11 თანამედროვე არაჰოლივუდური სერიალი, რომლის საყურებლადაც დრო არ უნდა დაინანოთ

nugo July 10, 2021

ოსკარების აურზაურმა ჩაიარა და კინომოყვარულთა უმეტესობამაც ნახა და განიხილა გამარჯვებული თუ ნომინანტი ფილმები. მაგრამ დროა, ცოტა დავშორდეთ ჰოლივუდს და სხვა, კერძოდ სერიალების ატმოსფეროში გადავინაცვლოთ. თანამედროვეობის უსაყვარლეს ჟანრს, სერიალს, ევროპელი და აზიელი კინოოსტატებიც ჰყავს და მათი გაცნობა ნამდვილად ღირს.

დღეს თქვენს ყურადღებას შევაჩერებთ 11 სხვადასხვა ჟანრის ახალ სერიალზე, რომლებსაც შემდეგი მახასიათებლები აერთანებთ: არ არიან ჰოლივუდის პროდუქტები და თითოეულს შეუძლია ნებისმიერი, თუნდაც ყველაზე პრეტენზიული კინომოყვარულის დაინტერესება.

1. ქაღალდის სახლი (La casa de papel)

  • ჟანრი — თრილერი
  • ქვეყანა — ესპანეთი
  • IMDb-ის რეიტინგი — 8,80

ახალგაზრდების ჯგუფი ესპანეთის სამეფო ზარაფხანის გაძარცვას გადაწყვეტს. და არამხოლოდ გაძარცვას, არამედ რამდენიმე დღით მის ხელში ჩაგდებას და ამუშავებასაც, რათა რაც შეიძლება დიდი თანხა მოჭრან. მოვლენები თავბრუდამხვევად ვითარდება და სერიალი ერთი ამოსუნთქვით იყურება.

2. ბნელი (Dark)

  • ჟანრი — თრილერი, დრამა, კრიმინალი, დეტექტივი, ფანტასტიკა
  • არხი — Netflix
  • IMDb-ის რეიტინგი — 8,70

პირველი გერმანულენოვანი სერიალი, რომელიც Netflix-მა საერთაშორისო ეთერში გაუშვა. პატარა გერმანულ ქალაქში ბავშვები იკარგებიან. მაგრამ ამბავი არაა მხოლოდ დეტექტივი და მათი გაუჩინარების გამოძიება. ეს ისტორიაა თაობებს შორის დამოკიდებულებაზე, სიყვარულზე, კარადაში დამალულ ჩონჩხებზე და მისტიკურ მოვლენებზე… სერიალი გამოსვლისთანავე შეადარეს უცნაურ ამბებს და ტყუილად სულაც არა. ატმოსფერული გადაღება, შესანიშნავი მუსიკა, ბრწყინვალე თამაში არამარტო ფანტასტიკური თავსატეხების მოყვარულ მაყურებელს მოხიბლავს.

3. ო, ჩემო მოჩვენებავ (Oh naui gwishinnim)

  • ჟანრი — მელოდრამა, კომედია, ფენტეზი
  • ქვეყანა — სამხრეთ კორეა
  • IMDb-ის რეიტინგი — 8,10

კეთილი, საყვარელი და სასაცილო კორეული დორამა (ტერმინი, რომელიც ინგლისური Drama-ს იაპონური გამოთქმითაა მიღებული და იაპონური, შორეული აზიური დრამების აღსანიშნავად გამოიყენება) ჟანრის საუკეთესო ტრადიციებს მიჰყვება და მოგვითხრობს ამბავს მორცხვ, თუმცა მხიარული სულის მზარეულ გოგონაზე და მის გარშემო შექმნილ სასიყვარულო სამკუთხედზე. გარდა ამისა, თუ კორეულ იუმორზე წარმოდგენა არ გაქვთ, მას ეს სერიალი გაგაცნობთ.

4. აირისი (Airiseu)

 

  • ჟანრი — მძაფრსიუჟეტიანი, მელოდრამა
  • ქვეყანა — სამხრეთ კორეა
  • IMDb-ის რეიტინგი — 8,10

ამ სერიალში მრავლადაა მძაფრსიუჟეტიანი ფილმის ელემენტები: ჯაშუშები, სპეცსამსახურები, ორმხრივი სროლები, ისევე როგორც მელოდრამის ელემენტებიც: დორამის ჟანრისთვის ტიპური სასიყვარულო სამკუთხედი და სხვა. და ეს ყველაფერი დახვეწყილი გროტესკითაა გადმოცემული. “აირისი” ერთ-ერთი საუკეთესო თანამედროვე კორეული სერიალია.

5. იზაბელა (Isabel)

  • ჟანრი — ისტორიული, ბიოგრაფიული
  • ქვეყანა — ესპანეთი
  • IMDb-ის რეიტინგი — 8,30

კლასიკური ისტორიული სერიალი იზაბელ კასტილიელის ცხოვრებაზე მოგვითხრობს XV-XVI საუკუნეების ესპანეთში. ისტორიული სიზუსტის, მდიდრული კოსტიუმებისა და გადაღების მოყვარულები ამ შოუთი ძალიან ისიამოვნებენ.

6. შუაღამის მზე (Midnight Sun)

  • ჟანრი — თრილერი, დრამა, კრიმინალური, დეტექტივი
  • ქვეყანა — შვედეთი
  • IMDb-ის რეიტინგი — 7,50

ტვინ პიკსისა და ხიდის მოყვარულები ნამდვილად მოიწონებენ ამ შვედურ სერიალს. იდუმალებით მოცული მკვლელობა სათავეს შორეული წარსულიდან იღებს. მოქმედება შვედეთის მცირედ დასახლებულ ადგილას ხდება და სხვა ყველაფრის გარდა მაყურებელი სკანდინავიის ბუნების სილამაზითაც დატკბება.

7. წყეული სამყაროს დასასრული (The End of the F***ing World)

  • ჟანრი — დრამა, შავი კომედია
  • ქვეყანა — დიდი ბრიტანეთი
  • IMDb-ის რეიტინგი — 8,30

ბოლო დროის ერთ-ერთი ყველაზე ხმაურიანი და პოპულარული სერიალი. 2017 წლის შემოდგომაზე გამოსული თინეიჯერული მინისერიალი, აღმოჩნდა, რომ მხოლოდ თინეიჯერებს სულაც არ ეხება. ბრიტანეთში მოპოვებული წარმატების შემდეგ სერიალი Netflix-მაც გაუშვა და მსოფლიო ალაპარაკდა ჯეიმსსა და ალისაზე – თინეიჯერებზე, რომელთაც ოჯახური და ბავშვობის ტრავმები ფსიქოპათებად აქცევს და შინიდან გაქცევას გადააწყვეტინებს. წყეული სამყაროს დასასრული იმდენად მრავლისმომცველია, რომელიმე კონკრეტულ ჟანრს ვერც მიაკუთვნებ. გარდა ამისა, სერიალს გამოარჩევს ინგლისური იუმორი, გზაში გადახდენილი თავზეხელაღებული თავგადასავლები და ბრწყინვალე საუნდტრეკები.

8. მატყუარების თამაში (Liar Game)

  • ჟანრი — თრილერი, დრამა
  • ქვეყანა — სამხრეთ კორეა
  • IMDb-ის რეიტინგი — 8,40

ერთი მხრივ, ეს კლასიკური იაპონური დორამაა მსახიობთა სპეციფიკური თამაშით, მეორე მხრივ კი ამ სერიალს უჩვეულო სიუჟეტი გამოარჩევს. მთავარი გმირი გოგონა მიწვევას იღებს უცნაურ “მატყუარების თამაშში” ჩასართავად, რომლის გამარჯვებულები დიდძალ ფულს იგებენ, დამარცხებულებმა კი სიცოცხლით უნდა ზღონ. ძლიერი კრიმინალური და ფსიქოლოგიური დრამა კორეულ კლასიკურ სტილში მძაფრი შეგრძნებების მოყვარულებს მოხიბლავს.

9. დაკარგული (The Missing)

  • ჟანრი — დრამა, კრიმინალური, დეტექტივი
  • ქვეყანა — დიდი ბრიტანეთი, აშშ
  • IMDb-ის რეიტინგი — 8,20

2006 წლის ფეხბურთის მსოფლიო ჩემპიონატზე ინგლისელების ოჯახი საფრანგეთში ვაჟს კარგავს. ფილმში თხრობა ორ ხაზად იყოფა: ამ მოვლენის დროინდელი და დღევანდელი ამბები. ბრწყინვალე დეტექტიური ხაზი, ფსიქოლოგიური დაძაბულობა და მსახიობთა შესანიშნავი თამაში ბრიტანული სერიალის მთავარი კოზირებია.

10. გრანჩესტერი (Grantchester)

  • ჟანრი — დრამა, კრიმინალური, დეტექტივი
  • ქვეყანა — დიდი ბრიტანეთი
  • IMDb-ის რეიტინგი — 8,00

სერიალის მოქმედება 1953 წლის ბრიტანეთში, კემბრიჯის საგრაფოს დაბა გრანჩესტერში მინდინარეობს, მთავარი გმირი – სიდნი ჩემბერსი – ქარიზმატული და მომხიბლავი ვიკარია, რომელიც მას შემდეგ, რაც მისი მრევლის წევრს უცნაურ ვითარებაში მოკლავენ, გამოძიებას საკუთარი ძალებით იწყებს.

11. ტელეფონისტი გოგონები (Las chicas del cable)

  • ჟანრი — დრამა
  • ქვეყანა — ესპანეთი
  • IMDb-ის რეიტინგი — 7,80

გასული საუკუნის 20-იან წლებში სატელეფონო კავშირი ტექნიკის სასწაული იყო. ტელეფონისტებად მხოლოდ გამოცდილ და პასუხისმგებლობის გრძნობის მქონე თანამშრომლებს იღებდნენ და ის მეტად პრესტიჟულ თანამდებობად მიიჩნეოდა. ამ ესპანური სერიალის მთავარი გმირი ოთხი ახალგაზრდა ქალია, რომლებიც ადამიანებს ერთმანეთთან კომუნიკაციაში ეხმარებიან და სწორედ მათი საპასუხისმგებლო სამსახურის გარშემო ვითარდება სხვადასხვა ისტორია.