10 ცნობილი სამეცნიერო-ფანტასტიკის ჟანრის წიგნის ეკრანიზაცია

Sci.Fi (Science Fiction) –  სამეცნიერო-ფანტასტიკა, ლიტერატურული ჟანრი, სადაც ავტორის ფუტურისტული წარმოსახვა ხშირ შემთხვევაში, დროში მოგზაურობას, პარალელურ სამყაროებს, კოსმოსში მოგზაურობასა და ჰიპერ განვითარებულ ტექნოლოგიებს გვთავაზობს. მაყურებელს შეუძლია ნახოს უამრავი ფილმი, რომელიც ხსენებული ჟანრის ლიტერატურულ ნაწარმოებს ეფუძვნება, თუმცა კინომატოგრაფიული ათეული, რომელსაც ჩვენ გთავაზობთ ლიტერატურულ წყაროს  მხატვრული ღირებულებებით არაფრით  ჩამოუვარდება, მეტიც, კონკრეტულ შემთხვევებში უკეთესიც კი გამოვიდა და შესაბამისად ზოგიერთი მათგანი უკვე ჟანრის კლასიკას წარმოადგენენ.

1. 2001:Space Odyssey

რეჟისორმა სტენლი კუბრიკმა და მწერალმა არტურ კლარკმა “კოსმოსურ ოდისეაზე” ერთობლივად იმუშავეს და კლარკის ამავე სახელწოდების წიგნი თითქმის ფილმთან ერთად გამოვიდა. ფილმის სიუჟეტი კლარკის რამდენიმე სხვადასხვა მოთხრობას ეფუძნება.

2. Blade Runner

რიდლი სკოტის საკულტო ფილმი ფილიპ კ. დიკის ცნობილი რომანის “ოცნებობენ ანდროიდები ელექტრონულ ცხვრებზე?” მიხედვითაა გადაღებული, თუმცა წიგნის სიუჟეტი შეცვლილია.

3. Clockwork Orange

კუბრიკისა და სამეცნიერო ფანტასტიკის კიდევ ერთი გენიალური შეხვედრა: ენტონი ბერჯესის ამავე სახელწოდების დისტოპიური რომანის ბრწყინვალე ეკრანიზაცია.

4. Cloud Atlas

ვაჩოვსკების მიერ 2012 წელს გადაღებული ფილმი, რომლის 6 სხვადასხვა ამბავი ძველი დროიდან პოსტაპოკალიფტურ მომავლამდე ვითარდება, დევიდ მიტჩელის ამავე სახელწოდების რომანის ეკრანიზაციაა.

5.Contact

რობერტ ზემეკისის ბრწყინვალე sci-fi ფილმი ჯოდი ფოსტერით მთავარ როლში, ასტროფიზიკოსისა და კოსმოლოგის, კარლ სეიგანის ცნობილი რომანის მიხედვითაა გადაღებული.

6. THE HITCHHIKER’S GUIDE TO THE GALAXY

იუმორისტული სამეცნიერო ფანტასტიკის კლასიკა. დაგლას ადამსის საკულტო ნაწარმოები, რომლის ყველანაირი ვერსია არსებობს: რადიო- და ტელესერიალი, წიგნები, სრულმეტრაჟიანი ფილმი, კომპიუტერული თამაში… 1980-იან წლებში BBC-ის ტელეეთერში გასული ამავე სახელწოდების სერიალის სცენარისტი თავად წიგნის ავტორი გახლდათ, 2005 წელს გამოსული ფილმის რეჟისორი კი გარეთ ჯენინგსია.

7. I Am Legend

1954 წელს გამოქვეყნებული რიჩარდ მეთისონის რომანი ფილმად ფრენსის ლოურენსმა 2007 წელს აქცია. პოსტაპოკალიფსური სიუჟეტის ნაწარმოები დედამიწაზე ბოლო ადამიანის თავგადასავალია.

8. Solaris

პოლონელი მწერლის, ნიჭიერი სამეცნიერო ფანტასტისა და ფუტუროლოგის, სტანისლავ ლემის 1961 წლის რომან “სოლარისის” გენიალური ადაპტაცია და ეკრანიზაცია დიდ რუს რეჟისორ ანდრეი ტარკოვსკის ეკუთვნის. სამეცნიერო ფანტასტიკისა და მისტიკის გენიალური ნაზავი წარუშლელ შთაბეჭდილებას ახდენს როგორც მკითხველზე, ასე კინომოყვარულებზე.

9. Planet Of The Apes

პიერ ბულის ცნობილი წიგნის რამდენიმე ეკრანიზაცია არსებობს, თუმცა ტიმ ბარტონის მიერ 2001 წელს გადაღებულმა ფილმმა განსაკუთრებული პოპულარობა მოიპოვა.

10. Martian

ენდი უირის მიერ 2011 წელს დაწერილი პოპულარული რომანი საკულტო Sci-fi რეჟისორმა რიდლი სკოტმა ფილმად მალევე, 4 წელიწადში გადაიღო. მარსის მარტოსული მოახალშენეს ისტორია დადებითად შეაფასა სამეცნიერო ფანტასტიკის პრეტენზიულმა მკითხველმა და მაყურებელმა.

 

11. The Hunger Games

სუზან კოლინსის შესანიშნავი ტრილოგია მალევე ბესტსელერი გახდა და შესაბაისად 2012-2015 წლებში სტუდია „Lionsgate“-მა არაჩვეულებრივი ფილმები გადაიღო, 16 წლის პროტოგონისტის, კეტნისის შესახებ, რომელიც აპოკალიოტურ სამყაროში „სამკვდრო-სასიცოცხლო“ ბრძოლაში იღებს მონაწილეობას.

12. Ender’s Game

კოსმოსი და მოზარდები, შესანიშნავი სინთეზია იმისათის რომ მოიზიდო კითხველი თუ მაყურებელი. წიგნი 1985 წელს ორსონ სკოტ კარდმა დაწერა, ხოლო ეკრანიზაცია სტუდია „Summit Entertainment“-მა, გევინ ჰუდის რეჟისურით 2013 წელს გადაიღო.