10 ფსიქოლოგიური თრილერი, რომელიც ერთხელ მაინც უნდა ნახოთ

nugo July 11, 2021

რთულია კარგი თრილერის მოძებნა, მარტივია მისი გამოტოვება და შეუძლებელია მისი დავიწყება. დღევანდელ კოლექციაში თავი მოვუყარეთ ჰოლივუდურ, ევროპულ და აზიურ ფილმებს. თითოეულ მათგანს თავისი კოზირი აქვს: ზოგიერთში მეტი დრამაა და ნაკლები ექშენი, ზოგში – პირიქით, ზოგი შეიძლება ზედმეტად პროვოკაციული მოგეჩვენოთ, ზოგი სასტიკი, მაგრამ ამ ყველა ფილმს ერთი საერთო აქვს – ისინი აუცილებლად იმოქმედებენ თქვენს ნერვებზე და დაამსხვრევენ შაბლონებს.

 

ტერმინალი (2018)

დღევანდელ კოლექციას ნუარული თრილერით ვიწყებთ, რომელმაც არაერთაზროვანი შთაბეჭდილება დატოვა მაყურებელზე. ნაწილს ფილმი შეიძლება ბანალური მოეჩვენოს, ნაწილს – სასტიკი, მაგრამ აქვს ამ ფილმს თავისი ღირსეული მხარე, რომელსაც ვერ წავართმევთ – არაჩვეულებრივი სამსახიობო შესრულება, სტილი და საინტერესოდ ჩახლართული ისტორია.

ჩრდილების სავანე (2017)

ბოლო დროს მისტიკური ფილმები იშვიათად გვაძლევენ გაოცების საბაბს, მაგრამ მხოლოდ იმ შემთხვევაში, თუ არ ვსაუბრობთ ესპანურ თრილერზე. ფსიქოლოგიური თრილერი მისტიკისა და საშინელებათა ჟანრების ელემენტებით, რომლის სიუჟეტური განვითარება ნებისმიერ მაყურებელს გააოგნებს.

მოჩვენების ისტორიები (2018)

მართალია, ეს ფილმი საშინელებათა ჟანრს მიაწერეს, მაგრამ ის მაყურებელს უფრო ჩააფიქრებს, ვიდრე შეაშინებს, ამიტომ, ვფიქრობთ, რომ იმსახურებს ადგილს დღევანდელ ჩამონათვალში. ფილმი გადაღებულია ბრიტანული კინოს საუკეთესო ტრადიციებით, აქვს სიუჟეტის მოულოდნელი განვითარებები და შთამბეჭდავი ფინალი. ფილმის ყურების შემდეგ გარკვეული დროც შეიძლება დაგჭირდეთ იმისთვის, რომ რეალობას დაუბრუნდეთ.

ბუნკერი (2011)

კიდევ ერთი ესპანური თრილერი, რომელიც აუცილებლად დაგამახსოვრებთ თავს. სახლი, რომელშიც გამუდმებით რაღაც უცნაური და გაურკვეველი ხდება. სიუჟეტის განვითარებასთან ერთად მაყურებელს გამუდმებით ახალი კითხვები და ვერსიები გაუჩნდება. ფილმი მთავარი მახასიათებელი მისი სიმარტივეა, მაგრამ არაჩვეულებრივი იდეით და, რა თქმა უნდა, მოულოდნელი ფინალით.

მოსამსახურე (2016)

სამხრეთ კორეული ფილმი შესანიშნავად აბალანსებს რომანტიკულ ისტორიას და თრილერს. ზოგადად, კორეულ ფილმებს თავისი მაყურებელი ჰყავს, მაგრამ “მოსამსახურე” არის ფილმი, რომლის ყურებისგან სიამოვნებას არა მარტო აზიური კინოს მოყვარულები მიიღებენ. მაში არის დრამა, კომედია, ვნება და სიძულვილი, ტკივილი და სიამოვნება.

ელიზა გრეივსი (2014)

ბრედ ანდერსონის ფილმი, რომელიც ედგარ ალან პოს მოთხრობის მიხედვით არის გადაღებული, მაყურებელს ორგინალური ჩანაფიქრით აინტრიგებს. სიუჟეტი ახალგაზრდა ექიმის ირგვლივ ვითარდება, რომელიც ლონდონიდან ფსიქიატრიულ კლინიკაში ჩადის. მოულოდნელი ფინალის შემდეგ ემოციები აცუილებლად გაგყვებათ და დიდი ალბათობით, კიდევ მოგინდებათ, რომ ამ ფილმს მიუბრუნდეთ.

ბავშვთა სახლი (2007)

დღევანდელ კოლექციაში ყველაზე ძველი ფილმი, რომელიც არაფრით ჩამოუვარდება თანამედროვე ნამუშევრებს, “ბავშვთა სახლი” მოეწონება ყველა მისტიკის ელემენტებით გაჯერებული თრილერის მოყვარულს. სევდიანი ისტორია, რა თქმა უნდა, მოულოდნელი  დასასრულით – ეს ფილმი დიდი ხნით დაგამახსოვრებთ თავს.

ურჩხული (2018)

არაჩვეულებრივი ბრიტანული ზღაპარი ზრდასრულებისთვის. ძალიან ლამაზი, მაგრამ მძიმე ფილმი გროტესკული ელემენტებით. ფილმი, რომელშიც შერეულია ჟანრები და აქვს არაერთგავროვანი გზავნილები. ზოგს შეიძლება ფილმი ზედმეტად რომანტიკული მოეჩვენოს, მიუხედავად ფილმში განვითარებული მოვლენებისა, მაგრამ ეს ფილმის დადებით მხარედაც შეიძლება ჩაითვალოს.

შეხვედრის ადგილი (2017)

ეს ფილმი სასტიკი და ლმობიერია ერთდროულად, ის ბევრ დარტყმას აყენებს შაბლონურ აზროვნებას და საინტეროსოდ ავითარევს სიუჟეტს და ამატებს ახალ დეტალს. არავითარი მკვლელობა, სპეცეფექტები, ძვირადღირებული დეკორაცია, მხოლოდ ორიგინალური იდეა, კარგად მოფიქრებული სიუჟეტი და შესანიშნავი დიალოგები.

ლიზი (2018)

ფილმი, რომელიც დასაწყისში ტიპური ბრიტანული ფილმის შთაბეჭდილებას ტოვებს, მაგრამ წინ გელოდებათ ისტორია, რომელიც ლეგენდის მიხედვით არის გადაღებული. ერთ-ერთი ყველაზე გახმაურებული სასამართლო პროცესი, რომელიც დღემდე იწვევს კამათს. მძიმე, სასტიკი, დაძაბული და პროვოკაციული ფილმი. რეჟისორმა საკმაოდ მოკლე დროში მოახერხა საინტერესო ისტორიის გადმოცემა.