5 დოკუმენტური სერიალი, რომელიც არ უნდა გამოტოვოთ

nugo July 11, 2021

რეალური ამბები. რეალური მოვლენები და ადამიანები… სინემანია გთავაზობთ 5 დოკუმენტურ სერიალს, რომელიც არ უნდა გამოტოვოთ:

ისტორია ღმერთზე მორგან ფრიმენთან ერთად

ისტორია ღმერთზე

როგორ აღიქვამს რელიგიათა უმეტესობა სიკვდილის შემდგომ არსებობას? რას ნიშნავს სხვადასხვა ცივილიზაციისთვის დაბადება, ყოფიერება, ადამიანის ცხოვრების აზრი? მორგან ფრიმენი სერიალში სწორედ ამ და სხვა კითხვებს სვამს, კითხვებს, რომლებიც გაჩენის დღიდან აწუხებს კაცობრიობას.

კოსმოსი: სივრცე და დრო

კოსმოსი

ეს არის ამერიკული დოკუმენტური სერიალი, რომელიც მეცნიერულ აღმოჩენებზე გვიყვება. მასში განხილულია ისეთი თემები, როგორიცაა ელექტრომაგნეტიზმი, სინათლის დისპერსია, დედამიწის მდებარეობა კოსმოსში და ა.შ. შოუს ამერიკელი ასტროფიზიკოსი და მწერალი – ნეილ დეგრას ტაისონი უძღვება.

დეტექტივები

დეტექტივები

დეტექტივები მხატვრულ-დოკუმენტური სერიალია, სადაც აღწერილია კანადაში მომხდარი დანაშაულები, რომლებიც კანონმდებლობაში ცვლილებების შეტანის საფუძველი გახდა. ყოველი ეპიზოდი სხვადასხვა ისტორიაზეა. კანადელი დეტექტივები ჰყვებიან თავიანთ კარიერაში ყველაზე მძიმე საქმეებზე, რომლებმაც საზოგადოებაზეც იქონია გავლენა.

ნარკოტიკი

ნარკოტიკი

Netflix-ის ორ-სეზონიანი მინი-სერიალი შეულამაზებლად გვიჩვენებს ნარკოომებს; ნარკოდილერების, მომხმარებლებისა და ნარკოტიკებთან მებრძოლი პოლიციელების ცხოვრებას. ნარკოტიკი აშშ-სა და მექსიკის ნარკოსამყაროზე გვიყვება.

მკვლელის ჩამოყალიბება

მკვლელის ჩამოყალიბება

ერთ-ერთი საუკეთესო დოკუმენტური სერიალი, რომელიც ვისკონსინელი სტივენ ეივერის შემზარავ ისტორიას აღწერს. გაუპატიურებასა და მკვლელობაში ბრალდებულ 23 წლის სტივენს 20 წლით თავისუფლების აღკვეთა მიუსაჯეს. პატიმრობიდან 18 წლის შემდეგ კი, მან, დნმ-ის ტესტის მეშვეობით, საკუთარი უდანაშაულობა დაამტკიცა და ციხიდან გამოვიდა. ეივერიმ ქალაქის სასამართლოს, შერიფისა და პროკურორის წინააღმდეგ სარჩელი შეიტანა და 36 მილიონი მოითხოვა, რაც იმით დასრულდა, რომ სტივენ ეივერი მეორედ დააპატიმრეს ფოტოგრაფი ქალის სასტიკი მკვლელობისთვის… ეს არის საზარელი ისტორია ერთი ადამიანის ბრძოლაზე სისტემის წინააღმდეგ, რამაც საზოგადოებას თავზარი დასცა.

 

სხვა დოკუმენტური ფილმებისა და სერიალების ნახვა შეგიძლიათ ამ ლინკზე:

https://net.adjaranet.com/CollectionPage/main?id=130