15 ფილმი, რომელიც 20-დან 30 წლამდე უნდა ნახოთ

nugo July 11, 2021

თინეიჯერობის შემდგომი ეტაპი არანაკლებ გიჟური, საინტერესო და ჩახლართული პერიოდია თქვენს ცხოვრებაში, როდესაც უკვე გარკვეულ გადაწყვეტილებებს იღებთ და ცხოვრების ახალ ეტაპზე გადადიხართ. კარიერის შექმნის ზეწოლის და “იმ ერთადერთის” ძიების წნეხის ქვეშ ყოფნამ შესაძლოა, საბოლოო ჯამში, განცვიფრებულიც დაგტოვოთ, მაგრამ, საბედნიეროდ, არსებობს კინო – საუკეთესო მედიტაცია ცხოვრების კრიზისული ეტაპისთვის.

ამიტომ, ჩვენც წარმოგიდგენთ ფილმებს გადარჩენისთვის, პრობლემების განეიტრალებისთვის და ახალი ძალების მოსაკრებად:

თარგმანში დაკარგულები (2003)

ხანში შესული მსახიობი (ბილ მიურეი) იაპონიაში სარეკლამო რგოლის გადაღების დროს ახალგაზრდა გოგონას (სკარლეტ იოჰანსონი) დაუმეგობრდება. ტოკიოს გაცნობასთან ერთად ისინი ერთმანეთს თავიანთ პირად პრობლემებს ანდობენ. სოფია კოპოლა მიზნების და მეგობრობის თემების შესასწავლად ერთმანეთს მოზარდულ და შუა ხნის ასაკის კრიზისს ათანაბრებს. ფილმმა ოქროს გლობუსის სამ კატეგორიაში გაიმარჯვა და მიიღო ოსკარი საუკეთესო ორიგინალური სცენარისთვის.

რეალობა იკბინება (1994)

ამ 90-იანების კლასიკურ რომანტიკულ დრამაში კოლეჯის დასრულების შემდეგ ოთხი მეგობარი ცხოვრობს ერთად ჰიუსტონში, ტეხასის შტატში. ფილმი, რომელშიც მთავარ როლებს ეტან ჰოუკი, ვაინონა რაიდერი და ბენ სტილერი ასრულებენ, მოგვითხრობს რომანტიკული ურთიერთობების სირთულეებზე და კარიერაზე, რომლებსაც ადამიანები 20-დან 30 წლამდე ხვდებიან.

ბაღების ქვეყანა (2004)

ზაკ ბრაფი და ნატალი პორტმანი გამოგზაურებთ ამ გულჩათხრობილ და ამავე დროს იმედისმომცემ დრამაში. ახალგაზრდა მამაკაცი ბრუნდება სახლში დედის დაკრძალვაზე და კვლავ უკავშირდება ძველ მეგობრებს, პოულობს სიყვარულს და ეშვება ოჯახურ დრამაში. ფილმი ეხება კარიერულ ზრდას, ოჯახურ წინააღმდეგობას ცხოვრებისეულ არჩევანთან დაკავშირებით და ყველაფერთან ერთად, მთელი ყურადღება ეთმობა ფსიქიკურ მდგომარეობას. ფილმის საუნდტრეკებმა, რომელშიც შედის The Shins, Frou Frou და Coldplay-ის სიმღერები, გრემის ჯილდო დაიმსახურა.

კულტურისა და დასვენების პარკი (2009)

ევროპაში მოგზაურობის ნაცვლად ჯესი ეიზენბერგის გმირი ჯეიმსი, ჟურნალისტიკის სასწავლებლად გამგზავრებამდე, გასართობ პარკში იწყებს მუშაობას. ის იქ კრისტენ სტიუარტის გმირს, ემის უმეგობრდება, რომლის მიმართაც გრძნობები უჩნდება. “კულტურისა და დასვენების პარკი” სულიერად განტვირთვის საშუალებაა გულგრილი ახალგაზრდებისთვის, რომლებიც მეგობრობის და ცხოვრების მიზნის არსით არიან დაინტერესებულები.

ეშმაკი ატარებს პრადას (2006)

ენ ჰეთევეის გმირმა ენდიმ, კოლეჯი ახლახანს დაამთავრა და ოცნებობს მწერალი გახდეს. ის სამსახურს ნიუ-იორკის ერთ-ერთი ყველაზე გავლენიანი მოდის ჟურნალის რედაქტორის (მერილ სტრიპი) დამხმარედ იწყებს. ფილმი გადმოგვცემს ახალგაზრდა, სუსტი თანამშრომლის ბრძოლას და აძლიერებს უკიდურესობამდე. სტრიპმა ამ როლისთვის კრიტიკოსების კიდევ ერთი აღიარება დაიმსახურა, ნომინირებული იყო ოსკარზე საუკეთესო მსახიობი ქალისთვის და მიიღო ოქროს გლობუსი საუკეთესო მსახიობი ქალისთვის მიუზიკლსა ან კომედიაში.

50/50 (2011)

სულისშემძვრელ დრამაში “50/50” ჯოზეფ გორდონ-ლევიტი ასრულებს 27 წლის რადიორეპორტიორის, ადამის როლს, რომელიც იგებს, რომ სიმსივნე აქვს. მკურნალობის პერიოდში ის ყველაფერზე ფიქრობს – მეგობრული ურთიერთობებიდან დაწყებული საკუთარი ოჯახით დამთავრებული და აწუხებს კითხვა, თუ რამდენი დრო დარჩა… გორდონ-ლევიტი ნომინირებული იყო ოქროს გლობუსზე კატეგორიაში საუკეთესო მსახიობი კაცისთვის მიუზიკლსა ან კომედიაში. ფილმში ასევე მონაწილეობენ სეთ როგენი, ანა კენდრიკი და ბრაის დალას ჰოვარდი. ჯონატან ლევაინის ფილმი ოქროს გლობუსზე იყო ნომინირებული საუკეთესო მიუზიკლისა ან კომედიისთვის.

ვერაგობა (2018)

Netflix-ის გამოშვებული ეს თბილი ფილმი, ორი გადაღლილი ასისტენტის ისტორიას მოგვითხრობს, რომლებიც გეგმავენ თავიანთ უფროსებს ერთმანეთი შეაყვარონ, რათა მათ მეტი თავისუფალი დრო გამოუჩნდეთ. ორ მთავარ გმირს (ზოა დოიჩი და გლენ პაუელი) შორის არსებული არაჩვეულებრივი ქიმიის გარდა, ფილმი გადმოგვცემს, თუ რას ნიშნავს იყო გამოუცდელი კარიერასა და რომანტიკულ ურთიერთობებში. ამ რომანტიკულმა კომედიამ დადებითი შეფასებები მიიღო მეგ რაიანსგან და ტომ ჰენკსისგან, ასე რომ, ალბათ, ხვდებით, რომ ცუდი არ იქნება…

სხვა ხალხი (2016)

ამ ფილმში ჯესი პლემონსი დევიდის როლს ასრულებს, 29 წლის მხიარულ კომიკოსს, რომელიც ავადმყოფი დედის (მოლი შანონი) მოსავლელად თავის გარეუბანში ბრუნდება საკრამენტოში. სიყვარულითა და თანაგრძნობით სავსე ფილმი განიხილავს დანაკარგს, გადადებულ ოცნებებს და ოჯახის რთულ ურთიერთობებს, რომლებიც სულ უფრო და უფრო რთულდება, როდესაც 20 წელი გისრულდებათ…

ჭკვიანი უილ ჰანტინგი (1997)

გას ვან სენტის ფილმში 20 წლის მათემატიკური ნიჭით დაჯილდოვებული ახალგაზრდა, რომელსაც მეთ დეიმონი ასრულებს, ფსიქიატრთან ამყარებს ურთიერთობას, რომლის როლსაც რობინ უილიამსი ასრულებს, რომელმაც მიიღო ოსკარი საუკეთესო მსახიობი კაცისთვის მეორეხარისხოვან როლში. ეს არის არჩვეულებრივი ფილმი იმაზე, თუ როგორია იყო ემოციურად სუსტი და წახვიდე რისკზე, სანამ ახალგაზრდა ხარ. ფილმმა ოსკარის 9 ნომინაცია დაიმსახურა, რომლიდანაც ორში გაიმარჯვა, მათ შორის მიიღო ოსკარი საუკეთესო ორიგინალური სცენარისთვის.

კოლუმბუსი (2017)

არაჩვეულებრივად გადაღებული მშვიდი ფილმი, რომელიც ჰეილი ლი რიჩარდსონის პერსონაჟზე მოგვითხრობს – ახალგაზრდა ენთუზიაზმით აღსავსე არქიტექტორ გოგონაზე, რომელმაც თავისი კარიერა გვერდით გადადო, რათა დედისთვის მოეარა, რომელიც ნარკოტიკულ დამოკიდებულებას წლებია ებრძვის. ის ჯონ ჩოს პერსონაჟს, საშუალო ასაკის თარჯიმანს დაუმეგობრდა, რომელიც ცდილობს ურთიერთობა აღადგინოს ავადმყოფ მამასთან, რომელიც თეორეტიკოსი არქიტექტორია. ფილმი, რომელიც გასაოცარ ქალაქ კოლუმბუსს ეძღვნება, გვიყვება, თუ რას ნიშნავს პიროვნების ჩამოყალიბება ოჯახს მიღმა.

ბრუკლინი (2015)

სანამ სირშა რონანი ჩვენს გულებს “ლედი ბერდში” დაიპყრობდა, მანამდე მან “ბრუკლინში” მოგვხიბლა. ის დამოუკიდებელ ახალგაზრდა ირლანდიელ ქალს განასახიერებს სახელად ეილისი, რომელიც ამერიკაში გადადის უკეთესი შესაძლებლობებისთვის. სიყვარულის ძიების გარდა, ეილისი მონდომებით მუშაობს სამსახურში და ესწრება ღამის გაკვეთილებს. საერთო ჯამში “ბრუკლინი” გვიჩვენებს, თუ როგორ ხდება ახალგაზრდა ქალი კიდევ უფრო მეტად დამოუკიდებელი და იღებს რთულ გადაწყვეტილებებს, მაშინაც კი, როდესაც სახლი ენატრება. ფილმი ოსკარის სამ კატეგორიაში იყო ნომინირებული: საუკეთესო სურათისთვის, საუკეთესო მსახიობი ქალისთვის და საუკეთესო ადაპტირებული სცენარისთვის.

დიდი ავადმყოფობა (2017)

კუმეილ ნანჯიანი “დიდ ავადმყოფობაში” საკუთარი თავის გამოგონილ ვერსიას ასრულებს, პაკისტანელ კომიკოსს, რომელსაც, მშობლების საუბედუროდ, თეთრკანიანი ქალი უყვარდება. მართალია, ეს რომანტიკული კომედიაა, მაგრამ ის გასწავლით იყოთ თქვენი თავის ყველაზე ნამდვილი ნაწილი, იბრძოლოთ თქვენი კარიერისთვის და საყვარელი ადამიანებისთვის, მაშინაც კი, როდესაც ყველაფერი რთულდება. კუმეილ ნანჯიანის და მისი მეუღლის ემილი გორდონის ნახევრად ავტობიოგრაფიული სცენარი ნომინირებული იყო ოსკარზე საუკეთესო ორიგინალური სცენარისთვის.

საკუთარი ბავშვი (2014)

სერიალის “პარკები და დასვენების ზონები” მონა-ლიზას როლით ცნობილი ჯენი სლეიტი “საკუთარ ბავშვში” კომიკოსის როლს ასრულებს, რომელიც ერთღამიანი ურთიერთობის შემდეგ დაორსულდა. მან აბორტის გაკეთება ვალენტინობის დღეს გადაწყვიტა. ფილმი ამ სენსიტიურ თემას საინტერესოდ და გააზრებულად ეხება და კარგად გადმოსცემს მაყურებელს რომანტიკული კომედიის განწყობასაც. უსაფრთხო სექსის და ოჯახის დაგეგმვის თემების განხილვის გარდა, ფილმი გასწავლით, თუ როგორ გააკონტროლოთ საკუთარი ცხოვრება, როდესაც ფსკერზე აღმოჩნდებით.

ცაში მინდა (2009)

ფილმში “ცაში მინდა” შესრულებული ნატალი კინერის პერსონაჟი ანა კენდრიკისთვის პირველი გამოკვეთილი როლია. კოლეჯის წარმატებით დასრულების შემდეგ ნატალიმ გამოიგონა ვიდეოკონფერენციის სისტემა, რაც მივლინებების ხარჯების დაზოგვას ითვალისწინებს. ჯორჯ კლუნის პერსონაჟთან, რაიან ბინგემსთან ერთად მუშაობისას მას უჩნდება კითხვები იმასთან დაკავშირებით, თუ რა იცის მან ცხოვრებაზე სინამდვილეში. ჯეისონ რაიტმანის ფილმმა მალევე დაიმსახურა კრიტიკოსების მოწონება, დაიმსახურა ოსკარის 6 ნომინაცია და მიიღო ოქროს გლობუსი საუკეთესო სცენარისთვის.

ინგრიდი მიდის დასავლეთში (2017)

და ბოლოს, სახალისო შავი კომედია, რომელიც სტატუსებზე, პოპულარობაზე და რა თქმა უნდა, Instagram-ზე დამოკიდებულებას ეხმაურება. ფსიქიურად გაუწონასწორებელი გოგონა სახელად ინგრიდი, რომელსაც ობრი პლაზა განასახიერებს, ფლანგავს მთელ მემკვიდრეობას იმისთვის, რომ მიიპყროს Instagram ვარსკვლავის ყურადღება, რომლის როლსაც ელიზაბეტ ოლსენი ასრულებს. კომედია სწრაფად იცვლება გამაფრთხილებელ ისტორიად, როდესაც ინგრიდი ყველანაირად სცდება პირად და იურიდიულ საზღვრებს მის კერპზე შთაბეჭდილების მოსახდენად.