10 შესანიშნავი ფილმი შურისძიებაზე

nugo July 11, 2021

სხვადასხვა ჟანრი და დეკადა, დადებითი თუ უარყოფითი მხარეები… ქვემოთ ჩამოთვლილი ფილმები ერთი თემის გარშემო ტრიალებს. ესაა 10 შესანიშნავი ფილმი შურისძიებაზე:

დაცემა (1993)

დაცემა

შუახნის მამაკაცი, აშკარა მიზეზის გარეშე, დესტრუქციული ქმედებების ჩადენას იწყებს და ხელისუფლების სამიზნე ხდება. სინამდვილეში კი ის საკუთარი მეთოდებით ებრძვის სოციუმში გამეფებულ მანკიერებებს.

ოლდბოი (2003)

ოლდბოი

სასტიკი შურსძიების ისტორია. მთავარი გმირი 15-წლიან პატიმრობას იხდის სასჯელისთვის, რომელზეც წარმოდგენაც არ აქვს. არც ის იცის, ვინ დგას ამ შურისძიების უკან. გაქცევის შემდეგ კი ყველაფერი ირკვევა და კიდევ უფრო შემაძრწუნებელი ხდება.

შიშის კონცხი (1991)

შიშის კონცხი

ციხიდან ახლახანს გამოსული მთავარი გმირი ფსიქოპათი და მოძალადეა, რომელიც ხშირად იმეორებს ციტატებს ბიბლიიდან. ის შურისძიებას გეგმავს ადვოკატზე, რომელიც მის დაპატიმრებაზეა პასუხისმგებელი…

სიკვდილი და ქალწული (1994)

სიკვდილი და ქალწული

სრულიად დარწმუნებული იმაში, რომ მისი ქმრის სტუმარი სწორედ ის ადამიანია, ვინც წლების წინ აწამა, ქალი კაცს მძევლად იყვანს და სადისტურ ღამეს უწყობს აღიარების მისაღებად.

მოკალი ბილი (2003)

მოკალი ბილი

საკუთარი სისხლიანი ქორწილის შემდეგ, პატარძალი სასტიკ შურისძიებას გეგმავს, ადგენს მსხვერპლთა სიას და დიდ ნადირობას იწყებს. სიაში უკანასკნელი – ბილიაკვენტინ ტარანტინოს ეს სურათი ყველა დროის ერთ-ერთ საუკეთესო ფილმადაა მიჩნეული.

ველური ისტორიები (2014)

ველური ისტორიები

საუკეთესო უცხოენოვანი ფილმის კატეგორიაში ოსკარზე ნომინირებული ველური ისტორიები რამდენიმე დამოუკიდებელ ამბავს გვიყვება. ამ ამბებში სხვადასხვა გმირები და სიუჟეტებია, თუმცა ყველა მათგანი შურისძიებაზეა.

მე ვნახე ეშმაკი (2010)

მე ვნახე

სიუჟეტის ცენტრში იდუმალი სერიული მკვლელია, რომელიც ქალებს აუპატიურებს და კლავს, მის დაჭერას კი ვერავინ ახერხებს. თუმცა, როდესაც მისი მორიგი მსხვერპლი საიდუმლო აგენტის საყვარელი ადამიანი გახდება, მკვლელი აგენტის სამიზნედ იქცევა.

ღამის ცხოველები (2016)

ღამის ცხოველები

როდესაც ყოფილი ქმრის რომანის კითხვას იწყებს, ქალი თანდათან აანალიზებს, რომ ეს მათი ისტორიაა, მისი პიროვნების ბნელი და უარყოფითი მხარეები. მართალია, სხვა ფილმებისგან განსხვავდება, თუმცა ამ სურათში შურისძიება ფარული გზით და ემოციურ დონეზე ხდება.

ქალწულთა წყარო (1960)

ქალწულთა წყარო

შვედეთი. მე-14 საუკუნე. მშვენიერი, უმანკო გოგონას გაუპატიურებისა და მკვლელობის შემდეგ მკვლელები შემთხვევით გოგონას მშობლების სახლში მოხვდებიან. მათ წინ საზარელი შურისძიება ელით…

ქალბატონი შურისძიება (2005)

ქალბატონი შურისძიება

ქალს შეცდომით ჩასვამენ ციხეში და შვილს წაართმევენ. 13-წლიანი პატიმრობის შემდეგ ის ციხიდან სასტიკი შურისძიების გეგმით გამოდის და ამ გეგმის აღსრულებას იწყებს.