კრიმინალური დრამა, სასპენსი, სათავგადასავლო, კომედია… ქვემოთ ჩამოთვლილი ფილმები სხვადასხვა ჟანრსა და პერიოდს მიეკუთვნება, თუმცა ყველა მათგანი სიხარბის იმ ტრაგიკულ ასპექტებზე საუბრობს, რომლებიც ყოველთვის მძიმე შედეგების სახით დგება. ესაა 10 შესანიშნავი ფილმი ფულსა და სიხარბეზე:
საყვარლები მაფიისთვის ფულის მოპარვას გეგმავენ, მაგრამ გეგმა ფლავდება და ორივე მათგანი თავის გადარჩენას ცდილობს; ცდილობს, საკუთარი სიხარბის შედეგს გაექცეს.
ბანკის თანამშრომელი, რომელიც თამაშზეა დამოკიდებული და ყოველ ღამეს კაზინოში ატარებს, ფულის მოგების გეგმას შეიმუშავებს და ამ გეგმის განსახორციელებლად სამსახურიდან ფულს მოიპარავს…
ნავთობმაგნატი მიზნისკენ სწრაფვის პროცესში ადამიანურ სახეს კარგავს. პოლ ტომას ანდერსონის გენიალური ფილმი აღწერს ადამიანის სრულ დაცემას, სისასტიკეს, შეშლილობას, რაც სიხარბისა და ძალაუფლების დაუოკებელი წყურვილის შედეგია.
სამი მამაკაცი ტყეში ჩამოვარდნილ თვითმფრინავში მილიონებს იპოვნის. იმისთვის, რომ ეჭვი არ აღძრან, ისინი ფულის შენახვის კონკრეტულ გეგმას შეიმუშავებენ. თუმცა, სიხარბე სძლევთ და მათი სიცოცხლე რისკის ქვეშ დგება.
კაზინოს მფლობელი თაღლითს სიცოცხლეს შეუნარჩუნებს და აძლევს შესაძლებლობას, კაზინოს მენეჯერად იმუშავოს. მათი მეგობრობის მიუხედავად, ქერათმიანი ქალბატონის გამოჩენა ტრაგიკულ სასიყვარულო სამკუთხედს ქმნის…
კარიერაში წარმატების მიღწევისა და გამდიდრების სურვილით შეპყრობილი ახალგაზრდა ბროკერი მიზნის მისაღწევად არაკეთილსინდისიერ გზებს მიმართავს. ფილმი ნათლად გვიჩვენებს, თუ როგორ პათოლოგიურ მდგომარეობამდე მიჰყავს ადამიანი ძალაუფლების წყურვილს.
ფილმი ორი მეგობრის – კაზინოს მენეჯერისა და მაფიის წევრის ისტორიას გვიყვება და ასახავს იმ დესტრუქციულ კომპონენტებს, რომლისგანაც მათი ცხოვრება და მათი სამყარო შედგება.
სამი მეგობარი მექსიკელი მოხუცისგან სიერა მადრეში ოქროს სავარაუდო ადგილსამყოფელის შესახებ გაიგებს და სახიფათო მოგზაურობას შეუდგება. ჩვენ ვხედავთ, თუ როგორ უბნელებს გონებას ფული ადამიანს და რა საშინელებების ჩადენა შეუძლია მას ოქროსთვის.
წარუმატებელი ახალგაზრდა მწერალი კაზინოში კრუპიედ იწყებს მუშაობას. იქაური გარემო მასზე უარყოფით გავლენას ახდენს და ყველაფერს ავიწყებს – სამსახურს, პირად ცხოვრებას… ის თამაშზე დამოკიდებული ხდება.
სამხრეთელი პროფესორი კაზინოს ძარცვის გეგმას შეიმუშავებს და ამ საქმისთვის რამდენიმე ადამიანს შეკრებს. ის შავკანიანი მოხუცი ქალბატონის სახლში ოთახს ქირაობს. დამნაშავეები მიზანთან უკვე ახლოს არიან, როდესაც გაუთვალისწინებელი შემთხვევა სიტუაციას რადიკალურად ცვლის. კომედიური ჟანრის მიუხედავად, ფილმი შესანიშნავად აღწერს იმ მავნე მისწრაფებას, რასაც სიხარბე ჰქვია.