2019 წლის 10 გამორჩეული ფილმი

nugo July 11, 2021

დრამა, თრილერი, კომედია, სამეცნიერო ფანტასტიკა… შუახნის კრიზისი, ნამდვილი სასწაული, ჭიდაობა, ადამიანის პირველი ნაბიჯი მთვარეზე, თაღლითების და შეშლილების ილუზორული სამყარო – ეს ის თემები და ჟანრებია, რომლებიც ეკრანებზე წელს გაცოცხლდა. გთავაზობთ 2019 წლის 10 გამორჩეულ ფილმს:

გრეტა

გრეტა

ახალი თრილერი, რომელშიც მთავარ როლებს იზაბელ იუპერი და ქლოე გრეის მორეცი თამაშობენ, თავსატეხებითაა სავსე. სიუჟეტის ცენტრში გოგონაა, რომელიც საფულეს პოულობს და პატრონს უბრუნებს, რაც მათ დაახლოებას უწყობს ხელს. სამწუხაროდ, ამ სასიამოვნო ქალბატონის ნიღბის მიღმა საშიში მანიაკი იმალება.

შურისმაძიებლები: დასასრული

შურისმაძიებლები: დასასრული

ფილმი, რომელსაც მთელი მსოფლიო მოუთმენლად ელოდა. Marvel-ის სუპერგმირების დიდი ისტორიის დასასრული, რომელიც ამავდროულად, ახალი გმირებისა და ახალი ისტორიების დასაწყისია. შურისმაძიებლების ბოლო ფილმმა ფანების იმედები ნამდვილად გაამართლა.

პლიუს ერთი

პლიუს ერთი

ქორწილში წასვლა მარტოხელებისთვის ნამდვილი კოშმარია, რადგან ბევრ უსიამოვნო კითხვას გულისხმობს. სწორედ ამიტომ, ორი მარტოხელა მეგობარი გადაწყვეტს, ქორწილებში ერთად იაროს. მათ ეჭვადაც კი არ აქვთ, რა სიურპრიზები მოჰყვება მათ გადაწყვეტილებას.

ბრძოლა ჩემს ოჯახთან

ბრძოლა ჩემს ოჯახთან

ფილმი მოჭიდავეების ოჯახისა და ცნობილი მოჭიდავის, სორაია ნაითის (პეიჯი) ისტორიას გვიყვება. ორგზის ჩემპიონი გოგონა თავის დროზე დუეინ ჯონსონმა აღმოაჩინა და უზარმაზარი როლიც ითამაშა, რომ ის ნამდვილი ვარსკვლავი გამხდარიყო.

აპოლო 11

აპოლო 11

1969 წელს აპოლო 11 მთვარის ზედაპირზე დაეშვა. როდესაც მთვარეზე ფეხი დადგა, ნილ არმსტრონგმა თქვა: ადამიანის ეს პატარა ნაბიჯი არის კაცობრიობის დიდი ნახტომი. 50 წლის იუბილესადმი მიძღვნილი ფილმი სწორედ ამ ისტორიულ მოვლენაზე გვიყვება.

პროფესორი და შეშლილი

პროფესორი და შეშლილი

მე-19 საუკუნის ინგლისი. ოქსფორდის პროფესორი ინგლისური ენის პირველ ლექსიკონს ადგენს. ასისტენტად კი იყვანს ფსიქიატრიულის პაციენტს, რომელიც მკვლელობაში გახლდათ ბრალდებული.

გლორია ბელი

გლორია ბელი

გლორია ბელი განქორწინებული ქალია, რომელსაც ასაკის მატება აშინებს. ის დღისით მუშაობს, ღამღამობით კი ცეკვავს და ერთობა. მერე კი, მის ცხოვრებაში მოულოდნელად სიყვარული იჭრება, ურთიერთობა, რომელსაც ბევრ სიხარულთან ერთად, ბევრი პრობლემაც ახლავს.

მოხეტიალე

მოხეტიალე

მეთიუ მაკკონაჰის გმირი გართობისა და ბუნტის ნამდვილი მეფეა, ნარკოტიკების მოყვარული თაღლითი, რომელიც თავაშვებულად ცხოვრობს და მხოლოდ სიამოვნებაზე ფიქრობს. მართალია, ნერვებს მოგიშლით, მაგრამ თან ბევრსაც გაცინებთ.

საოცრად ავი, შოკისმომგვრელად ბოროტი და საზარელი

საოცრად ავი

ნამდვილ ამბავზე დაფუძნებული ფილმი მეოცე საუკუნის ერთ-ერთი ყველაზე სასტიკი სერიული მკვლელის, ტედ ბანდის ისტორიას მოგვითხრობს. ბანდის, რომელიც სასამართლოზე საკუთარ თავს თავად იცავდა, 30 ქალის მკვლელობა დაუმტკიცდა, თუმცა, რეალობა 100-ზე მეტ მსხვერპლს ითვლის.

აღმოჩენა

აღმოჩენა

2015 წელს იმდენად უჩვეულო მოვლენა მოხდა, რომ მის შესახებ წელს ფილმიც გადაიღეს. სანტ ლუისელი 14 წლის მოზარდი გაყინულ ტბაში ჩავარდა და იქ 15 წუთი დაჰყო, სანამ გადაარჩენდნენ. ექიმები დარწმუნებულები იყვნენ, რომ ბიჭი მოკვდებოდა. თუმცა, დედამისი რეანიმაციულ განყოფილებაში შევიდა და ლოცვა დაიწყო. ლოცვა დაიწყეს ქალაქის მაცხოვრებლებმაც, რომლებიც საავადმყოფოსთან შეიკრიბნენ. ბიჭმა, რომელსაც 40 წუთით გულისცემა გაუჩერდა და პულსი არ ჰქონდა, ამოისუნთქა. ორი კვირის შემდეგ კი საავადმყოფო სრულიად ჯანმრთელმა და უვნებელმა დატოვა…