2018 წლის 10 ღირსეული ფილმი, რომელიც შესაძლოა გამოგრჩათ

nugo July 11, 2021

დიდ პრემიერებს მუდამ ახლავს მასშტაბური სარეკლამო კამპანიებიც. ბესთსელერების ირგვლივ არსებული აჟიოტაჟის გამო კი ხშირად არც ისე ცნობილი, მაგრამ კარგი ფილმები გვეპარება. ზოგიერთი მათგანი პრესტიჟული კინოპრემიების ლაურიატებიც გახდნენ, მაგრამ მიუხედავად ამისა, ფართო პუბლიკას მაინც არ სმენია მათ შესახებ. დღეს წარმოგიდგენთ გასული წლის ფილმებს, რომლებიც შეიძლება გამოგრჩენოდათ, მაგრამ აუცილებლად იმსახურებენ თქვენს ყურადღებას.

აქ აღნიშნული რამდენიმე ფილმი, ოქროს გლობუსზეც იყო ნომინირებული. 

დარბაზებში (2018)

გერმანელი რეჟისორის თომას შტუბერის ნამუშევარმა ბერლინის კინოფესტივალზე საკმაოდ მაღალი შეფასება მიიღო. ერთი შეხედვით მარტივ ფილმში, საკმაოდ ღრმა ფილოსოფიური საკითხებია წამოჭრილი: მარტოობაზე, დაბრკოლებებზე, რომლებსაც ადამიანი თავად აშენებს საკუთარ გონებაში, და ბედნიერების ფორმულაზე, რომელიც პრინციპში, ყველასთვის ერთია.

მგზავრი (2018)

ეს საკმაოდ ძლიერი ფრანგულ-ამერიკული წარმოების თრილერია, რომელსაც საფუძვლად, შეიძლება არც ისე ახალი, მაგრამ საკმაოდ საინტერესო და, რაც მთავარია, ლოგიკური ისტორია უდევს. ნილსონის პერსონაჟი ამჯერად რთულ სიტუაციაში ჩავარდნილი უბრალო ადამიანია, სუპერგმირის შესაძლებლობების გარეშე.

წვრილმანი მძარცველები (2018)

ფილმი, რომელმაც კანის კინოფესტივალზე “ოქროს პალმის რტო” დაიმსახურა. ამაღელვებელი ისტორია ღარიბ ოჯახზე, რომელსაც ძარცვის დაგეგმვა უწევს იმისთვის, რომ გადარჩეს. ფილმი გაიძულებთ კიდევ ერთხელ დაფიქრდეთ თქვენს შეხედულებაზე სიკეთესთან და ბოროტებასთან დაკავშირებით, რომ ცხოვრებაში არ არის ყველაფერი ცალსახად, როგორც ერთი შეხედვით შეიძლება მოგეჩვენოთ.

ძიება (2018)

ფილმი საკმაოდ განსხვავებული ხერხით არის გადაღებული. მოქმედება ძირითადად გაჯეტების ეკრანებზე ვითარდება და როგორც კრიტიკოსები ამბობენ, ეს მსგავსი ჟანრის ერთ-ერთი ყველაზე წარმატებული ფილმია. საინტერესო და ჩახლართული სიუჟეტი, მსახიობების არჩვეულებრივი შესრულება. ამას დამატებული მამებისა და შვილების მარადიული პრობლემა დღევანდელი რეალობის გათვალისწინებით. ფილმი ნამდვილად გაგიჩენთ საფიქრალს.

რეინკარნაცია (2018)

ნამდვილად ღირსეული მისტიკური დრამა, რომელიც ჩვეული ამერიკული საშინელებათა ფილმებისგან განსხვავდება. ფილმი დაწყებისთანავე დაძაბულობის შეგრძნებას ბადებს, რომელიც მთელი ფილმის განმავლობაში უფრო და უფრო მატულობს. თავისებური დინამიკა, მუსიკალური გაფორმება და საინტერესო სიუჟეტი თავის საქმეს კარგად ართმევენ თავს: შედეგად ხარისხიანი და ძალიან საშიში ფილმი მივიღეთ.

ბრეივენი (2018)

კანადის სიღრმე, მთები, შობის წინა პერიოდი. ჯეისონ მომოას გმირის, მეტყევის და მისი ოჯახის მშვიდი ცხოვრება მოულოდნელად დაირღვევა, როდესაც ქალაქში ნარკომოვაჭრეების საშიში დაჯგუფება გამოჩნდება. მომოას გმირი ყველაფერზეა წამსვლელი ახლობლების დასაცავად. უნდა აღინიშნოს ოპერატორის არაჩვეულებრივი ნამუშევარი: დათოვლილი პეიზაჟები ცალკე მოგანიჭებთ ესთეტიურ სიამოვნებას.

ფაკირის წარმოუდგენელი თავგადასავლები (2018)

ფილმი ესთეტიური სიამოვნებისთვის და განწყობის ასამაღლებლად. სასიამოვნო და ადგილებში გულუბრყვილო რომანტიკული ისტორია. პარიზისა და მუმბაის ფერადი ქუჩების ზედხედით ტკბობა ცალკე სიამოვნებაა. ფილმზე ფრანგების, ბელგიელების, ინდოელების, სინგაპურის და ამერიკელების ინტერნაციონალური ჯგუფი მუშაობდა. გასაკვირი არ არის, რომ ფილმის ქვეტექსტი ტოლერანტულობა და ყველაფრისადმი სიყვარულია.

სიბნელეში (2018)

ნატალი დორმერის გმირი უსინათლო ნიჭიერი პიანისტია, მაგრამ მას უნიკალური სმენა აქვს: როდესაც გვერდით ბინაში მკვლელობა მოხდა, მან ყველაფერი დეტალურად გაიგო. ამ მომენტის შემდეგ საშიშროება მასაც ემუქრება. სხვათა შორის, ეს ფილმი ნატალი დორმერის, როგორც სცენარისტის და პროდიუსერის სადებიუტო ნამუშევარია. სამსახიობო შემადგენლობა და შესრულებაც ნამდვილად იმსახურებს შექებას.

რომა (2018)

შავ-თეთრი ფილმი, რომელმაც ცოტა ხნის წინ ოქროს გლობუსი საუკეთესო უცხოენოვანი ფილმისთვის მიიღო. ის მოგაჯადოვებთ თავისი ატმოსფეროთი. ალფონსო კუარონი ახერხებს მაყურებლის აყოლიებას და წარსულში მოგზაურობას. ფილმში არის რამდენიმე მომენტი, რომელიც გულგრილს არც ერთ მაყურებელს დატოვებს. ოქროს გლობუსის გამარჯვებული კუარონიც გახდა კატეგორიაში საუკეთესო რეჟისორი.

90-იანი წლები (2018)

ბევრი რეჟისორი ცდილობს მიაგნოს რაღაც მწვავე თემატიკას, ჩახლართოს სიუჯეტი ისე, რომ მაყურებელს თავბრუ დაახვიოს, მთავარი როლისთვის მიიწვიოს რომელიმე ვარსკვლავი და მის ირგვლივ ააწყოს ყველაფერი. ჯონა ჰილს ნამდვილად აქვს ის სტატუსი, რომ მთავარ როლებზე ცნობადი სახე დაეკავებინა, მაგრამ მან საკუთარი გზა აირჩია და გადაიღო არაჩვეულებრივი ფილმი მოზარდებზე, რომელიც ნამდვილი 90-იანი წლების ატმოსფეროთი არის სავსე.