15 ფილმი მწერლების ცხოვრებაზე

nugo July 10, 2021

ცნობილი მწერლების და პოეტების ბიოგრაფია თავისთავად ჰგავს საინტერესო რომანს თავისი ბრძოლებით, სასიყვარულო ინტრიგებითა და დაშორებებით, წარმატებითა და მწარე მარცხით. ისეთი მწერლების ისტორიებმა, როგორებიც ჰემინგუეი, დიკენსი, ფიცჯერალდი არიან, უკვე დიდი ხანია მიიპყრეს ჰოლივუდის რეჟისორების და პროდიუსერების ყურადღება.

ჩვენც, დღევანდელ კოლექციაში გთავაზობთ ფილმებს მწერლების ცხოვრებაზე:

გენიოსი

ისტორია ორი გენიალური ადამიანის მეგობრობაზე: მწერალი თომას ვულფი და რედაქტორი მაქს პერკინსი, რომელმაც მსოფლიოს ისეთი რომანისტები აჩუქა, როგორებიც არიან ფრენსის სკოტ ფიცჯერალდი და ერნესტ ჰემინგუეი. ფილმის ყურებისას თქვენ ჯუდ ლოუს და კოლინ ფერტის არაჩვეულებრივი დუეტით დატკბებით.

უხილავი ქალი

არაჩვეულებრივმა მსახიობმა და რეჟისორმა რეიფ ფაინსმა გადაიღო ბიოგრაფიული ფილმი, რომელიც ბრიტანელი კლასიკოსის, ჩარლზ დიკენსის და ახალგაზრდა ელენ ტერნანის სიყვარულის ისტორიას მიუძღვნა. 45 წლის შემდგარი ლიტარატორი, რომელიც სამაგალითო მეოჯახე იყო, 18 წლის ახალგაზრდა მსახიობს შეხვდა. დიკენსმა ელენის გამო ოჯახი მიატოვა. მათი რომანი 13 წელი გრძელდებოდა. ქედმაღალი ვიქტორიანული ინგლისისთვის მსგავსი საქციელი მიუღებელი იყო, თუმცა მწერალმა და მისმა საყვარელმა გადაწყვიტეს სხვების აზრი არ გაეთვალისწინებინათ და ერთად ბედნიერად ყოფილიყვნენ. ფილმი ოსკარზე საუკეთესო კოსტიუმების დიზაინისთვის იყო ნომინირებული.

ყორანი

ამერიკული დეტექტიური თრილერი XIX საუკუნის ერთ-ერთი ყველაზე იდუმალი მწერლის ედგარ ალან პოს უკანასკნელ დღეებზე, რომელსაც ჯონ კიუსაკი ასრულებს. სიუჟეტის მიხედვით, ცნობილი პოეტი მისდევს სერიულ მკვლელს, რომლის დანაშაულები ძალიან ჰგავს მის შემოქმედებაში აღწერილ დანაშაულებს.

ჰემინგუეი და გელჰორნი

ფილიპ კაუფმანის ფილმი, რომლის მოქმედებაც 1936 წლის დასაწყისში ფლორიდის ერთ-ერთ ბარში იწყება, სადაც ჰემინგუეი და გელჰორნი, ქლაივ ოუენის და ნიკოლ კიდმანის შესრულებით, ერთმანეთს პირველად ხვდებიან. მწერალი და სამხედრო კორესპონდენტი, მათი თაობის ამერიკის ერთ-ერთი ყველაზე ცნობილი წყვილი გახდნენ. სწორედ მან შთააგონა ჰემინგუეი დაეწერა ცნობილი რომანი “ვისთვისაც რეკავს ზარი”. ქლაივ ოუენი და ნიკოლ კიდმანი ოქროს გლობუსზე იყვნენ წარდგენილები.

გახდე ჯეინი

ფილმი ჯეინ ოსტინის და ახალგაზრდა ირლანდიელი იურისტის, ტომას ლეფროის ურთიერთობას ეძღვნება. ინგლისელი მწერლის როლი ენ ჰეთევეის ერგო, მისი საყვარელი მამაკაცი კი ახალგაზრდა ჯეიმს მაკევოიმ შეასრულა. სიღარიბეში გაზრდილ ჯეინს მდიდარი მეზობლის ნათესავი უყვარდება. ახალგაზრდებს დაქორწინება უნდათ, მაგრამ ბიჭის ბიძა ამის წინააღმდეგია, მთელი თავგადასავალიც, სწორედ აქედან იწყება…

ჯადოსნური ქვეყანა

ბიოგრაფიული დრამა შოტლანდიელ მწერალზე ჯეიმს ბარიზე – “პიტერ პენის” ავტორზე. ბიჭის ისტორიამდე, რომელსაც არ სურდა გაზრდა, ბარის შემოქმედებითი კარიერის საქმე კარგად არ მისდიოდა. ყველაფერი კი მაშინ დაიწყო, როდესაც ჯეიმსი ოთხი შვილის ქვრივ დედას შეხვდა. სწორედ ბავშვები და დედისადმი გაჩენილი ახალი გრძნობები გახდა მისი შთაგონების წყარო. მან დაწერა პიესა, რომელითაც ის მსოფლიომ გაიცნო. ბარის როლი ჯონი დეპმა შეასრულა. ფილმმა ოსკარის 7 ნომინაციიდან ერთ-ერთ კატეგორიაში, საუკეთესო ორიგინალური მუსიკისთვის გაიამარჯვა.

საათები

მაიკლ კანინგემის ამავე სახელწოდების რომანის ეკრანიზაცია სამი ქალის ცხოვრების ერთ დღეს წარმოგვიდგენს. მათი ისტორიებს ათობთ წელი ყოფს, მაგრამ ერთმანეთთან თითქოს უხილავი  ძაბით არიან დაკავშირებულები. ჩვენ ვუყურებთ დეპრესიაში ჩავარდნილ ვირჯინია ვულფს (ნიკოლ კიდმანი), დიასახლისს ლორა ბრაუნს (ჯულიანა მური) და რედაქტორს კლარისა ვონს (მერილ სტრიპი). ნიკოლ კიდმანმა, რომელმაც ამ როლისთვის ვირჯინია ვულფის ყველა გამოქვეყნებული წერილი წაიკითხა და მეორე ხელით წერა ისწავლა (მსახიობი – მემარცხენეა), ისეთი ჯილდოები მოიპოვა, როგორებიცაა ოსკარი, ოქროს გლობუსი, BAFTA და სხვა. კანინგემის ეკრანიზაციამ ასევე მოიპოვა ოსკარის 8 და ოქროს გლობუსის 5 ნომინაცია და გახდა 2002 წლის ერთ-ერთი ყველაზე მნიშვნელოვანი კინომოვლენა.

მონანიება

თავის პირველ რომანზე “მონანიება” მუშაობა ცნობილმა მწერალმა ბრაიონი ტალესმა (სირშა რონანი) მოზარდობის ასაკში დაიწყო, მეორე მსოფლიო ომამდე ცოტა ხნით ადრე. თუმცა მისი დამთავრება ღრმა სიბერეში შესძლო: მთელი ცხოვრების მანძილზე მან ვერ მოახერხა კვანძი გაეხსნა წიგნში, რომელშიც რეალურ ისტორიას აღწერდა საკუთარი ბიოგრაფიიდან. ფილმმა 7 ნომინაციიდან კატეგორიაში ოსკარი საუკეთესო ორიგინალური მუსიკისთვის გაიმარჯვა.

ახალგაზრდა სრულწლოვანი

ჯეისონ რაიტმანის ტრაგიკომედია “ახალგაზრდა სრულწლოვანი” – ასეთ ჟანრში მუშაობს ისტორიის მთავარი გმირი, მწერალი მევის გერი, რომელსაც შარლიზ თერონი ასრულებს. ის უსმენს მოზარდების დიალოგებს სწრაფი კვების ობიექტებში და მაღაზიებში, შემდეგ კი წიგნებს ისევ მათთვის ქმნის, ახალგაზრდებისთვის. თერონი ამ როლისთვის ოქროს გლობუსზე იყო ნომინირებული კატეგორიაში საუკეთესო მსახიობი ქალისთვის მიუზიკლსა ან კომედიაში.

დაუკმაყოფილებელი სექსუალური დაძაბულობა

ეროტიკული კომედია შეშლილი ესპანელი მწერლის ჯაზ რომეოს, “დაუკმაყოფილებელი სექსუალური დაძაბულობის” ავტორის ცხოვრებაზე მოგვითხრობს. ფილმის მსვლელობის დროს მიხვდებით, რომ მისი წიგნის შინაარსი არა მისი წარმოსახვის ნაწილი, არამედ რეალური ისტორიაა.

ზრდასრული სამყარო

22 წლის ემი, რომელსაც ემა რობერტსი თამაშობს, თავს არააღიარებულ გენიოსად თვლის: ის ლექსებს მთელი ცხოვრება წერს, გზავნის ათ გამომცემლობებსა და ჟურნალებში, მაგრამ მის ნიჭს ვერავინ ამჩნევს. თავის შენახვის მიზნით, კოლეჯის დამთავრების შემდეგ, სილვია პლათის შეშლილმა თაყვანისმცემელმა სექს-შოპში დაიწყო მუშაობა, მთავარი ამბავიც, სწორედ აქედან იწყება.

აუზი

ფრანსუა ოზონის დრამის მთავარი გმირი გულჩათხრობილი და თაყვანისმცემლების ყურადღებით დაღლილი მწერალი სარა მორტონია, რომელსაც შარლოტ რემპლინგი ასრულებს. ახალ რომანზე მუშაობის დროს ის განმარტოებას ცდილობს და საფრანგეთის სამხრეთ ნაწილში მისი გამომცემლის ცარიელ სახლში მიემგზავრება. მაგრამ ამ შემოქმედებით იდილიას რედაქტორის შვილი ჟული (ლუდვინ სენიე) დაარღვევს.

სილვია

ეს ფილმი პოეტების, სილვია პლათის (გვინეთ პელტროუ) და ტედ ჰიუზის (დენიელ კრეიგი) სიყვარულის ისტორიას ეძღვნება. კრისტინ ჯეფსის ფილმი ორი ნიჭიერი ადამიანის ურთიერთობაზე გვიყვება მათი გაცნობის დღიდან საშინელ ტრაგედიამდე.

აირისი

რიჩარდ ეირეს დრამა მოგვითხრობს აირის მერდოკის კარიერასა და ალცჰეიმერის დაავადებასთან ბრძოლაზე. სცენარის საფუძველი მწერლის მეუღლის, ლიტერატურული კრიტიკოსის ჯონ ბეილეის, ავტობიოგრაფიული წიგნი გახდა, რომელიც მერდოკს სიცოცხლის ბოლომდე უვლიდა. ჯიმ ბროდბენტმა, რომელმაც ჯონ ბეილეის როლი შეასრულა, ოსკარი საუკეთესო მსახიობი კაცისთვის მეორეხარისხოვან როლში მიიღო. ოსკარზე ასევე იყვნენ ნომინირებულები ჯუდი დენჩი კატეგორიაში საუკეთესო მსახიობი ქალისთვის და ქეით უინსლეტი კატეგორიაში საუკეთესო მსახიობი ქალისთვის მეორეხარისხოვან როლში.

ჯული და ჯულია

ნორა ეფრონის ფილმი, რომელიც ორი ქალის ისტორიაზე გვიყვება – ბესტსელერის “ფრანგული სამზარეულოს ხელოვნების დაუფლება”. ეს არის ისტორია წიგნის ავტორ, ჯულია ჩაილდსა (მერილ სტრიპი) და მისი თაყვანისმცემელი ჯული პაუელის შესახებ (ეიმი ადამსი), რომელსაც კულინარიული ბლოგი “ჯული და ჯულია” მიჰყავს. ფილმმა თავის დროზე კინოკრიტიკოსების მაღალი შეფასებები დაიმსახურა. ჯულია ჩაილდის როლმა მერილ სტრიპს 11 ჯილდო მოუტანა, მათ შორის ოქროს გლობუსის ჯილდო და ნომინაცია ოსკარზე საუკეთესო მსახიობი ქალისთვის.