5 კორეული სერიალი, რომელსაც მალე ქართულად იხილავთ

nugo July 10, 2021

იმ მაყურებელმაც კი, რომელიც არ იცნობს კორეულ კულტურას, მშვენივრად იცის, თუ რა არის კორეული სერიალი. ისინი მთელი მსოფლიოს მასშტაბით ყოველდღიურად უფრო და უფრო პოპულარული ხდება. თუ კორეული სერიალების მოყვარულები ხართ, თქვენთვის კარგი ამბები გვაქვს – სულ მალე Adjaranet.com მათ გახმოვანებას დაიწყებს. წარმოგიდგენთ ხუთ კორეულ სერიალს, რომლის ნახვასაც ქართულად უახლოეს მომავალში შეძლებთ.

Healer / ჰილერი

პირველი სერიალი, რომლის ქართულად ყურების საშუალებაც უკვე 17 სექტემბრიდან გექნებათ “ჰილერია”. მისი მთავარი გმირი კიმ მუნ-ჰოა – ვარსკვლავი თავის საქმეში, რომლის წარმატებისაც მის კოლეგა-კორესპონდენტებს შურთ, მისი ძმა კი დიდი მედია-ჰოლდინგის მფლობელია. მაგრამ მთავარ გმირს ახალგაზრდობის შეცდომების გამო დანაშაულის გრძნობა აწუხებს და ცოდვების გამოსყიდვის მიზნით ყველანაირად ცდილობს იონ-შინს დაეხმაროს გახდეს ცნობილი რეპორტიორი. ახალგაზრდა გოგონასთან, რომლის მიზანიც პროფესიონალური უნარ-ჩვევების გაუმჯობესებაა, მთავარ გმირს სხვა ინტერესებიც აქვს-

What’s Wrong with Secretary Kim / რა დაემართა მდივან კიმს?

გოგონებს გულუბრყვილოდ სჯერათ, რომ ნარცისი მამაკაცები ოდესმე შეცვლას შეძლებენ და შეწყვეტენ მხოლოდ საკუთარი თავის სიყვარულს. არც თუ ისე სულელ, ხანდახან, საკმაოდ სიმპათიურ ახალგაზრდებს, საკმაოდ დიდი ხანი შეუძლიათ ისაუბრონ იმაზე, თუ რა მშვენიერი ხართ, მაგრამ  გულწრფელად, მთელი გულით ქალის შეყვარება მათ არ შეუძლიათ. სწორედ ასეთია სერიალის მთავარი გმირი: შეძლებული და განათლებული ლი-იონ ჯუნი, რომელიც სასურველ საქმროდ ითვლება, მაგრამ მისი ნარცისიზმი მასთან მუშაობას ნამდვილ კოშმარად აქცევს. სერიალი საკუთარ თავზე შეყვარებული ახალგაზრდას და მისი სტაჟიანი მდივანის, კიმის ისტორიას მოგვითხრობს. “რა დაემართა მდივან კიმს?” ჩონ კიონ იუნას ამავე სახელწოდების რომანის მიხედვით იღებენ.

Oh My Venus / ო, ჩემო ვენერა

კან ჯუ-ინი 33 წლის სტაჟიანი ადვოკატია, რომელსაც მეგობრები და კოლეგები მეამბოხე კონკიას ეძახიან. თუმცა, თუ მის გარეგნობას გავითვალისწინებთ, რთულია მას კონკია ვუწოდოთ. მაგრამ ვინ თქვა, რომ მას არ აქვს ბედნიერების უფლება? მით უმეტეს, როდესაც ბედისწერა სექსუალურ ფიტნეს-ინსტრუქტორს შეახვედრებს… კიმ იუნ-ჰო ჰოლივუდის ვარსკვლავების ფიტნეს-ინსტრუქტორია. ის მდიდარ ოჯახში გაიზარდა, მაგრამ ვერანაირი ფული ვერ შველის ბავშვობაში მიღებულ ტრამვებს, რომელთან ბრძოლაც ჯერ კიდევ უწვს.

The Great Seducer / დიდი მაცდუნებელი

სერიალს საფუძვლად მე-18 საუკუნის ფრანგული რომანი “სახიფათო კავშირები” უდევს. ეს არის ისტორია მდიდარ ადამიანებზე, რომლებიც ადამიანური გრძნობების სახიფათო თამაშში ერთვებიან. კვონ ში ჰენი ქვეყანაში უმსხვილესი კონგლომერატის მემკვიდრეა. ერთხელაც მან დადო სანაძლეო, რომელში გამარჯვებასაც მხოლოდ იმ შემთხვევაში შეძლებს, თუ ინ ტე ჰის აცდუნებს. გოგონა კერძო კლინიკის გენერალური დირექტორის ქალიშვილია, სიცოცხლით სავსე და კეთილი, მაგრამ თვლის, რომ მოექცე გრძნობების გავლენის ქვეშ – დედამიწაზე ყველაზე დიდი საცოდაობაა. მაგრამ კვონ ში ჰენის გამოჩენის შემდეგ ყველაფერი იცვლება…

Strong Woman Do Bong Soon / ძლიერი ქალი დო ბონგ სუნი

ამ სერიალის მთავარი გმირი დო ბონგ სუნია, რომელიც დაბადებიდან ზებუნებრივი ფიზიკური ძალის მფლობელია. თუ ის ფრთხილად არ იქნება, დაამსხვრევს ყველაფერს, რასაც შეეხება. ის გუკ დუზეა შეყვარებული, რომელიც გიჟდება დადგენილი წესების ზედმიწევნით შესრულებაზე. გოგონას სურს მის იდეალურ ტიპს დაემსგავსოს – ნაზ და დახვეწილ ლედის. თავისი ძალის დამსახურებით ბონგ სუნი სამსახურს განებივრებული მდიდარი ან მინ ჰიოკას პირად დაცვად იწყებს, რომელიც ვიდეოთამაშების შემქმნელი კომპანიის დირექტორია. გუკ დუსგან განსხვავებით, მინ ჰიოკა ქედმაღალი და უცნაური ტიპია, რომელიც არაფრად აგდებს წესებს.