10 ცხოვრებისეული გაკვეთილი 30 წლამდე კაცებისთვის – 10 ფილმი

nugo July 11, 2021

ქვემოთ ჩამოთვლილი 10 ფილმი სხვადასხვა ჟანრს მიეკუთვნება და 30 წლამდე მამაკაცებს მნიშვნელოვან ცხოვრებისეულ გაკვეთილებს მოგცემთ, რაც მოგვიანებით აუცილებლად გამოგადგებათ:

ცოფიანი ხარი (1980)

ცოფიანი ხარი

მარტინ სკორსეზესა და რობერტ დე ნიროს ბრწყინვალე ტანდემი – წარმატებული მოკრივეს ისტორია, რომელიც გასწავლით, რომ ავადმყოფური ეჭვიანობა ციხემდე მიგიყვანთ.

მკვდარი პოეტების საზოგადოება (1989)

მკვდარი პოეტების საზოგადოება

ყველა ადამიანს ცხოვრების გარკვეულ ეტაპზე მასწავლებლის როლის მორგება გვიწევს. ასე რომ, როცა ეს მომენტი დაგიდგებათ, კარგი იქნება, ჯონ ქითინგს თუ მიბაძავთ.

სამერის 500 დღე (2009)

სამერის 500 დღე

რომანტიკული ფილმი, რომელიც გაცილებით ახლოს დგას რეალობასთან, ვიდრე სხვა ყველა რომანტიკული ფილმი ბედნიერი დასასრულით. სასარგებლო გაკვეთილი იმის შესახებ, რომ როცა პირველად გულს გატკენენ, სიკვდილზე ფიქრი არ უნდა დაიწყოთ.

დედაშენიც აგრეთვე (2002)

დედაშენიც აგრეთვე

ორი ახალგაზრდა, თავგადასავლების მაძიებელი ბიჭი მოგზაურობას შეუდგება მათზე უფროს, გულგატეხილ ქალთად ერთად. თუ ვინმე მექსიკურ კინოზე დაგიწყებთ საუბარს, შეგეძლებათ ალფონსო კუარონის ეს ფილმი გაიხსენოთ. თანაც ფილმში სექსის სცენებია!

უითნეილი და მე (1987)

უითნეილი და მე

რიჩარდ ი. გრანტის ბრწყინვალე სამსახიობო ოსტატობა და ყველა დროის ერთ-ერთი ყველაზე სასაცილო ბრიტანული ფილმი. ფილმი, რომლის პერსონაჟთა ფრაზების ციტირებასაც დაიწყებთ, როცა დათვრებით, დანარჩენ დროს კი უბრალოდ იცინებთ.

თრუმენის შოუ (1998)

თრუმენის შოუ

შოკისმომგვრელი ფილმი ჯიმ კერის საოცარი შესრულებით, – შეფასებული, როგორც მეტაფილოსოფიის, სიმულირებული რეალობისა და ეგზისტენციალიზმის თეზისი.

ნუ მოკლავ ჯაფარას (1962)

ნუ მოკლავ ჯაფარას

ჰარპერ ლის ცნობილი რომანის ბრწყინვალე ეკრანიზაცია, რომელშიც მთავარ როლს გრეგორი პეკი ასრულებს. თუ გსურთ, საუკეთესო მამაკაცი დ საუკეთესო ადამიანი გახდეთ, მაშინ გახდით ატიკუს ფინჩი!

ნემსზე (1996)

ნემსზე

საკულტო ბრიტანული ფილმი – ნარკოდამოკიდებული მთავარი გმირებით, რომელიც სრულყოფილად აღწერს იმ დაავადებას, რომელსაც ნარკომანია ჰქვია. ნუ გახდებით დამოკიდებული, ღვთის გულისთვის!

სულელი, უაზრო სიყვარული (2011)

სულელი, უაზრო სიყვარული

სასაცილო და ჭკვიანური კომედია სექსის და ურთიერთობების შესახებ. თუ თქვენ შეძლებთ, მოიქცეთ ისე, როგორც რაიან გოსლინგი მესამე აქტის პირველ სცენებში, მაშინ არასდროს დარჩებით მარტო!

მოხუცების ადგილი აქ არ არის (2007)

მოხუცების ადგილი აქ არ არის

ძმები კოენების დაუვიწყარი სურათი, ფსიქოპათი სერიული მკვლელით, რომელიც გვასწავლის, რომ ზოგჯერ სჯობს, კმაყოფილები ვიყოთ იმით, რაც გვაქვს.