10 ყველაზე შოკისმომგვრელი ფილმი საზოგადოებაზე

nugo July 11, 2021

ქვემოთ ჩამოთვლილი ფილმები თანამედროვე საზოგადოების სისუსტეებსა და მანკიერ მხარეებს ასახავს, აკრიტიკებს სოციალურ მოდელს და არანაირ დათმობებზე არ მიდის. ესაა 10 ყველაზე შოკისმომგვრელი ფილმი საზოგადოებაზე:

ამერიკული ისტორია X (1998)

ამერიკული ისტორია

ყოფილი სკინჰედი, რომელიც მკვლელობისთვის ციხეში მოხვდა, აანალიზებს, რამხელა გავლენა იქონია მისმა ქმედებებმა მისი ოჯახის წევრებზე. ციხის დატოვების შემდეგ ის ცდილობს, დაიცვას საკუთარი ძმა ძალადობისგან, თუმცა საზოგადოებაში გაბატონებული სტერეოტიპების გამო ეს ადვილი არ არის.

ბედნიერება (1998)

ბედნიერება

ფილმში ჩვენ ვუყურებთ ერთმანეთისგან განსხვავებულ ადამიანებს, რომლებიც ბედნიერების ძიებაში არიან. თუმცა, ისინი უბედურები არიან და რთულ სიტუაციებში სოციალური ღირებულებების უარყოფამდე მიდიან.

ლობსტერი (2015)

ლობსტერი

იორგოს ლანთიმოსის სურათი მართლაც შოკისმომგვრელი აღმოჩნდა. ესაა დისტოპია მომავლის საზოგადოებაზე, სადაც მარტოხელა ადამიანებს 45 დღე აქვთ პარტნიორის საპოვნელად. წინააღმდეგ შემთხვევაში, ისინი მათ მიერვე არჩეულ ცხოველად იქცევიან.

ქსელი (1976)

ქსელი

ძველი, გამოცდილი სატელევიზიო წამყვანი, ნერვული მდგომარეობის გამწვავების შემდეგ, ღიად იწყებს საუბარს მედიაზე, სოციალურ ღობეებზე, საზოგადოების სიმახინჯეზე… და ის ნამდვილი ვარსკვლავი ხდება.

ამერიკული სილამაზე (1999)

ამერიკული სილამაზე

სემ მენდესის ფილმმა დიდი გამოხმაურება გამოიწვია, რადგან ნათლად აჩვენა ამერიკული სილამაზე – ამერიკული საშუალო კლასის ყალბი ცხოვრება. ფილმის მთავარი გმირიც სწორედ ამ სიყალბეს უპირისპირდება და მოჩვენებითი სილამაზის მიღმა რეალური ბედნიერების პოვნას ცდილობს.

თეთრი ბაფთა (2009)

თეთრი ბაფთა

მეოცე საუკუნის დასაწყისი. პატარა გერმანული სოფელი – პატარა სოციუმი, რომელიც უჩვეულო და საზარელ რიტუალურ დასჯას მიმართავს. მიხაელ ჰანეკეს ფილმი ნათლად გვიჩვენებს, თუ როგორ შეიძლება გავრცელდეს ერთი ადამიანის ბოროტება კოლექტივზე.

451 ფარენჰაიტით (1966)

451 ფარენჰაიტით

რეი ბრედბერის ცნობილი რომანის ეკრანიზაციაში ვუყურებთ დისტოპიურ მომავალს, სადაც წიგნების ქონა და წაკითხვა კანონით ისჯება. სპეციალური ჯგუფები წიგნებს წვავენ. თუმცა, საზოგადოების ზოგიერთ წევრს კითხვები უჩნდება დადგენილ კანონთან მიმართებით…

V ნიშნავს ვენდეტას (2005)

ვენდეტა

მომავლის დაუნდობელ და ტირანულ სამყაროში ჩვენ მივყვებით დისიდენტის ბრძოლას თავისუფლებისა და უკეთესი ცხოვრებისთვის. ფილმი ნათლად გვიჩვენებს, რომ დესტრუქციული სოციალური ღირებულებები დესტრუქციულ საზოგადოებას ქმნის.

კაცობრიობის პირმშო (2006)

კაცობრიობის პირმშო

2027 წელი. სამყარო განადგურების პირასაა კლიმატის ცვლილებების, დაბინძურებისა და ბირთვული ნარჩენების გამო. საზოგადოება გახლეჩილია. ყველგან ტერორიზმის საფრთხე არსებობს. ხოლო კიი ბოლო 18 წელიწადში პირველი ქალია, რომელიც დაორსულდა… ალფონსო კუარონის კაცობრიობის პირმშო კრიტიკოსების მიერ ერთ-ერთი ყველაზე დაფასებული სურათია.

მებრძოლთა კლუბი (1999)

მებრძოლთა კლუბი

ჩაკ პალანიკის რომანის ეკრანიზაციამ ფაქტობრივად სარკეში ჩაახედა საზოგადოება. აჩვენა მთელი ის უაზრობა და სიყალბე, რაშიც თანამედროვე ადამიანი ცხოვრობს. ასევე, გზები, თუ როგორ და რატომ ანიჭებს ადამიანი აზრს იმას, რასაც რეალურად საერთოდ არ აქვს მნიშვნელობა.