10 შესანიშნავი ფილმი შვებულების დღეებისთვოს

ალბათ, ბევრი თქვენგანი შვებულებისთვის ემზადება. მოგზაურობა, საინტერესო და მოულოდნელი თავგადასავლები, სხვადასხვა ცხოვრებისეული სიტუაციები – სწორედ ეს თემები დაგხვდებათ ქვემოთ ჩამოთვლილ 10 შესანიშნავ ფილმში, რომელიც შვებულების დროს უნდა ნახოთ:

დიდებული გასეირნება (1988)

კაცი შვებულების გატარებას ოჯახთან ერთად, სიმშვიდესა და ბუნებაში გეგმავს. თუმცა, მისი სიძის მოულოდნელი გამოჩენა გეგმებს უშლის და ეს შვებულება მისთვის მართლაც რომ დაუვიწყარი გახდება.

ფერის ბიულერი ისვენებს (1986)

ფერის ბიულერი სკოლაში ერთ-დღიან დასვენებას იღებს და მშობლებს ატყუებს, რომ ავადაა. მას დიდი გეგმები აქვს ჩაფიქრებული. თუმცა, მოზარდის ტყუილებს ნაჩვევი სკოლის დირექტორი მისი გეგმების ჩაშლას აპირებს.

სიყვარული წესების გარეშე (2003)

შუახნის მამაკაცი, რომელსაც ახალგაზრდა გოგონები იზიდავს, ზაფხულს სანაპიროზე ატარებს მორიგ საყვარელთან ერთად. მერე კი დედამისს გაიცნობს და სასიყვარულო სამკუთხედიც იკვრება…

საუკეთესო მსროლელი (1986)

სიუჟეტის ცენტრში სამხედრო პილოტია, რომელიც წარსულის მოჩვენებებს ებრძვის. ბრწყინვალე სამსახიობო გუნდი, დაუვიწყარი საუნდტრეკები და ჩამთრევი ისტორია – საუკეთესო მსროლელი აუცილებლად მოახდენს თქვენზე შთაბეჭდილებას.

ეროვნული არდადეგები (1983)

ენთუზიაზმით აღსავსე მამის სურვილით, ოჯახი გასართობ პარკში, შვებულების ბედნიერად გატარებას გეგმავს. თუმცა, სიტუაცია ირევა და ეს უჩვეულო ოჯახი უამრავი პრობლემის წინაშე აღმოჩნდება.

გოლფის კლუბი (1980)

გოლფის კლუბის წევრთა ყოველდღიურობა, განსხვავებული პერსონაჟების რუტინა. კლუბის ახალი წევრის გამოჩენას სიახლეები მოაქვს, რაც ძალიან, ძალიან ბევრს გაცინებთ.

ვიქენდი ბერნისთან (1989)

ორი ახალგაზრდა მეგობარი შემთხვევით სამსახურში ფინანსურ დარღვევას აღმოაჩენს და ამის შესახებ უფროსს შეატყობინებს. უფროსი კი მათ უიქენდზე თავის სანაპიროს სახლში პატიჟებს. მთავარ გმირებს ეჭვადაც კი არ აქვთ, რომ მოკვლას უპირებენ.

კარგი წელიწადი (2006)

ფილმის მთავარი გმირი ბიძისგან მემკვიდრეობით პროვანსში მდებარე სახლს იღებს, რომელსაც მისი ბავშვობის მოგონებები უკავშირდება. ის მამულის გაყიდვას გადაწყვეტს და მის მოსაწესრიგებლად პროვანსში მიემგზავრება. თუმცა, ბავშვობის ადგილზე დაბრუნება რადიკალურად ცვლის მის ცხოვრებას.

ტამარა დრიუ (2010)

ტამარა, რომელიც ადრე შეუხედავი გოგო იყო, მშობლიურ სოფელში ბრუნდება, ოღონდ სხვანაირი – საოცრად მიმზიდველი და სექსუალური. მისი გამოჩენა სრულიად არღვევს იქაურობის სიმშვიდეს და ყველაფერს თავდაყირა აყენებს.

ყბები (1975)

უზარმაზარი თეთრი ზვიგენი სანაპიროს ატერორებს და დამსვენებლებს თავს ესხმის. ადგილობრივი შერიფი და კიდევ რამდენიმე ადამიანი მის მოკვლას გადაწყვეტს, რაც საშინლად რთული საქმეა.