10 ცუდი ფილმი, რომელიც ბევრ ადამიანს უყვარს

nugo July 11, 2021

არსებობს ფილმები, რომლებიც ბევრი ასპექტის გამო ცუდი ნამუშევრებია, თუმცა, სხვადასხვა მიზეზით მათ მაინც ვუყურებთ. ესაა 10 ცუდი ფილმი, რომელიც ბევრ ადამიანს უყვარს:

ეის ვენტურა – შინაურ ცხოველთა დეტექტივი (1994)

ეის ვენტურა

ექსცენტრულ შინაურ ცხოველთა დეტექტივს მნიშვნელოვან საქმეს აბარებენ. გამოძიების პროცესში ის მუდმივად ექსტრემალურ სიტუაციებში ხვდება. მიუხედავად იმისა, რომ ცუდი ფილმია, ჯიმ კერის პერსონაჟი ხშირად გვაცინებს და მაყურებლის სიყვარულიც ამ ფაქტის დამსახურებაა.

პატარა ჯარისკაცები (1998)

პატარა ჯარისკაცები

სამეცნიერო ფანტასტიკის ჟანრის სურათი სათამაშოების ორი ჯგუფის კონფლიქტზე გვიყვება. აქ ისეთ გაზვიადებულ სცენებს ვხედავთ, რომ დღეს მხოლოდ გვეცინება. თუმცა, ფილმი დაუვიწყარია მათთვის, ვისი ბავშვობაც 1990-იან წლებს ემთხვევა.

ბაფი – ვამპირების გამანადგურებელი (1992)

ბაფი

წვეულებების მოყვარული თინეიჯერი გოგონა მოულოდნელად იგებს, რომ განსაკუთრებული უნარი და მისია აქვს – მას ვამპირების განადგურება შეუძლია… ეს ტიპური ცუდი ფილმია, რომელიც მაინც გვიყვარს.

დამოუკიდებლობის დღე (1996)

დამოუკიდებლობის დღე

დედამიწას უცხოპლანეტელთა ხომალდი უახლოვდება და შეტევას იწყებს მთავარ ქალაქებზე. მათთან ბრძოლის გეგმა 4 ივლისს, დამოუკიდებლობის დღეს იქმნება. სინამდვილეში ეს ერთ-ერთი ყველაზე ემბლემატური ფილმია, თუმცა, მისი სპეცეფექტები დღესაც კი აღტაცებას იწვევს მაყურებელში.

მიწისძვრა (1990)

მიწისძვრა

მიწის ქვეშ გიგანტური ჭიები ცხოვრობენ, რომლებიც პატარა ქალაქის დატერორებას იწყებენ. ფილმის მთავარი გმირები კი ქალაქის დასაცავად იბრძვიან. მიწისძვრა მხოლოდ ნოსტალგიური დამოკიდებულების გამო უყვარს მაყურებელს.

იდეალური ხმა (2012)

იდეალური ხმა

სიუჟეტის ცენტრში გოგონების ჯგუფია, რომელიც კაპელაში მოსახვედრად კონკურსში მონაწილეობს… ამ ფილმის პოპულარობა, სავარაუდოდ, თინეიჯერი აუდიტორიის დამსახურებაა.

ნინძა ბევერლი ჰილზიდან (1997)

ნინძა ბევერლი ჰილზიდან

მოუქნელი ნინძა ჰოლივუდელი ლამაზმანის დაცვას გადაწყვეტს და დიდ გაუგებრობაში ეხვევა. ეს აშკარად ცუდი კომედია ყოველთვის იწვევს სიცილს მაყურებელში, რაც მთავარი როლის შემსრულებლის, კრის ფარლის დამსახურებაა.

საშობაო საჩუქარი (1996)

საშობაო საჩუქარი

ფილმის მთავარი გმირი შვილს პირობას არ უსრულებს და დანაშაულის გამოსასყიდად ნაწყენ ბიჭს ახალ პირობას აძლევს: შობას საოცნებო სათამაშო აჩუქოს. შობის წინა დღეს აღმოჩნდება, რომ ყველა სათამაშო გაყიდულია და კაცი დაპირებულ საჩუქარს მთელს ქალაქში ეძებს. ფილმი, პირველ რიგში, სცენარის გამოა ცუდი, თუმცა საშობაო განწყობას ქმნის და ამიტომ ბევრს მოსწონს.

ლუსი (2014)

ლუსი

ტრაგიკული ინცინდენტის შემდეგ სექსუალური ქალი მუტაციას განიცდის – ახლა ის სრულად იყენებს ტვინის შესაძლებლობებს. ლამაზი სცენების მიუხედავად, სცენარს ბევრი პრობლემა აქვს.

მთელი ძალით (1987)

მთელი ძალით

სიუჟეტი ვითარდება სატვირთო მანქანის მძღოლის გარშემო, რომელიც მსოფლიო ჩემპიონატზე მონაწილეობას გადაწყვეტს თინეიჯერი შვილის ნდობის მოსაპოვებლად. კლიშეებით სავსე ფილმი ისევ და ისევ ნოსტალგიური განწყობის გამო უყვარს მაყურებელს.