10 შთამბეჭდავი ფილმი რთული ურთიერთობების შესახებ

nugo July 11, 2021

დრამა, სასპენსი და ჰორორი – ქვემოთ ჩამოთვლილი ფილმები სხვადასხვა ჟანრს განეკუთვნება, თუმცა, ერთი საერთო აქვს: 10-ვე მათგანი რთულ, ზოგჯერ გაუგებარ, ზოგჯერ კი – შეურაცხმყოფელ ურთიერთობებზე მოგვითხრობს.

იისფერი (1985)

იისფერი

მეოცე საუკუნის დასაწყისის ამერიკა და სელი ჯონსონი – ფსიქიკური პრობლემების მქონე შავკანიანი ქალი, რომელიც მუდმივი ძალადობისა და სისასტიკის მსხვერპლია. თუმცა, ყველაზე რთული ურთიერთობა მის ცხოვრებას ცვლის.

ლურჯი ხავერდი (1986)

ლურჯი ხავერდი

ახალგაზრდა კაცი შეპყრობილი ხდება ბარის მომღერლით, რომელიც კრიმინალური ბანდის ფსიქოპათი მეთაურის მსხვერპლია. დევიდ ლინჩის ეს სურათი ძალადობრივ, შეურაცხმყოფელ ურთიერთობებს ასახავს.

ალესილი დანა (1996)

ალესილი დანა

კაცს, რომელიც დედისა და მისი საყვარლის მკვლელობის გამო, 12 წლის ასაკიდან ფსიქიატრიულ კლინიკაში იმყოფებოდა, უშვებენ. ის უმეგობრდება პატარა ბიჭს, რომელსაც საშინელი ოჯახი ჰყავს…

ამერიკული აფერა (2013)

ამერიკული აფერა

ფილმი თაღლითზე და მის პარტნიორზე, რომლებიც FBI-სთან თანამშრომლობენ სხვა თაღლითების გამოსაჭერად. შესანიშნავი სცენარი, საუნდტრეკები, სამსახიობო შესრულება, მთავარი გმირების ურთიერთობა კი – საკმაოდ გაუგებარი.

ნათება (1980)

ნათება

სტივენ კინგის რომანის კუბრიკისეული ეკრანიზაცია. კაცი ზამთრის პერიოდში სამუშაოს თანხმდება სასტუმროში, რომელიც გარესამყაროსგან იზოლირებულია. ის იქ ცოლთან და შვილთან ერთად მიდის. თუმცა, ის, რაც შესანიშნავ შესაძლებლობად ჩანდა, ნამდვილ კოშმარად იქცევა.

რა დაემართა ჯეინს? (1962)

რა დაემართა ჯეინს?

ჯეინი – ბავშვობიდან წარმატებული მსახიობი ცხოვრობს თავის უნარშეზღუდულ დასთან ერთად, რომელიც ასევე მსახიობია და ბოლო ხანებში – უფრო წარმატებული, ვიდრე ჯეინი, რასაც ყოფილი ვარსკვლავი ვერაფრით ეგუება და სიგიჟემდე მიდის.

საწოლში მტერთან (1991)

საწოლში მტერთან

ქმრის გამუდმებული შეურაცხყოფისგან სიგიჟის ზღვრამდე მისული ქალი გადაწყვეტს, სიკვდილი გაითამაშოს. ის სხვა ქალაქში გადადის და ახალ ცხოვრებას იწყებს, ახალ ადამიანებთან შეხვედრით, ახალი სასიყვარულო ურთიერთობით. სამწუხაროდ, მისი ბედნიერების დღეები დათვლილია…

მიზანში (1986)

მიზანში

ფილმი, რომელიც ნამდვილ ამბავს ეფუძნება, კრიმინალური ოჯახის ისტორიას და მათ მიერ ჩადენილ დანაშაულებს ასახავს და ნათლად გვიჩვენებს, თუ რაოდენ დესტრუქციულია ოჯახის თითოეული წევრის ურთიერთობები.

ვის ეშინია ვირჯინია ვულფის? (1966)

ვის ეშინია ვირჯინია ვულფის?

ემოციურად გაუწონასწორებელი მარტას როლმა ელიზაბეტ ტეილორს მეორე ოსკარი და სრული აღიარება მოუტანა. ფილმი აღწერს ერთ ღამეს შუახნის წყვილის ცხოვრებიდან, რომელთაც ურთიერთობაში კრიზისი აქვთ.

ოთახი (2015)

ოთახი

ხუთი წლის ჯეკს, რომელმაც თავისი ხანმოკლე ცხოვრება ერთ ოთახში გაატარა, სჯერა, რომ მთელი სამყარო ეს ერთი ოთახია. მისთვის უმძიმესი აღმოჩნდება იმის გაგება, რომ ამ ოთახის გარეთ უზარმაზარი, რეალური სამყარო არსებობს, მისი და დედამისის ცხოვრება კი რთული და შეურაცხმყოფელი ურთიერთობის შედეგია.