ქვემოთ ჩამოთვლილი ყველა ფილმი მოჩვენებებზეა და ყველა მათგანი ისეთია, კანკალს დაგაწყებინებთ. ასე რომ, თუ მზად ხართ მძაფრი ემოციებისთვის, მაშინ გთავაზობთ 10 ყველაზე საშიშ ფილმს მოჩვენებებზე:
გრეისი ჩაბნელებულ სახლში ცხოვრობს თავისი ორი პატარა შვილის გამო, რომელთაც უჩვეულო მგრძნობელობა აქვთ დღის შუქზე. მალე უცნაური მოვლენები იწყება და ოჯახს ეჭვი უჩნდება, რომ სახლში მოჩვენებები ცხოვრობენ. თუმცა, სინამდვილე გაცილებით საშიშია, ფინალი კი – ერთ-ერთი საუკეთესო ტვისტი კინოში.
ლაურა უნარშეზღუდულ ბავშვთა სახლში გაიზარდა. 30 წლის შემდეგ ის თავის ოჯახთან ერთად ბრუნდება ამ სახლში. უჩვეულო მოვლენები კი მას შემდეგ იწყება, რაც მისი პატარა შვილი ურთიერთობას იწყებს ახალ, უხილავ მეგობართან…
ახალგაზრდა ჟურნალისტი ქალი ცდილობს, დაადგინოს საიდუმლო ვიდეოფირის წარმომავლობა, რომლის ყველა მნახველიც ერთ კვირაში კვდება. მას წარმოდგენაც არ აქვს, რაოდენ საშიშ ამბავში გაჰყო თავი.
ახალგაზრდა არქიტეტორს, რომელიც უზარმაზარ სახლში მარტო ცხოვრობს, გვიან ღამით კარზე უკაკუნებენ. კარს იქით უცნობი მამაკაცი დგას, რომელიც სთხოვს, ტელეფონზე დაარეკინოს. მასპინძელი სამზარეულოში გადის და როცა უკან ბრუნდება, სტუმარი აღარ ხვდება. ის ეჭვობს, რომ უცნობი არსად წასულა და სადღაც სახლში იმალება…
ოჯახი უჩვეულო მოვლენების მომსწრე ხდება, რომელსაც მათ სახლში აქვს ადგილი და თითოეული მათგანისთვის საშინელ განსაცდელად იქცევა… პოლტერგეისტი ერთ-ერთი ყველაზე გახმაურებული საშინელებათა ფილმია, რომლის ყოველი მომდევნო სცენა უფრო და უფრო გვაშინებს.
ახალგაზრდა ჟურნალისტი გადაწყვეტს, გამოიძიოს ლეგენდა ამოუცნობ სერიულ მკვლელზე, რომელიც პარალელურ სამყაროში ცხოვრობს და ადამიანებს კაუჭის ფორმის ხელის პროთეზით კლავს. ცოტა ხანში ის ხვდება, რომ საკუთარი სიცოცხლე რისკის ქვეშ დააყენა.
პარანორმალური მოვლენების ორი მკვლევარი ცდილობს, დაეხმაროს ოჯახს, რომელიც მუდმივად ტერორის ქვეშაა მათ სახლში განვითარებული უჩვეულო და საზარელი მოვლენების გამო. წყევლა, რომელსაც გაგრძელებაც მოჰყვა, უდაოდ ერთ-ერთი ყველაზე საშიში ფილმია მოჩვენებებზე.
ფსიქოლოგი ცდილობს, დაეხმაროს ბიჭს, რომელიც მოჩვენებებს ხედავს. თუმცა, რაღაც დროის შემდეგ ხვდება, რომ ბიჭი მართლაც ხედავს გარდაცვლილთა სულებს…
ყველაფერი ხუმრობით დაიწყო, როცა ის ჰიპნოზის გაკეთებას დათანხმდა. მერე კი, მოულოდნელად მისტიკური, საშიში მოჩვენება გამოჩნდა, რომელსაც ყველგან ხედავს და ამ ხილვებს ჭკუიდან გადაჰყავს.
მათი პატარა გოგონას ტრაგიკული გარდაცვალებიდან 12 წლის შემდეგ, თოჯინების შემქმნელი და მისი ცოლი სახლში უშვებენ მონაზონსა და ექვს ობოლ გოგონას. სტუმრებს წარმოდგენაც არ აქვთ, რომ ბოროტი სათამაშოს – ანაბელის სამიზნეები გახდნენ…