სეზარის” ორ კატეგორიაში ნომინირებული კომედიური დრამა სიყვარულზე და ზოგადად ცხოვრებაზე. ფილმის მთავარი გმირები დამწყები მწერალი (რომელიც ვერ იტანს კრიტიკას) და კლასიკური პოეზიის მაგისტრანტი (რომელიც სიამოვნებით მოეკიდა მის ნამუშევრებს) არიან. სცენარი, განათება, დეკორაციები, გრიმი, კოსტიუმები და მუსიკა მთლიანად გაგრძნობინებთ სიუჟეტის ატმოსფეროს.

პარიზი (2008)

არსებობს ფილმები, რომლის ყურების დროსაც სიუჟეტის გარდა კონკრეტულ ადგილაც ინაცვლებ, როდესაც ეს ადგილი რეალურია, მაგალითად, როგორც აქ პარიზი, ან როგორც ფილმში “მზის ამოსვლამდე”, სადაც მთავარი გმირები მთელი ღამე სეირნობენ ვენაში, მაგრამ ამ ფილმისგან განსხვავებით ვენაში ზედმეტად ბევრი დიალოგია, “პარიზში” კი უფრო მეტი მრავალფეროვნებაა. ტურისტების წარმოსახვაში პარიზი სიყვარულის, მხატვრების, რომანტიკული გასეირნებისა და მყუდრო კაფეებში კრუასანების ქალაქია, მაგრამ ამ ქალაქში მცხოვრები ადამიანებისთვის პარიზი არის ქალაქი, რომელშიც ისინი მარტო ზრდიან შვილებს, ჩხუბობენ ნათესავებთან, ეძებენ თანამშრომლებს, უყვარდებათ ისინი, ვისი შეყვარებაც არ ღირს და ცხოვრობენ ნებისმიერი მოქალაქის ყველაზე ჩვეულებრივი ცხოვრებით თავისი პრობლემებითა და სიხარულით. ამ ფილმში სწორედ მეორე პარიზი გვხვდება, ადგილობრივი მაცხოვრებლების ქალაქი…

სიყვარული დაბრკოლებებით (2012)

ეს ოჯახური მელოდრამა, რომელიც გაჯერებულია კომედიური მომენტებით, რეჟისორის და სცენარისტის ჯეიმს ჰუტის მიერ გადაღებული პირველი ფილმია მის მეუღლესთან ერთად. მიუხედავად იმისა, რომ “სიყვარული დაბრკოლებებით” არ გამოირჩევა რაიმე განსაკუთრებული სიღრმეებით, ფილმმა დიდი მოწონება დაიმსახურა მაყურებელში. შეიძლება ეს ყველასთვის საყვარელი სოფი მარსოს დამსახურებაცაა, რომელიც ფილმში ერთ-ერთ მთავარ როლს ასრულებს. ასეა თუ ისე, ფილმმა მნიშვნელოვანი ადგილი დაიკავა და რაც მთავარია ის დადებითი ენერგიით აგავსებთ, რომლის ყურებაც ნებისმიერ დროს გესიამოვნებათ, განსაკუთრებით კი საყვარელი ადამიანების გარემოცვაში.

გრძელი ნიშნობა (2004)

ყველასთვის საყვარელი და გამორჩეული “ამელის” რეჟისორის ჟან-პიერ ჟენოს ფილმი, რომელიც ოსკარის ორ კატეგორიაში იყო ნომინირებული. ფრანგული საბრძოლო მელოდრამა სებასტიან ჟაპრიზოს ამავე სახელწოდების რომანის საკმაოდ წარმატებული ეკრანიზაციაა. ფილმში მთავარ როლს ოდრი ტოტუ ასრულებს და, რა თქმა უნდა, გასაკვირი არ არის, რომ ფილმი ძალიან საინტერესო, მგრძნობიარე, რაღაც მომენტში სახალისო, რაღაც მომენტში კი – ცხოვრებისეულად დრამატული გამოვიდა.

უბრალოდ ერთად (2007)

კიდევ ერთი ფილმი ოდრი ტოტუს მონაწილეობით. განსხვავებული ადამიანები, განსხვავებული ხასიათები, განსხვავებულები სოციალური სტატუსის მიხედვით, განსხვავებული ინტერესები… კლოდ ბერის ფილმი, რომელიც ანა გავალდას ამავე სახელწოდების რომანის მიხედვით არის გადაღებული, ორი ადამიანის ისტორიას მოგვითხრობს, რომლებიც ერთ ბინაში აღმოჩნდებიან. მომენტებში სახალისო, მომენტებში ფსიქოლოგიური, ეს ფილმი ნამდვილად იმსახურებს თქვენს ყურადღებას.

ჩემი მეფე (2015)

ორი ადამიანის ურთიერთობის ისტორია, რომლის როლებსაც ვინსენტ კასელი და ემანიუელ ბერკო ასრულებენ. ისინი ერთმანეთს წვეულებაზე გაიცნობენ და გადაწყვეტენ, რომ არასდროს დაშორდნენ. საინტერესო, გულისამაჩუყებელი და ნამდვილი ფრანგული დრამა ვნებაზე, სიყვარულზე და იმაზე, თუ როგორ იცვლებიან ადამიანები. ნუ იფიქრებთ, რომ ეს უბრალო, გაცვეთილი სასიყვარულო მელოდრამაა ორი შეყვარებული ადამიანის რთულ ურთიერთობებზე, ფილმი გაცილებით ღრმა და ფსიქოლოგიურია, რომელიც საფიქრალს აუცილებლად გაგიჩენთ (თანაც ძალიან ბევრს).

ანონიმური რომანტიკოსები (2011)

როგორ უნდა იცხოვრონ მორცხვმა ადამიანებმა სამყაროში, რომელშიც ფასდება თავხედობა, მიზანსწრაფვა და სიჩქარე? შეიძლება მთელი ცხოვრება იყოთ ორმხრივად შეყვარებული, მაგრამ არასდროს გაეხსნათ ერთმანეთს. ეს ფილმი სწორედ ასეთ ადამიანებზეა, რომლებიც ჩაფლულები არიან თავიანთ შიშში. მათ დიდი ძალისხმევა სჭირდებათ იმისთვის, რომ უბრალოდ გაიარონ მაღაზიაში, ან მიესალმონ ნაცნობებს.

სიყვარულით ჩემგან შენ (2010)

ფრანგული კინემატოგრაფიის და სოფი მარსოს შარმი, საინტერესო მსჯელობა მარადიულობაზე და ყველაფერ მნიშვნელოვანზე, უბრალო ჭეშმარიტებები და რწმენა იმისა, რომ არასდროს არის გვიანი გამოასწოროთ ყველაფერი. იშვიათად თუ ვუფიქრდებით იმას, რომ ყველაზე ძლიერი სიყვარული, რეალურად, ჩვენივე თავს უკავშირდება. ფილმი კარგად გადმოგვცემს, რომ საკუთარი თავის დაკარგვა ეს მხოლოდ და მხოლოდ წარსულზე უარის თქმის შედეგია.

მისტერ არავინ (2009)

დიახ, ჟაკო ვან დორმელის ეს საკულტო ფილმიც ფრანგული მელოდრამაა, უბრალოდ ფანტასტიკის ელემენტებითა და ცოტა ჩახლართული სიუჟეტით. ასეთ ფილმებს იშვიათად იღებენ და ალბათ, სწორედ ამიტომ არის ის ასეთი ღირებული. თავად იდეა საკმაოდ ორიგინალურია – ყველაფერი შესაძლებელია, სანამ გადაწყვეტილებას არ მიიღებ. სიუჟეტური ხაზები საკმაოდ რთულია და ერთმანეთში ოსტატურად იკვეთება. ასევე უნდა აღინიშნოს პერსონაჟების მრავალფეროვნებაც. თუ ჯერ კიდევ არ გინახავთ ეს ფილმი, აუცილებლად უყურეთ, უკმაყოფილო ნამდვილად არ დარჩებით.