5 კარგი სამედიცინო სერიალი, თუ “გრეის ანატომია” ყელში ამოგივიდათ

nugo July 11, 2021

გრეის ანატომიის როგორი თავგადაკლული ფანიც უნდა იყოთ, მაინც ბუნებრივია, სერიალის დასრულებაზე ოცნებობდეთ. შონდა რაიმსის სატელევიზიო შოუ უკვე 14 წელია გრძელდება და სამეფო კარის თამაშების არ იყოს, ბევრი მთავარი გმირი დაიხოცა. გთავაზობთ 5 კარგ სამედიცინო სერიალს, რომელიც ამ ჟანრის მოყვარულებს მოგეწონებათ:

ექიმი ჰაუსი

ჰაუსი

რა თქმა უნდა, პირველ რიგში, ეს ექიმი ჰაუსია. დევიდ შორის 8-სეზონიანმა სატელევიზიო დრამამ გამოსვლისთანავე მიიქცია მაყურებლის ყურადღება და ძალიან პოპულარული გახდა. სიუჟეტის ცენტრში გენიოსი და სოციოპათი ექიმი გრეგორი ჰაუსია, რომელიც ურთულეს და გაურკვეველ შემთხვევებშიც კი ახერხებს სწორი დიაგნოზის დასმას. ეჭვგარეშეა, რომ სერიალის წარმატებაში უზარმაზარი წვლილი აქვს ჰიუ ლორის, რომელიც ბრწყინვალედ თამაშობს ექსცენტრული და მარტოსული ექიმის როლს.

რეანიმაცია

რეანიმაცია

სერიალი მოგვითხრობს ლოს-ანჯელესის საავადმყოფოს რეანიმაციული განყოფილების ექიმებზე, რომლებიც, ურთულესი სიტუაციების მიუხედავად, ყოველთვის დაუღალავად იბრძვიან პაციენტების სიცოცხლის გადასარჩენად. რეანიმაციაში მთავარ როლს მარშა გეი ჰარდენი თამაშობს და თუ სხვა სამედიცინო სერიალებს გადავხედავთ, ეს ნამდვილად გამონაკლისი შემთხვევაა, როდესაც სიუჟეტის ცენტრში ქალი გმირია.

რეზიდენტი

რეზიდენტი

ახალგაზრდა სტაჟიორს, რომლის ცხოვრებისეული შეხედულებებიც ძირითად ღირებულებებს ემყარება, სწამს, რომ მედიცინა საუკეთესო გზაა ადამიანების დასახმარებლად. თუმცა, ჩესტეინის საავადმყოფოში მუშაობის დაწყების შემდეგ საკუთარი წარმოდგენების გულუბრყვილობაში რწმუნდება. სერიალი გვიჩვენებს, რისი გადატანა უწევთ რეალურად ექიმებსა და ექთნებს და რამხელა ენერგიასა და შინაგან ძალაზე დგას მათი ყოველდღიურობა.

კარგი ექიმი

კარგი ექიმი

ექიმი ჰაუსის შემქმნელის – დევიდ შორის კიდევ ერთი სამედიცინო დრამა, რომელიც ასევე წარმატებული გამოდგა. ამჯერად სიუჟეტის ცენტრში აუტიზმის სინდრომის მქონე სტაჟიორი ქირურგი შონ მერფია – ბრწყინვალე გონებითა და ვიზუალიზაციის უნარით; ადამიანი, რომელიც ექიმი ჰაუსივით ახერხებს ურთულესი “ამოცანების” ამოხსნას. სერიალი ძალიან მნიშვნელოვანია იმ კუთხით, რომ გვიჩვენებს, რამხელა სიძნელეებს ეჯახებიან აუტიზმის სინდრომის მქონე ადამიანები სოციალიზაციის პროცესში და როგორ პასუხობენ მათ მცდელობებს გარშემომყოფები. ექიმი შონ მერფის როლით ფრედი ჰაიმორიმ დაამტკიცა, რომ თანამედროვეობის ერთ-ერთი ყველაზე ნიჭიერი ახალგაზრდა მსახიობია.

ახალი ამსტერდამი

ახალი ამსტერდამი

ამერიკის უძველესი საავადმყოფოს ახალ დირექტორად ექიმი მაქს გუდვინი ინიშნება. ეს უწესრიგო და რეპუტაცია შელახული საავადმყოფო ერთადერთია, სადაც ებოლათი დაავადებულ პაციენტებსა თუ ციხის პატიმრებს მკურნალობენ. მაქს გუდვინი გადაწყვეტს, ძველი წესები დაარღვიოს და შექმნას ახალი სისტემა, დაიწყოს ბრძოლა რეალური კეთილდღეობისთვის… ახალი ამსტერდამი მიმდინარე სერიალია, რომლის პირველი სეზონიც 2018 წელს გამოვიდა და უკვე ძალიან დიდი პოპულარობით სარგებლობს.

 

სხვა სამედიცინო სერიალების ნახვა შეგიძლიათ ამ ლინკზე:

https://net.adjaranet.com/CollectionPage/main?id=288