10 ძალიან, ძალიან სასაცილო ფილმი

nugo July 11, 2021

ქვემოთ ჩამოთვლილი ფილმები სხვადასხვა პერიოდს მიეკუთვნება და სხვადასხვა ისტორიას გვიყვება. თუმცა, ათივეს ერთი საერთო აქვს: მათი ყურებისას ძალიან, ძალიან ბევრს იცინებთ!

ტყუპები (1988)

ტყუპები

შუახნის კაცი მოულოდნელად იგებს, რომ ტყუპი ძმა ჰყავს, რომელიც სხვა ქალაქში ცხოვრობს. ის ძმასთან შესახვედრად მიემგზავრება და წარმოდგენა არ აქვს, რომ წინ კიდევ უფრო დიდი სიურპრიზები ელის…

პოლიციელი ბევერლი ჰილზიდან (1984)

პოლიციელი ბევერლი ჰილზიდან

მეგობრის მკვლელობის შემდეგ, დეტროიტელი პოლიციელი გადაწყვეტს, თავად გამოიძიოს ბევერლი ჰილზის საქმეები, მაგრამ არ იცის, რომ ბევერლი ჰილზი სრულიად განსხვავდება იმ ადგილისგან, საიდანაც მოვიდა.

ტროპიკული ქარიშხალი (2008)

ტროპიკული ქარიშხალი

აზიაში ჩასულ გადამღებ ჯგუფს, რომელიც ვიეტნამის ომის შესახებ იღებს ფილმს, ადგილობრივი ნარკომოვაჭრეები ესხმიან თავს, თუმცა, მათ ისინი მსახიობები ჰგონიათ, ეს თავდასხმა კი – გადაღების ნაწილი…

ძალიან ცუდი (2007)

ძალიან ცუდი

ორი მეგობარი სკოლას ამთავრებს და იმედებით აღსავსე ელის კოლეჯში შესვლას. მათ სურთ, ეს მნიშვნელოვანი ცვლილება დაუვიწყარ მომენტად აქციონ, თუმცა მოვლენები ისე არ ვითარდება, როგორც მათ სურთ…

გარეუბანი (1989)

გარეუბანი

გარეუბანში მცხოვრებ შუახნის კაცს და მის მეზობელს ეჭვი უჩნდებათ, რომ მათ ქუჩაზე გადმოსული ახალი ოჯახის წევრები მკვლელები და სატანური კულტის მიმდევრები არიან. მეზობლები გადაწყვეტენ, სიმართლე თავად დაადგინონ…

40 წლის ვაჟიშვილი (2005)

40 წლის ვაჟიშვილი

მას შემდეგ, რაც 40 წლის მამაკაცი თანამშრომლებთან აღიარებს, რომ ვაჟიშვილია, ისინი მის დახმარებას გადაწყვეტენ. თუმცა, სექსუალური პარტნიორის ძიებისას კაცს ბევრი დაბრკოლების გადალახვა მოუწევს.

მეჯვარეები (2011)

მეჯვარეები

კომიკური სიტუაციები, მეგობრის დაკარგვით გამოწვეული შიშები და ბრაზი, უპირატესობის მტკიცების სურვილი, ქალების მეტოქეობა და სიყვარული, რომელიც ზუსტად ისაა, რაც ბედნიერებისთვის გვჭირდება – ეს ყველაფერი მეჯვარეებში!

უიქენდი ბერნისთან (1989)

უიქენდი ბერნისთან

ორი ახალგაზრდა კაცი სამსახურში შემთხვევით დიდ ფინანსურ დარღვევას აღმოაჩენს, რის მერეც მათ უფროსი თავის სანაპიროს სახლში უიქენდზე პატიჟებს. კაცებს ეჭვადაც კი არ აქვთ, რომ მოკვლას უპირებენ…

მონსტრი (1994)

მონსტრი

ის თავისი ქმედებებით გაუცნობიერებლად აყენებს რისკის ქვეშ საკუთარ ცხოვრებას – ის ხომ პოლიციას სერიული მკვლელი ჰგონია! ფილმის რეჟისორი, სცენარის ავტორი და მთავარი როლის შემსრულებელი – რობერტო ბენინი გახლავთ.

ევროტური (2004)

ევროტური

და ბოლოს – 2000-იანების დასაწყისის ერთ-ერთი ყველაზე სასაცილო ფილმი ამერიკელი მეგობრების დაუჯერებელი თავგადასავლებით აღსავსე ევროტურზე, რომელიც ყველა მათგანის ცხოვრებას ცვლის.