20 სერიალი, რომელიც “სამეფო კარის თამაშების” ფანებს მოეწონებათ

nugo July 10, 2021

“სამეფო თამაშების” სეზონიდან სეზონამდე იმხელა შუალედებია, მისმა ფანებმა გული რას გადავაყოლოთ, აღარ ვიცით. ჯორჯ მარტინის წიგნები უკვე რამდენჯერმე გადავიკითხეთ, წინა სეზონებს ვუყურეთ, გავეცანით ყველა სიახლეს, მაგრამ დრო მაინც დარჩა. ქვემოთ ჩამოთვლილი სერიალები GOT-ის მოყვარულთა გემოვნებითაა შერჩეული და თუ მათ დავუჯერებთ, არანაკლებ საინტერესო საყურებელია მძაფრი ემოციების, ვნებების და სიუჟეტის მოულოდნელი განვითარების მოყვარულთათვის.

1. უცხოელი

უცხოელი ძალზე საინტერესო სიუჟეტის მქონე სერიალია: II მსოფლიო ომის მედდა 1743 წლის შოტლანდიაში ხვდება და აჯანყებული იაკობიტები აიყვანენ ტყვედ. GOT-ის ფანებს ნამდვილად მოეწონებათ ის, რადგან ამ ფილმშიც დახვდებათ სექსი, იუმორი, მოულოდნელობები და ბრძოლები. და რაც მთავარია, სემ ჰოგენი!

2. ვიკინგები

ვიკინგები ნამდვილად გამორჩეულია თავისი გონივრულად გახსნილი პერსონაჟებით, მსახიობების შესანიშნავი თამაშით და რასაკვირველია, საბრძოლო სცენების ცვენით. შეიძლება ითქვას, რომ ამ სერიალში ყველა მამაკაცი ხალ დროგოა. და არც მაგიისა და მითოლოგიის ნაკლებობას განიცდის (მართალია დრაკონები და თეთრი მავალები არაა, მაგრამ მაინც).

3. და ვინჩის დემონები

ახალგაზრდა, სექსუალური ლეონარდო და ვინჩი შუა საუკუნეების შერლოკია. სერიალი არ განიცდის ძალადობის, ინტრიგებისა და სიშიშვლის დეფიციტს.

4. უკანასკნელი სამეფო

BBC-ის ამ სერიალს რეკომენდაციას უამრავი ადამიანი უწევს. ბერნარდ კორნუელის ნაწარმოების მიხედვით შექმნილი სერიალი ფენტეზი არაა, მაგრამ ბრწყინვალე ისტორიულ ამბავსა და პერსონაჟებს წარმოგვიდგენს.

5. იდუმალი ობოლი

ბევრი სიკვდილი, რომელიც ცრემლებამდე მიგიყვანთ, იუმორი და სიუჟეტი, რომლის განვითარებასაც თვალს ვერ მოწყვეტთ.

6. სპარტაკი

დამატყვევებელი ისტორია, სექსი, ძალადობა და ისტორია – ის, რაც GoT-ში გვიყვარს. მსახიობები საოცრად თამაშობენ. ეს სერიალი ყველას მოეწონება (რეკომენდებული არაა 16-ზე ქვედა ასაკისთვის).

7. ვაინონა ერპი

დემონები, უცნაური ნახევარგველა/ნახევრად მცენარე არსებები და კიდევ უამრავი რამ, ბრწყინვალე სცენარი, ლამაზი გადაღება და შესანიშნავი სამსახიობო ანსამბლი – ამ სერიალს ყველაფერი აქვს თქვენს მოსახიბლად.

8. შეშლილები

ეს სერიალი “სამეფო კარის თამაშებისგან” განსხვავებული ჟანრისაა, მაგრამ საოცარი დიალოგები და მოულოდნელობის ეფექტი ის მახასიათებლებია, რომლებიც ორივე სერიალს აერთიანებს.

9. სალემი

ერთ-ერთი დაუფასებელი სერიალია. სიუჟეტი სალემის კუდიანთა სასამართლოს გარშემო ტრიალებს. ჯადოქარი ქალი მერი დიდებული მანიპულატორი, ქარიზმატული და ავია. სერიალში უხვადაა პოლიტიკური თამაშები და ინტრიგები, რაც ასე გვხიბლავს GOT-ში.

10. ზებუნებრივი

ორი სექსუალური ძმა მოგზაურობს სექსუალური მანქანით, ეფლირტავება სექსუალურ დემონებს და სექსუალურ ანგელოზებს… გარდა ამ ყველაფრისა, ზებუნებრივი მართლაც ბრწყინვალე სცენარის მქონე სერიალია, ძალიან საინტერესო თხრობა, პერსონაჟთა ხაზები და საოცარი გზა კვანძის გახსნამდე. სერიალი 12 სეზონს მოიცავს, ასე რომ, სამეფო თამაშების სიცარიელეს მშვენივრად ამოავსებთ.

11. ასი

იმის მიუხედავად, რომ უფრო სამეცნიერო ფანტასტიკური ჟანრის სერიალია, ვიდრე ფენტეზი, სხვადასხვა ძალების მქონე პერსონაჟთა მრავალფეროვნებით ასი GOT-ს არ ჩამორჩება. ასეთივე მრავალფეროვანია სამსახიობო ანსამბლიც.

12. მერლინი

აქ ყველაფერია, რაც სამეფო კარის თამაშებში განსაკუთრებით გვიყვარს: დრაკონები, რაინდები და მაგია.

13. შავი აფრები

მსგავსი სტილისა და ესთეტიკის სერიალია, შეიძლება “მეკობრეთა თამაშებიც” კი ვუწოდოთ. სუნთქვის შემკვრელი სანახაობა, სიუჟეტი და პერსონაჟები – ჟანრის მოყვარულთათვის აუცილებლად სანახავ სერიალებში თამამად შეგვიძლია შევიყვანოთ.

14. ბორჯიების ოჯახი

ისეთივე მშვენიერი გადაღება, უამრავი ინტრიგა, სექსი, მკვლელობა, ძალაუფლების წყურვილი… ჰო, ჯადოქრობა არაა, სამაგიეროდ ჭეშმარიტ ისტორიულ წყაროებზეა დაფუძნებული.

15. ჰანიბალი

ბოლო ათწლეულის ერთ-ერთი გამორჩეული სერიალია. უნიკალური აზროვნების მქონე უილ გრეჰემი ფედერალურ ბიუროსთან ერთად ეძებს სერიულ მკვლელს. განსაკუთრებული ნიჭი მას საშუალებას აძლევს, ღრმად შეიგრძნოს სხვა ადამიანის გრძნობები, შეუძლია გაიგოს მკვლელობის მიზეზი და რამ გამოიწვია მკვლელობა. მიუხედავად GOT-თან ჟანრობრივი სხვაობისა, ნამდვილად ღირს ამ შოუს ნახვა.

16. საშიში ზღაპრები

ძლიერი, სისხლს მოწყურებული ქალი მთავარ როლში, ვიქტორიანული ლონდონი, რომელიც საშინელებათა წიგნებიდან გადმოსული ცნობილი პერსონაჟებითაა სავსე. ერთადერთი, რაც ამ სერიალს აკლია, სეზონების სიუხვეა (სულ 3 სეზონია), მაგრამ ნახვა ნამდვილად ღირს.

17. თეთრი დედოფალი

ამბავი ნამდვილ ისტორიულ მოვლენაზე – ვარდების ომის პერიოდზე ბრიტანეთში, რომლის დროსაც დიდი პოლიტიკური თამაშები მიმდინარეობდა და რომელიც ნაწილობრივ გახდა სამეფო კარის თამაშების სიუჟეტის ინსპირაცია.

18. ტიუდორები

სექსი, სისხლი, შესანიშნავი კოსტიუმები და მიმზიდველი კაცები. ჩვენთვის ნაცნობი დედოფალი მარჯერიც. და რაც მთავარია – ყველაფერი დაფუძნებულია რეალურ მოვლენებზე!

19. მქადაგებელი

ბნელი სიუჟეტი იუმორის სერიოზული გამონათებებით. ჯო გილგანი და ყველა მსახიობი დიდებულად თამაშობს. ამ სერიალის მაყურებელს მოწყენის დრო ნამდვილად არ ექნება.

20. სამეფო

ფენტეზი დრამა, დაფუძნებული რეალურ პერსონაჟებზე (მათ შორის, შოტლანდიის დედოფალ მარიამ სტიუარტზე), ჯადოსნობა, მკვლელობები და სიუჟეტის წარმოუდგენელი განვითარება. და რაც მთავარია, მიმზიდველი მამაკაცების მთელი არმია.