1980-იანი წლების 10 საზაფხულო ფილმი

nugo July 11, 2021

ზაფხული, მოგზაურობა, ნათელი და თბილი ატმოსფერო, რომელიც დამღლელი დღის შემდეგ ღიმილს მოგგვრით და სასიამოვნო განწყობას შეგიქმნით. ეს 1980-იანი წლების 10 საზაფხულო ფილმია:

თქვი რამე (1989)

თქვი რამე

ლამაზი და ჭკვიანი დაიანა, რომელიც დამამთავრებელ კლასშია, ახალი გამოწვევებისთვის ემზადება – ახალი სასწავლებელი, ახალი მეგობრები, ახალი გარემო… თუმცა მოულოდნელად თავს დამტყდარი სიყვარული მის გეგმებს რევს და ყველაფერს ცვლის.

სარისკო საქმე (1983)

სარისკო საქმე

როგორც კი მისი მშობლები გაემგზავრებიან და მარტო დარჩება, წყნარი და დამჯერი თინეიჯერი გადაწყვეტს, აიშვას. მის გადაწყვეტილებას უამრავი გაუგებრობა მოჰყვება, რომელთაგან თავის დასაღწევად მთავარი გმირი სარისკო საქმეს წამოიწყებს.

დიდებული გასეირნება (1988)

დიდებული გასეირნება

ფილმის მთავარი გმირი შვებულებისთვის ემზადება. უნდა, დასვენების დღეები ოჯახთან ერთად, ბუნებაში გაატაროს. თუმცა, უეცრად მისი სიძე გამოჩნდება და ყველა გეგმას თავდაყირა აყენებს.

რიჯმონტის სკოლა (1982)

რიჯმონტის სკოლა

კალიფორნიის სკოლის მოზარდები, მათი ძიებები, სექსუალური თავისუფლება, წარმატებები და წარუმატებლობები. ფილმის უდარდელი და მსუბუქი გარემო ასეთივე მსუბუქ განცდებს დაგიტოვებთ.

კერძო კურორტი (1985)

კერძო კურორტი

ორი მოზარდი დასასვენებლად კერძო კურორტს სტუმრობს. მათ გოგონების შებმა და სასიამოვნო თავგადასავლები სურთ. თუმცა, სამიზნეს არასწორად ირჩევენ, რასაც დიდი არეულობა მოჰყვება.

ბინძური ცეკვები (1987)

ბინძური ცეკვები

17 წლის გოგონა ზაფხულს მშობლებთან ერთად, ცოტა არ იყოს, მოწყენილი ატარებს. მერე კი პროფესიონალ მოცეკვავეს გაიცნობს და ეს მოსაწყენი დღეები ყველაზე ცეცხლოვან პერიოდად იქცევა.

დარჩი ჩემთან (1986)

დარჩი ჩემთან

როდესაც მათი მეგობარი გაუჩინარდება, ოთხი პატარა ბიჭი ტყეში მისი ცხედრის საძებნელად მიდის. მათ წინ ბევრი დაბრკოლება ელით, რომელიც მათ მეგობრობას გამოცდას უწყობს.

ძვირფასო, მე ბავშვები დავაპატარავე (1989)

ძვირფასო, მე ბავშვები დავაპატარავე

ნოვატორი მეცნიერი გამოიგონებს ელექტრომაგნიტურ მანქანას, რომელსაც საგნების დაპატარავება შეუძლია. მისი გამოგონება ნამდვილად აღმაფრთოვანებელია. თუმცა, ერთ მშვენიერ დღეს ის შემთხვევით საკუთარ შვილებს და კიდევ მეზობლის ორ ბავშვს დააპატარავებს…

საუკეთესო მსროლელი (1986)

საუკეთესო მსროლელი

სამხედრო პილოტს, რომელიც წარსულის მოჩვენებებს ებრძვის, ახალი ვნებები ატყდება თავს. საინტერესო ისტორიისა და დაუვიწყარი საუნდტრეკების წყალობით, ფილმი აუცილებლად მოახდენს თქვენზე შთაბეჭდილებას.

გარეუბანი (1989)

 გარეუბანი

მან დასვენება გარეუბნის სახლში გადაწყვიტა. გადაწყვიტა, ერთი კვირა სრულ სიზარმაცესა და სიმშვიდეში ჩაფლულიყო. თუმცა, ახალი მეზობლების გადმოსვლამ მისი გეგმები ჩაშალა. ისინი ხომ მკვლელები და სატანური კულტის მიმდევრები არიან!