12 ფილმი, რომელიც დამღლელი სამუშაო დღის ბოლოს უნდა ნახოთ

nugo July 10, 2021

მსგავსი პრობლემა ალბათ ყველას ჰქონია: ეცადო იპოვო კარგი ფილმი დამღლელი დღის შემდეგ და დახარჯო უფრო მეტი დრო მის ძებნაში, ვიდრე ყურებაში. გეცნობათ ხომ? იმისთვის, რომ ეს რთული სამუშაო, უფრო დამღლელი დღის შემდეგ გაგიმარტივოთ, წარმოგიდგენთ ფილმებს, რომლებიც იმსახურებს თქვენს დროს და თანაც, განტვირთვაში დაგეხმარებათ.

პოპულარული

არაჩვეულებრიფი ფრანგული კომედია 21 წლის როზ პამფილეზე, რომელსაც დებორა ფრანსუა ასრულებს. მას არ სურს თავის მშობლიურ ქალაქში დარჩენა და დიასახლისის მშვიდი ცხოვრება. როზი მუშაობას იწყებს დაზღვევის სააგენტოში, რომლის უფროსი იმედოვნებს, რომ მისი ახალი თანამშრომელი მანქანაზე სწრაფად ბეჭდვის ტურნირში გაიმარჯვებს.

დანიელი გოგონა

სიუჟეტი, რომელიც რეალურ მოვლენებს ეყრდნობა, დანიელ მხატვარზე მოგვითხრობს. ის წარმატებულია, მაგრამ გრძნობს, რომ მის ცხოვრებას რაღაც აკლია, ის, რაც მას ბედნიერების საშუალებას არ აძლევს. ყველაფერი იცვლება, როდესაც მისი ცოლის თხოვნით ის პოზირებს როგორც ქალი. ფილმი ოსკარის ოთხ ნომინაციაში იყო წარდგენილი, რომლიდანაც ერთ-ერთში, ოსკარი საუკეთესო მსახიობი ქალისთვის მეორეხარისხოვან როლში ალისია ვიკანდერმა გაიმარჯვა.

იქ, სადაც გულია

ფილმი 17 წლის ნოვალიზე მოგვითხრობს. ის თავისი მიამიტობით იტანჯება, მაგრამ სჯერა, რომ ყველაფერი კარგად იქნება. მას ბევრი სირთულის გადალახვა უწევს და სრულიად უცხო ადამიანები ეხმარებიან, რომ მან არ დაკარგოს საკუთარი თავის რწმენა და რა თქმა უნდა, ის იპოვის თავის ბედნიერებას.

ტაქსი

ბელი, რომელსაც ქუინ ლატიფა ასრულებს, საუკეთესოა, და რაც ყველაზე მნიშვნელოვანია, ყველაზე სწრაფი ტაქსის მძღოლია ქალაქში. მაგრამ მგზავრების დანიშნულების ადგილზე მიყვანა არაა მისი ოცნება, ის ნამდვილი რბოლის ჩემპიონობაზე ოცნებობს. ჯიმი ფელონის გმირი ენდი კარგი პოლიციელი, მაგრამ საშინელი მძღოლია. მათ დამნაშავეების დაჯგუფებასთან გამკლავება მოუწევთ.

13-დან 30-ში

ვის არ უოცნებია ბავშვობაში რაც შეიძლება მალე გაზრდილიყო?! არც ამ ფილმის მთავარი გმირია გამონაკლისი. მე-13 დაბადების დღეზე მან ჩაიფიქრა რაც შეიძლება მალე გამხდარიყო 30 წლის ქალი. ვინ იფიქრებდა, რომ მისი სურვილი მეორე დილითვე ახდებოდა.

ბრუკლინი

ეს არის ისტორია ახალგაზრდა ქალზე სახელად ელისი, რომელმაც თავისი ირლანდიური სოფლის მიტოვება და ამერიკაში გამგზავრება გადაწყვიტა. მას ენატრება სახლი, მაგრამ დროთა განმავლობაში უკან დაბრუნების სურვილი უქრება. ამასთან ერთად ელისს შეუყვარდება საკმაოდ სიმპატიური მამაკაცი, მაგრამ ახალი ამბები ირლანდიიდან მას სამშობლოში დაბრუნებას აიძულებს. ფილმი ოსკარის სამ კატეგორიაში იყო ნომინირებული.

როგორ გათხოვდე მილიონერზე

ახალგაზრდა კიმი, რომელსაც ფელისიტი ჯონსი ასრულებს, კარგ სამსახურს ეძებს. ერთხელაც ის დასასვენებლად ალპებში აგემგზავრება, სადაც თხილამურებით სრიალი შეუყვარდება…და კურორტის მფლობელის შვილიც.

ნიუ იორკის გაელვება

რა შეიძლება მოხდეს სულ რაღაც ერთ დღეში? სინამდვილეში, ბევრი რამ, თანაც საკმაოდ მოულოდნელად. ტყუპ დებს ჯეინის და როქსის, რომლებსაც ეშლი და მერი-კეიტ ოლსენები ასრულებენ, სწორად ასეთი სიურპრიზებით სავსე დღე აქვთ. თითოეულ მათგანს ამ დღისთვის ნამდვილად მნიშვნელოვანი გეგმები ჰქონდათ, მაგრამ რაღაც მომენტში ყველაფერი თავდაყირა დადგა.

რეალური გოგოები

კიდევ ერთი ისტორია ორ დაზე მდიდარი ოჯახიდან. მამის გარდაცვალების შემდეგ, გოგოებმა მემკვიდრეობით მრავალმილიონიანი მემკვიდრეობა და წარმატებული კოსმეტიკური ფირმა მიიღეს, მაგრამ ერთი პატარა სკანდალი წარმოებაში და ისინი გაკოტრების ზღვარზე არიან…

ადელაინის ასაკი

არაფერია დასამალი: თითქმის ყველა ქალი ოცნებობს ყოველთვის ახალგაზრდულად და ლამაზად გამოიყურებოდეს. ფილმის მთავარ გმირს, რომელსაც ბლეიკ ლაივლი ასრულებს, იშვიათი შანსი მიეცა. მაგრამ ნუთუ მართლა ასეთი საოცნებოა – წლების მანძილზე უყუროს საყვარელი ადამიანების დაბერებას და გარდაცვალებას?

მარტივი სირთულეები

ფილმი იმ რთულ სიტუაციებზეა, რომლებსაც მერილ სტრიპის გმირი ჯეინი და მისი ყოფილი მეუღლე ჯეიკი, ( ალეკ ბოლდუინი ) ხვდებიან: ისინი ირევიან… ისევ… პრობლემა იმაშია, რომ ჯეიკს უკვე ჰყავს ცოლი, ჯეინს კი სხვა მამაკაცი მოსწონს. მაგრამ იქნებ ეს მათი ბედნიერების მეორე შანსია? ხანდახან ცხოვრება ყველა ჩვენგანს აოცებს. ფილმი ოქროს გლობუსზე სამ კატეგორიაში იყო ნომინირებული.

მეზობლებისთვის შესვლა აკრძალულია

დენი დევიტოს პერსონაჟმა გაიაზრა, რომ მისი სახლი არ არის ისეთი შთამბეჭდავი კოსმოსიდან, როგორც მისი მეზობლის სახლი. მან გადაწყვიტა თავისი სახლი ილუმინაციით მოერთო, რისი ნახვა კოსმოსიდანაც კი იქნება შესაძლებელი. მის მეზობელ მისტერ ფინჩს არ მოსწონს ეს იდეა, რადგან მას სურს, რომ მისი სახლი იყოს ყველაზე ლამაზი სამეზობლოში.